JEREMIAH 25:15 - Lai (Hakha) Common Language Bible 2006

¹⁵ Hi bangin Bawipa, Israel Pathian nih ka sinah a ti: “Hi thinhunnak mitsur hang hrai hi ka kut in i lak law, va kal, tiah kan fialnak miphun vialte cu va dinter hna.

JEREMIAH 25:15 ပူးပေါင်းရင်းမြစ်များ

JOB 21:20

An rawhnak cu anmah mit hrimhrim nih hmu seh law Lianngan Bik thinlinhnak cu anmah nih ding hrim ko hna seh.

SALM 11:6

Miṭhalo cungah meiṭil le kaat kha a surter; a alhmi mei in dan a tat hna.

SALM 60:3

Na mi cu temhnak tampi na kan inter, a kan rittertu zu kha na kan dinter.

SALM 75:8

Bawipa nih a kut in hrai pakhat aa put, cu hrai cu zu hrim, a ṭhawng ngaingaimi in a khat, a thlet i miṭhalo vialte kha a dinter hna, a ne zongin an khawn dih.

SALM 75:9

Sihmanhsehlaw kei cu Jakob Pathian kong chim kha ka bang lai lo i amah thangṭhatnak hla sak zong kha ka ngol bal lai lo.

ISAIAH 14:26

Hihi vawlei cung ca i khua ka khanmi cu a si i miphun dantat awkah khan ka ban cu aa samh ko,” a ti.

ISAIAH 34:2

Miphun vialte hna le an ralkapbu vialte hna cungah Bawipa cu a thin a hung. Hrawh dih dingin a ruah cang hna.

ISAIAH 51:17

Jerusalem, i hlau tuah! I ṭhang law tho tuah! Bawipa nih a thinhun in dantatnak hrai din awk an pekmi cu na din cang; na din cang i na sawn len cang.

ISAIAH 51:22

Nannih cu Bawipa nan Pathian nih an huhphenh hna i, “Thinhun in kan pekmi hna hrai kha nan kut chungin ka lak lai. An sawntertu hna zu kha nan din a herh ti lai lo.

ISAIAH 51:23

Kha zu kha nanmah an hremtu hna, lamkalai ah an bawhter hna i an ke in leidip bantukin an lamtu hna kha, ka pek hna lai,” tiah an ti hna.

JEREMIAH 1:5

“Paw chung i kan ser hlanah kan hngalh i na chuah hlanah kan thianter cang; Nangmah cu miphun hna ca i profet ah kan chiah cang,” tiah a ti.

JEREMIAH 36:2

“Cazual pakhat in i lak law Israel kong le Judah kong le miphun vialte hna kong ah kan chimhmi bia vialte kha, Josiah chan i kan chimh hmasa bik ni thawk in atu tiang ka chimmi kha ṭial tuah.

JEREMIAH 43:11

Cun Izipt cu a doh lai i thah awk kha a thah hna lai i sal i kalpi awk kha a kalpi hna lai i vainam in thah awk kha vainam in a thah hna lai.

JEREMIAH 45:5

Na caah thil lianngan kha na kawl hna. Sihmanhsehlaw cu kawl cu ngol ko hna, zeicahtiah mi vialte cungah rawhralnak kha ka tlunter lai, tiah Bawipa nih a ti; nang cu na kalnak paoh ah kan nunter ko lai, sihmanhsehlaw na nunnak lawnglawng kha naa khamh kho lai i zeihmanh a dang na thil cu na chanh khawhmi an um lai lo,” tiah a ti.

JEREMIAH 46:1

Miphun hna kong ah profet Jeremiah sinah Bawipa bia a rami:

JEREMIAH 48:26

“Moab kha, Bawipa cu zei i a rel lo caah ritter law a luak ah khan i bual seh law nihsawhnak hmu seh.

JEREMIAH 49:12

“Dantat awkah aa tlak lomi hna hmanh nih dantatnak hrai kha an din ahcun, nang cu dantat loin ka luat hnga tiah maw naa ruah? Na luat lai lo, hrai cu na din hrimhrim lai.

JEREMIAH 51:7

Babilon cu Bawipa kut chung i sui hrai, vawlei vialte a ritter dih tu a si; Miphun hna nih a mitsur hang cu an din i cu nih cun a molhter dih hna.

EZEKIEL 23:32

Mah hihi Bawipa Pathian bia an si: Na u nu hrai kha na din lai, a kau i a thukmi hrai kha; A chungah cun nihsawhnak le serhsatnak a khat, Hrai nih a tlum khawh leng a si.

EZEKIEL 23:33

Ritnak le ngaihchiatnak in a khat lai i Rawhnak le ralnak hrai a si lai, Cu hrai cu na u nu Samaria hrai a si; Cu hrai cu a ne tiangin na din lai.

EZEKIEL 29:12

Izipt ram cu chuahtakmi ramlak i ramking bik ah ka ser lai; a khua hna cu a rawkmi khua hna lakah kum sawm li chung an ṭiaotakmi khua an si lai. Cun Izipt mi cu miphun hna lakah ka ṭhek hna lai i ram kip ah ka ṭhio hna lai,” a ka ti.

EZEKIEL 36:5

Hihi Bawipa Pathian bia cu an si: Ka nahchuahnak mei lin chungin miphun dang hna sinah khan fiang tein ka chim cang i fiang khun in Edom kong ah khan ka chim. Zeicahtiah Edom nih khan porhlawt ruamkai ngaingai in le zeirello ngaiin ka ram kha a lak i a rok a ramh dih.

OBADIAH 1:16

Ka mi hna nih ka tlang thiang cungah dantatnak hrai a khaami kha an din cang. Cun hi ram pawngkam i a ummi miphun hna nih cu nakin a ṭhalo chinchinmi dantatnak kha an din lai; An din lai i an dolh lai i an lo lai.”

HABAKKUK 2:16

Upatnak si loin ningzahnak in khuh nan si ve lai, nanmah zong cu zuri sawn in nan sawn ve lai. Bawipa nih nan dantatnak hrai kha an dinter hna lai i nan thangṭhat upatnak kha ningzahnak ah a cang lai.

BIAPHUAN 14:10

Pathian zu, a thinhunnak zu, a thinhunnak hrai chung i ti cawh hrimhrim loin thletmi kha an din lai. Cu a dingmi vialte cu vancungmi mithiang hna le Tuufa hmaiah, mei chung le kat chungah, hrem an si lai.

BIAPHUAN 14:19

Cucaah vancungmi nih khan a faah cu vawlei ah a vun hei i mitsur ruang mitsur thei kha a ṭuan hna i Pathian thinhunnak mitsur nennak chungah khan a thlak hna.