JEREMIAH 23:27 - Lai (Hakha) Common Language Bible 2006

²⁷ Hi an mang, pakhat le pakhat an i chimhmi thawng hin, ka mi hna cu ka min kha kan philhter hna lai, tiah an ruah; an pupa hna nih Baal min ruangah ka min an rak philh bantuk khan.

JEREMIAH 23:27 ပူးပေါင်းရင်းမြစ်များ

2 SIANGPAHRANG 21:3

Zeitintiah a pa Hezekiah nih a rak hrawhmi khuahrum bo kha a remh ṭhan hna i Israel siangpahrang Ahab nih a tuah bantuk khan Baal le Asherah caah biakṭheng a ser hna i van i a ummi thil vialte khi a biak hna i an rian a ṭuan hna.

JEREMIAH 2:32

Ngaknu nih a hlawn kha a philh khawh lai maw? Mo nih a thuam kha a philh khawh lai maw? Sihmanhsehlaw ka mi hna nih cun atu le atu an ka philh.

JEREMIAH 29:8

Hi bangin Ralkapbu Bawipa, Israel Pathian nih a ti: Nan lak i a ummi profet hna le litin thiam hna kha i hlenter hna hlah u, mangmanh nan fialmi hna mifim kha an bia ngaihpiak hna hlah u.

JEREMIAH 9:14

Annih nih an pupa hna nih an cawnpiak hna bang khan an lung a khong i Baal siasal lehlam kha an biak hna.

LAMKALTU 13:8

Sihmanhsehlaw annih cu camhthiam Elimas (cucu a Grik min a si) nih khan a rak al hna i uktu bawi kha Pathian cu zum hlah seh tiah kham aa zuam.

DEUTERONOMI 8:11

“Nihin ah kan pekmi hna a phungbia hna le a phunglam hna le a nawlbia hna hi nan zulh lonak thawngin Bawipa nan Pathian cu nan philh sual nakhnga lo, i ralring tuah u;

DEUTERONOMI 8:14

nan lung a puam i Izipt ram chungin sal cannak innchung khan an chuahpitu hna Bawipa nan Pathian cu nan philh sual nakhnga lo, i ralring tuah u.

DEUTERONOMI 8:18

Nan pupa hna sinah chiatser in a tuahmi biakamnak, atu ah a fek rihmi kha, tlinter awkah, chawva hmuh khawhnak ṭhawnnak an petu hna cu Bawipa nan Pathian kha a si tiah i cinken ko u.

BIACEIHTU 10:6

Cun Israel mi nih Bawipa mithmuh ah ṭhat lonak an tuah ṭhan hoi i Baal le Ashtaroth le Siria pathian hna le Sidon pathian hna le Moab pathian hna le Ammon mi pathian hna le Filistin mi pathian hna kha an rian an ṭuan hna; Bawipa kha an hlawt i amah kha a rian an ṭuan lo.

BIACEIHTU 3:7

“Cun Israel mi nih Bawipa mithmuh i thil ṭha lo kha an tuah, Bawipa an Pathian kha an philh i Baal hna le Asherah hna rian kha an ṭuan hna.