JEREMIAH 22:28 - Lai (Hakha) Common Language Bible 2006

²⁸ Hi mipa Koniah hi mi nawl lawng in a ummi, zeihmanh i rel awk tlak lo le santlailo, ahohmanh i duh lomi thil a si maw? Amah le a fale hna cu an hngalh bal lomi ram ah hlonh vurmar le dawi an si hi zeidang ruangah a si hnga maw?

JEREMIAH 22:28 ပူးပေါင်းရင်းမြစ်များ

2 SAMUEL 5:21

Cun Filistin mi hna nih khika ah an siasal kha an kaltak hna i David le a mi hna nih khan an lak hna.

2 CHANRELNAK 21:20

Pen hram a thawk ah kum sawm thum le kum riat a si i Jerusalem in kum riat a pen; cun ahohmanh ngaihchiat loin a thi. David khua chungah khan an vui; sihmanhsehlaw siangpahrang hna thlan ah khan cun an vui lo.

SALM 31:12

Rak thi cang ning law cu bang, mi vialte nih an ka philh i hlonhmi thil bantuk ka si.

JEREMIAH 14:18

Lo i ka va chuah tikah vainam nih a thahmi hna an rilh liangluang ko kha ka hmuh hna; Khua chung i ka va luh ah, mangṭam in a thi cuahmahmi kha ka va hmuh hna; Profet hna le tlangbawi hna cu rawl hal in ram chungah an vak lengmang i dinh mui an hmu lo.

JEREMIAH 15:1

Cun Bawipa nih a ka thawh i, “Moses le Samuel hmanh kha ka hmaiah dir hna seh law, hi mi hna hi ka zaangfah hlei hna lai lo. Ka hmaika in dawi hna law kal ko hna seh.

JEREMIAH 16:12

Cun nannih hi nan pupa hna nak chia deuh in nan um i milungkhong, miṭhalo nan si i ka bia kha ngaih nan duh lo.

JEREMIAH 17:4

Kan pekmi hna nan ro kha nan sung lai. Nan hngalh lomi ram chungah nan ral kha nan rianh hna lai, zeicahtiah ka thinhunnak cu a alhmi mei a si i zungzal in a alh ko lai.

JEREMIAH 22:27

Nanmah ram, nan ngaih ngaingaimi ram ah khan nan kir ṭhan ti lai lo.

JEREMIAH 22:30

“Hi pa hi upatnak vialte chuh dihmi, Amah chan chung i a hlawhtling lo ding, David bawiṭhutdan cung i ṭhu ding siseh, Judah ram chung a uktu ding siseh, Tefa zeihmanh a thlau lomi, tiin ṭial tuah,” tiah Bawipa nih a ti.

JEREMIAH 24:1

Bawipa nih biakinn hmaiah theipi bawm hnih an chiahmi kha a ka hmuhsak. Mah hihi Babilon siangpahrang Nebukhadnezzar nih Jerusalem khua in Jehoiakim fapa Jekoniah, Judah siangpahrang cu Judah ram bawi hna le zungthiam hna le soser hna le he tiah sal taannak ah a hruai hna i Babilon ah a ratpi hna hnuah khan a si.

JEREMIAH 27:20

Jerusalem in Babilon ah a kalpi hna tikah khan, Nebukhadnezzar nih a kalpi lomi hi khua chungah a tangmi tung hna le dar hmaihum nganpi le a dirnak ke hna le umkheng dang vialte hna kong ah Bawipa bia cu hihi a si.

JEREMIAH 37:1

Jehoiakim fapa Koniah changtu ah khan Babilon siangpahrang Nebukhadnezzar nih Josiah fapa Zedekiah cu Judah ram siangpahrang ṭhutdan cungah khan a ṭhutter.

JEREMIAH 48:38

Moab ram chung i inncung hna ah le an tual kau pipi hna ah cun, ṭahnak hla dah ti lo cu zeihmanh a um lo; zeicahtiah Moab cu ahohmanh nih zei i an rel lomi um bangin ka khuai cang, tiah Bawipa nih a ti.

HOSEA 13:15

Efraim cu phaikung bantukin hno hluahmah hmanh seh law Nichuahlei thli a sami kha thetse ram lei in ka run hranter lai i an cerh le an tiput vialte cu an car dih lai. A sungmi thil vialte cu a lohpi dih hna lai.

HOSEA 8:8

Atu cu Israel hi dolh a si cang, miphun hna lakah a lo cang, man ngei lo a si cang.