JEREMIAH 23:4 - Lai (Hakha) Common Language Bible 2006

⁴ Anmah khaltu dingah tuukhal ka chiah hna lai, ṭihnak siseh, hnabei donghnak siseh, dantatnak siseh, an tong ṭhan ti lai lo, tiah Bawipa nih a ti.

JEREMIAH 23:4 ပူးပေါင်းရင်းမြစ်များ

ISAIAH 11:11

Cu ni a phak tikah Bawipa nih a ṭhawnnak kha a hman ṭhan lai i Assiria ram le Izipt ram le Pathros ram le Ethiopia ram le Elam ram le Babilonia ram le Hamath ram le rili kam ram hna le tikulh ram hna chung i a ummi a tang rihmi hna kha, inn ah a tlunpi hna lai.

JEREMIAH 30:10

“Cucaah cun ṭih hlah maw Jakob, ka sal; Maw Israel, lungdong in um hlah, tiah Bawipa nih a ti. Zeicahtiah ram hlapi khan kan ratpi ṭhan lai i na tefa hna cu sal i an tannak hmun khan ka kirpi ṭhan hna lai; Cun Jakob cu hnangam tein a um ṭhan lai i thluachuak le lungdai in a um lai.

JEREMIAH 31:10

“Bawipa bia cu ngai tuah u, Maw miphun hna, Thanh u law rilikam ram le a hlatmi tikulh hna cu hngalhter hna u: ‘Israel cu a ṭhektu nih khan a pumh ṭhan lai i Tuukhal nih a tuurun a zohkhenh bangin a zohkhenh lai,’ tiah chim u.

JEREMIAH 33:26

Mah hihi ka tuah bantukte hin Jakob tefa hna le ka sal David sin i ka biakamnak cu ka fehter lai. Abraham, Isak le Jakob tefa hna uktu ah David tefa pakhat kha ka thim lai. Ka mi cu an van ṭhatnak kha ka pek ṭhan hna lai i an cungah zaangfahnak ka ngei lai,” tiah a ti.

EZEKIEL 36:11

Nan cungah minung tampi le saṭil tampi ka phun hna lai; annih cu an karh lai i tefa tampi an ngei lai. Nannih cu hlanlio nakin tam deuh le rum deuh ah kan ser hna lai. Cuticun Bawipa ka si kha nan hngalh lai.

LEVITIKAS 26:9

Cun nannih cu hmaizahnak kan pek hna lai i kan punzamter hna lai i kan karhsoter hna lai i, nannih he ka biakamnak kha ka fehter lai.

MIKAH 4:4

Pakhat le pakhat ahohmanh hnahnawhnak i pe lo tein Anmahle an mitsur ruang toi cio le an theipi kung toi cio ah khua an sa hna lai; Zeicahtiah hi bia cu ralkapbu Bawipa hrimhrim nih a chimmi a si.

MIKAH 5:2

Sihmanhsehlaw Bethlehem Efrath, nangmah cu Judah ram chungah a hme bik khua hna lakah naa tel ve nain, Nangmah chungin Israel uktu a chuak lai. Amah a hram cu kan hnuleipi caan, a luan cangmi caan chungah khan a um cangmi a si.

MIKAH 7:14

Bawipa, na mi na thimmi hna hi nangmah nih khal hna. Annih cu anmah lawngin ramlak ah khan an um i ram hninghno nih khan a kulh hna. Hlan liopi ah an rak tuah bantuk khan Bashan le Gilead i a ummi ramhno lakah cun kalter hna law tlonter hna.

ZEFANIAH 3:13

Israel mi chungin a tangmi hna nih khan ahohmanh nih ṭhat lonak an tuah lai lo, lih zong an chim lai lo, hlennak bia kha an hmur in a chuak ti lai lo. Cun dai tein ramhring lakah khan an tlong lai i ahohmanh nih thinphang in an umter ti hna lai lo.

NAMBAR 31:49

Moses sinah cun, “Na sal hna nih kan kut tang i a ummi ralkap hna cu kan rel hna i kannih sinin a baumi pakhat hmanh an um lo.

JOHAN 17:12

Annih sin i ka um lioah hin cun, na ka pekmi hna cu na min ṭhawnnak in ka huhphenh hna i him tein ka chiah hna. A tlau ding a rak si hrimmi dah kha ti lo cu pakhat hmanh an tlau lo — kha zong kha Cathiang a tlin nakhnga caah a si ko.

JOHAN 18:9

(Hitihin a chimmi cu, “Ka Pa, na ka pekmi hna cu pakhat hmanh ka thlau hna lo,” tiah a rak timi a tlin naklai caah khan a si).

1 PETER 1:5

Cu an chiahpiak hna cu Pathian kha nan zumh caah le khamhnak a phak hlantiang amah ṭhawnnak nih an huhphenh hna caah a si — cu a ra dingmi khamhnak cu atu zongah hin timhcia a si ko cang i caan dongh tikah phuan a si te lai.