JEREMIAH 23:2 - Lai (Hakha) Common Language Bible 2006

² Cucaah ka mi a zohkhenhtu tuukhal hna kong ah Bawipa, Israel Pathian bia cu hi bangin a si: “Nannih nih ka tuurun cu nan ṭhek hna i nan dawi hna. Nan zohkhenh hna lo, sihmanhsehlaw ṭhat lonak nan tuahmi ruangah nanmah kha dantat awkah keimah nih nanmah cu kan zoh ko hna, tiah Bawipa nih a ti.

JEREMIAH 23:2 ပူးပေါင်းရင်းမြစ်များ

EXODUS 32:34

Atu cu va kal law kan chimhmi hmun leiah khan mi cu va kalpi ko hna. Ka vancungmi nih lam an hruai hna lai kha va philh hlah, asinain an cung i rian ṭuan awkah ka rat tikah cun, an sual ruangah dan ka tat hna lai,” a ti.

JEREMIAH 10:21

Ka mi hna a khaltu hna cu mihrut minga men an si i Bawipa kha ruahnak an hal bal lo, Cucaah khuaawng an tong lo i an tuurun hna cu an i ṭhek dih.

JEREMIAH 11:22

mah hihi Bawipa bia a si — a bia cu mah hihi a si: Annih cu dan ka tat hna lai: an tlangval hna cu vainam in an thi lai, an fapa hna le an fanu hna cu mangṭam in an thi lai;

JEREMIAH 13:17

Cu bantukin a thukmi muihnak chung i nan um hmanh i nan ngaih duh lo ahcun, Lungthin fah tuk ah a ṭah lawng ka ṭap lai i ka mitthli lawng a tla ko lai; Zeicahtiah Bawipa tuurun cu sal ah kalpi an si cang.

JEREMIAH 13:20

Jerusalem khuami hna, hei cuan u law chaklei in a rami khi hei zoh tuah hna u, Nanmah an in pekmi hna tuurun kha khuazei ah dah a si? Naa porhlawt ngaimi tuurun kha?

JEREMIAH 13:21

Ka hawikom an si tiah na ruahmi hna kha na cung i uktu ah chiah an si tikah zeidah na chim lai? Nau nganfah a ingmi nu bantukin nganfahnak kha na in lai.

JEREMIAH 17:10

Bawipa nih minung ruahnak cu ka dah dih i an lungthin cu ka zet dih, An tuahnak nih a phut ningin le an ziaza ning cio in ka cham hna.

JEREMIAH 23:34

Cun profet nih siseh, tlangbawi nih siseh, hi mi hna lak i pakhat khat nih si seh, ‘Bawipa bia cu thilrit a si,’ timi bia kha a hman ahcun, cu mipa cu le a innchungkhar cu dan ka tat hna lai.

JEREMIAH 44:22

a in khawh ti lo tiangin a lung chungah cun an kai luaimai. Nan tuahnak cu an ṭhalo tuk hringhran i nan tuahmi thil cu fih an nung tuk hringhran. Nan ram cu ṭiaotakmi hmun pakpalawng ah a cang i nihin i a si ko rih bantuk hin tuksapur le nihsawh awk, ahohmanh um lonak hmun a si ko rih.

JEREMIAH 5:29

Hi thil hna ruangah hin dantat loin maw ka um hna hnga? Miphun hi bantuk cungah hin phuhlam loin maw ka um hnga? tiah Bawipa nih a ti.

JEREMIAH 5:9

Hi thil hna ruangah hin, dantat loin maw ka um hna hnga? tiah Bawipa nih a ti; Cun hi bantuk miphun cungah hin phuhlam loin maw ka um hnga?

JEREMIAH 8:12

Annih nih fihnung kha an tuah tikah an ning a zak maw? Zak hlah e, an ning a zak hrimhrim lo; Hmaisen zong kha an hngal lo. Cucaah a tlumi hna sinah an tlu ve lai; Annih cu dan ka tat hna tikah an ril lai,” tiah Bawipa nih a ti.

EZEKIEL 34:5

Cucaah annih cu an i ṭhek dih, khaltu an ngei lo, ram sa seh awk men ah an cang.

HOSEA 2:13

Baal sin i raithawinak a khangh ni, a ni thiang hna, Hnatonh aa tonh i ṭhi aa oih i a duhtu hna a dawi hna i keimah a ka philh ni hna ruangah khan dan ka tat lai, tiah Bawipa hrimhrim nih a ti.

MIKAH 7:4

An lak i miṭha bik hna le lihchim lo bik hna hmanh kha hlingbur bantuk an si. Pathian nih dan kan tat hna lai tiah ralrinnak a pek cang hna bangin Mi cu dan a tat hna lai ni kha a phan cang. Annih cu vansang au in an um dih lai.

ZEKHARIAH 10:3

Tuukhal hna cungah cun ka thin a hung, tuurun a hruitu hna cungah cun ka dantatnak kha ka tlunter lai; Sihmanhsehlaw ralkapbu Bawipa nih a tuurun, Judah innchungkhar kha a len hna lai i raltuknak rangtum ah a ser hna lai.

ZEKHARIAH 11:16

zeicahtiah ram chungah hin tuukhal pakhat ka chiah lai i a tlaumi kha zei ah a rel hna lai lo i lam a pialmi kha a kawl zong a kawl fawn hna lai lo, hma a ingmi kha a thlop hna lai lo i a zawmi kha a cawnghram hna lai lo, sihmanhsehlaw a thaumi sa kha a ei hna lai i an ruh a kiakmi cu a hlonh hna lai,” tiah a ti.

MATTHAI 25:36

Puan aih awk ka ngei lo i puan nan ka pek; ka zaw i nan ka zohkhenh; thong ka tla i nan ka len,’ tiah a ti hna lai.

MATTHAI 25:43

khual ka si ah nan ka tlunter duh lo, puan aih awk ka ngeih lo ah puan nan ka pe duh lo, ka zawt i thong i ka tlak ah nan ka zohkhenh duh lo,’ a ti hna lai.

JEIM 1:27

Sihmanhsehlaw nuhmei ngakṭah ṭha tein zohkhenh le vawlei cungah thurhnawm lo tein um tu hi Pathian kan Pa nih biaknak thiang le biaknak taktak i a ruahmi cu a si.