JEREMIAH 25:18 - Lai (Hakha) Common Language Bible 2006

¹⁸ cu hna cu hihi an si: Jerusalem le Judah khuapi hna le a siangpahrang hna le a bawi hna, annih cu nihin tiang i an si bang hin, ningzak le tuksapur le nihsawh awk thil le serhsat awk thil ah ka canter hna;

JEREMIAH 25:18 ပူးပေါင်းရင်းမြစ်များ

1 SIANGPAHRANG 8:24

na sal David, ka pa sinah na rak chimmi cu na zulh; asi, a sinah na kaa in na rak chim i mah cucu nihin ni ah hin na kut in na tlinter.

2 SIANGPAHRANG 22:19

hi hmun le hika i a ummi hna cu an ṭiao lai i chiatserhnak an ing lai ti in ka chimmi bia kha na theih tikah na lung cu aa ngaihchih i Bawipa hmaiah toidor in na um ca le na hnipuan na thleh hna i ka hmai i na ṭah caah, kei zong nih na bia cu kan theihpiak ve, tiah Bawipa nih a ti.

2 CHANRELNAK 29:8

Cucaah Bawipa thinhunnak cu Judah le Jerusalem cungah a tlung i tuksapur, khuaruahhar le serhsat awk thil ah, nannih nih nan mit hrim i nan hmuh bang hin a ser hna.

EZRA 9:7

Kan pupa hna chan in nihin tiang mawhnak nganpi kan tuah lengmang ko; cun kan ṭhat lonak caah cun kanmah le kan siangpahrang hna le kan tlangbawi hna cu ramdang siangpahrang hna kut chungah pek kan si i vainam le saltannak le ramhnak le mualphonak cu nihin i bang hin rak in lengmang kan si.

NEHEMIAH 9:36

Zohhmanh, nihin ah hin kannih cu sal kan si ko; a theitlai le a laksawng ṭha hna kha i lawmhpi awkah kan pupa hna na pekmi ram chungah hin kannih cu zohhmanh sal kan si ko.

SALM 60:3

Na mi cu temhnak tampi na kan inter, a kan rittertu zu kha na kan dinter.

ISAIAH 40:23

Uktu bawi ṭhawngṭhawng kha a ṭhumh hna i pakpalawng ah a canter dih hna.

ISAIAH 65:15

Ka thimmi ka mi hna nih cun nan min cu chiatserhnak ah an hman lai. Bawipa nih kan thah hna lai. Sihmanhsehlaw ka nawl a zulmi cu min thar ka pek hna lai.

JEREMIAH 1:10

Zohhmanh nihin ah hin nangmah cu miphun hna cung le pennak hna cungah, phawi awk le ṭheh awkah, hrawh awk le hral awkah, sak awk le phun awkah kan chiah cang,” tiah a ti.

JEREMIAH 13:3

Cun Bawipa bia cu a voi hnihnak ka sinah a ra ṭhan i,

JEREMIAH 13:9

Hi bantuk hin Judah aa porhlawtnak a nganmi le Jerusalem aa porhlawtnak a nganmi kha ka hrawh lai.

JEREMIAH 24:9

Vawlei cung ram kip ah annih cu tuksapur ah ka ser hna lai, annih cu ka dawi hnanak ram kip ah nihsawh awk le phungthluk bia le zawmhtaih awk le chiatserh awkah ka ser hna lai.

JEREMIAH 25:11

Kum sawm sarih chung hi ram hi ningzak le tuksapur in a um lai i hi miphun hna nih hin Babilon siangpahrang cu an rianh lai.

JEREMIAH 25:9

chaklei miphun vialte kha ka cah hna lai, tiah Ralkapbu Bawipa nih a ti. Ka sal Nebukhadnezzar, Babilon siangpahrang kha ka cah fawn lai. Hi ram le a chung i a ummi hna le a pawngkam i a ummi miphun vialte hna doh awkah ka ratpi hna lai i ka hrawh cikcek hna lai, tuksapur le cekcekhnawh thluahmah awk le zungzal nihsawh awkah ka ser hna lai.

JEREMIAH 26:6

hi inn hi Shiloh bantuk ah ka canter lai i hi khuapi hi vawlei cung miphun vialte caah nihsawh awk thil ah ka ser lai, a ti, na ti hna lai,” tiah a ti.

JEREMIAH 44:22

a in khawh ti lo tiangin a lung chungah cun an kai luaimai. Nan tuahnak cu an ṭhalo tuk hringhran i nan tuahmi thil cu fih an nung tuk hringhran. Nan ram cu ṭiaotakmi hmun pakpalawng ah a cang i nihin i a si ko rih bantuk hin tuksapur le nihsawh awk, ahohmanh um lonak hmun a si ko rih.

EZEKIEL 30:7

Ṭiaotakmi ram lakah pakpalawng bik an si lai i an khua hna cu a rawkmi khua lakah an i tel lai.

DANIEL 9:12

Kanmah kong ah siseh, a kan uktu hna kong ah siseh, na chimmi vialte kha na tlinter i kan cungah le Jerusalem khua cungah vawlei cung dihlak i a tlung tawnmi harnak vialte hna nakin a ngan deuhmi harnak kha na tlunter;

AMOS 2:5

Cucaah Judah cungah mei ka thlah lai i Cu mei nih cun Jerusalem ralhruang vialte kha a kangh dih hna lai.

AMOS 3:2

Vawleicung miphun vialte lakah hin Nanmah lawnglawng hi kan theihhngalhmi hna nan si, Cucaah nan ṭhat lonak vialte ruangah hin dan kan tat hna lai.

MIKAH 6:16

Omri siangpahrang cawnpiaknak kha nan i ken, A fapa Ahab le a innchungkhar nih an tuahmi kha nannih zong nih nan tuah ve; An lam paoh kha nan zulh hna. Cucaah nannih cu rawk cikcek in kan ṭhio hna lai, Miphun dang hna nih nannih cu an in nihsawh hna lai i an in serhsat hnanak cu nan in lai,” a ti.

JOSHUA 6:18

Sihmanhsehlaw hrawh awkah pekchanh ciami thil kha nannih nih nan ulh hna lai, cu ti a si lo ahcun, nannih nih nan pekchanh hna tikah khan pekchanhmi thil pakhatkhat kha nan lak sual hnga i Israel riahhmun cu hrawh awk ca thil ah nan ser hnga i a cungah harnak nan tlunter sual hnga.

1 PETER 4:17

Biaceihnak thawk caan cu a phan cang i biaceih hmasa bik ding cu Pathian mi hna kha an si lai. Kanmah in thawh a si ahcun, Pathian sinin a rami Thawngṭha a zum lomi hna kha, zeitindik an donghnak a va si te ual lai?