JEREMIAH 25:11 - Lai (Hakha) Common Language Bible 2006

¹¹ Kum sawm sarih chung hi ram hi ningzak le tuksapur in a um lai i hi miphun hna nih hin Babilon siangpahrang cu an rianh lai.

JEREMIAH 25:11 ပူးပေါင်းရင်းမြစ်များ

2 CHANRELNAK 36:20

Cun vainam thahnak in a luatmi hna kha Babilon ah sal ah a kalpi hna i Persia pennak a feh hlantiang annih cu amah le a fapa hna sal ah an cang;

ISAIAH 5:6

Ka buatter lai i mitsur ruang cu an nge ka tanpiak hna lai lo; vawlei zong kha ka co lai lo, hling le so tu ka khahter hna lai. Khuadawm hmanh kha, ruah pe hlah, tiah ka thlauh lai,” a ti.

JEREMIAH 25:12

Cun kum sawm sarih cu a dih tikah, Babilon siangpahrang le a miphun cu an ṭhat lo ruangah khan dan ka tat hna lai i Khaldi mi hna ram cu zungzal in pakpalawng ah ka ser lai.

JEREMIAH 25:38

Chiandeih a kua a chuahtakmi bantuk khan an zam, Zeicahtiah an ram cu pakpalawng ah a cang cang, Vainam le thinhunnak nih pakpalawng ah a canter dih cang.

JEREMIAH 27:22

Babilon ah kalpi an si lai i ka auh ṭhan hna hlantiang khika ah an um lai, tiah Bawipa nih a ti; cun ka kirpi ṭhan hna lai i hi hmun ah hin ka chiah ṭhan hna lai, a ti fawn.

JEREMIAH 27:7

Miphun vialte hna nih amah le a fapa le a tupa kha, a ram nih, a caan a phak hlantiang, an rianh hna lai; cun miphun ṭhawng hna le siangpahrang ngan hna nih amah cu an duhduh in an hman ve te lai.

JEREMIAH 28:14

Zeicahtiah hi bangin Ralkapbu Bawipa, Israel Pathian nih a ti, ‘Hi miphun vialte hna hngawng ah hin thir hngawngkual ka chiah lai i Babilon siangpahrang cu an rianh lai. Amah cu an rianh lai, amah riantu dingah ramlak saram hmanh amah cu ka pek cang hna,’ ” tiah a ti.

JEREMIAH 29:10

“Mah hihi Bawipa chimmi bia cu a si: Babilon cungah hin kum sawm sarih kha a tlin tikah nan bia cu kan lakpiak ṭhan hna lai i thil ṭha nan cungah ka tlunter lai ti in bia kan kammi hna kha ka tlinter lai i hi hmun ah hin kan kirpi ṭhan hna lai.

JEREMIAH 4:26

Theitlai ṭhatnak lo ṭha kha thetse ram a si cang i Khuapi vialte kha an rawk dih cang, A thin a hungmi Bawipa hmaika ah cun.

JEREMIAH 4:27

Bawipa nih hi bangin a ti, “Ram cu a ning piin a ṭiao dih lai, Sihmanhsehlaw a donghnak taktak cu ka phakter lai lo.

JEREMIAH 43:10

Na tuah lio cu Judah mi nih in hmu hna seh law annih cu, ‘Mah hihi Ralkapbu Bawipa, Israel Pathian bia cu a si, tiah chim hna: Babilon siangpahrang Nebukhadnezzar ka sal cu ka cah lai i hika i ka benhmi lung cungah hin a bawiṭhutdan cu a toh lai i an cungah hin a thladem zarhnak cu a samh lai.

JEREMIAH 44:22

a in khawh ti lo tiangin a lung chungah cun an kai luaimai. Nan tuahnak cu an ṭhalo tuk hringhran i nan tuahmi thil cu fih an nung tuk hringhran. Nan ram cu ṭiaotakmi hmun pakpalawng ah a cang i nihin i a si ko rih bantuk hin tuksapur le nihsawh awk, ahohmanh um lonak hmun a si ko rih.

EZEKIEL 12:19

Cun zapi cu, Jerusalem khua chung i a ummi hna le Israel ram kong i Bawipa bia cu hihi a si, tiah chim hna: ‘Annih nih rawl an ei tikah thinphang in an ei lai i ti an din tikah therphang in an din lai; ram chungah hin tuksapur thil a khat lai; zeicahtiah khika i a ummi hna cu zaang-ennak in an khat.

EZEKIEL 29:11

Mi ke zeihmanh nih a pal lai lo i saram zeihmanh nih an pal fawn lai lo; a chungah mi um loin kum sawm li chung a um lai.

EZEKIEL 6:14

Cuticun an cungah khan ka kut ka samh lai i an khuasaknak hmun kip ah khan ram cu ramcar ah ka canter lai i Riblah thetse ram nak hmanh in an car deuh lai. Cun annih nih Bawipa ka si kha an hngalh lai,” tiah a ti.

DANIEL 9:2

keimah Daniel cu cathiang kha ka rel i Bawipa nih profet Jeremiah sinah a chimmi bia ningin Jerusalem khua cu kum sawm sarih chung a rawk lai timi kong kha ka ruat.

LEVITIKAS 26:32

Ram cu ka hrawh cikcek lai i cu caah nan ral hna cu a chung i an um tikah an khuaruah a har lai.

MIKAH 7:13

Sihmanhsehlaw vawlei cu a cung i a ummi minung hna ṭhat lonak ruangah khan thetse ram ah a cang lai.

ZEKHARIAH 1:12

Khi tikah Bawipa vancungmi nih cun aa thawh i, “Maw ralkapbu Bawipa, hi kum sawm sarih chung na thinhunnak na chuahhnawhmi Jerusalem khua le Judah ram khua hna hi, zei can dah zaangfah loin na um rih hna lai?” tiah a ti.

ZEKHARIAH 7:5

“Ram chung i a ummi mi vialte hna le tlangbawi hna cu, ‘Hi Kum sawm sarih chung, thla nganak thla le thla sarihnak thla i rawl nan ulh i nan ṭah tawn tikah hin, nan rawl ulhnak hi keimah upatnak ca taktak ah maw a si?