JEREMIAH 22:7 - Lai (Hakha) Common Language Bible 2006

⁷ Nangmah dotu dingah hriamnam he a um ṭhepṭhupmi bu, a rawl a ṭammi bu kha ka rak thlah lai. Na sidar thing ṭha bikbik hna cu an hau hna lai i Mei chungah an paih hna lai.

JEREMIAH 22:7 ပူးပေါင်းရင်းမြစ်များ

ISAIAH 37:24

Tlang sang bikbik cu ka rangleng in ka tei hna, Lebanon tlang parpahlek hmanh ka tei, tiin keimah kha tluangkhawnhnawh awkah na sal cu na thlah hna. Cuka ah cun sidar thing a sang bik cem hna le saipres thing a ṭha bikbik hna kha ka hau hna i tupi a deng tiang ka phan tiah tluang na khawng.

JEREMIAH 15:8

An lakah nuhmei hna cu rili thetse nakin ka tamter deuh hna; Chun cingling ah an cungah ramhtu kha ka tlunter ukmak hna. Ral i run chim lai ṭihnung kha an cungah ka tlunter.

JEREMIAH 21:14

Sihmanhsehlaw Bawipa keimah nih na tuahmi ruangah dan kan tat lai. Na siangpahrang inn cu mei in ka khangh lai i a pawngkam i a ummi thil vialte cu mei nih cun a kangh dih hna lai, hi bia hi Bawipa keimah nih ka chim,” tiah a ti.

JEREMIAH 5:15

Maw Israel innchungkhar, zohhmanh, Na cungah lamhlatpi in miphun phun khat ka ratpi lio, tiah Bawipa nih a ti. Cu miphun cu miphun ṭhawng ngai, hlan piin a rak ummi, An holh nan theih lomi miphun, an chimmi zong nan hngalh khawh lomi miphun a si.

ZEKHARIAH 11:1

Maw Lebanon, na sidar thing kha mei nih a kangh hna nakhnga na kutka kha hung tuah hna.

MATTHAI 22:7

Siangpahrang cu a thin a hung i a ralkap kha a thlah hna i cu lainawngmi hna cu a thah hna i an khua kha a duah hna.