JEREMIAH 22:23 - Lai (Hakha) Common Language Bible 2006

²³ Maw Lebanon i a ummi hna, Sidar thing lak i bu a sami hna, Nau nganfahnak bantuk nganfahnak nan cung i a phak tikah, Zeitluk in dik nan hei i lawngh len te lai!

JEREMIAH 22:23 ပူးပေါင်းရင်းမြစ်များ

JEREMIAH 21:13

Jerusalem, nang cu nelrawn cung i lungpi a dirmi bantukin nelrawn cungah sangpi ah na ṭhu. Sihmanhsehlaw Bawipa keimah nih kan doh lai. Naa thawh i, ahohmanh nih an ka tu kho lai lo, ahohmanh nih ka ralhruang hi an bauh kho lai lo, na ti.

JEREMIAH 22:6

Zeicahtiah Judah siangpahrang inn kong ah Bawipa nih hi bangin a ti: Nangmah cu ka caah Gilead bantuk le Lebanon tlangpar bantukin i dawh hmanh law, Ahohmanh an um lonak hmun thetse ram ah kan canter lai.

JEREMIAH 3:21

Tlangpar kawng i ṭah thawng cu ngai hmanh. Israel mi hna nih zaangfah hal in an aunak aw cu! Zeicahdah hitin a si ti ahcun, annih nih lam kawi kha an zul i Bawipa an Pathian kha an philh caah a si.

JEREMIAH 48:28

Maw nannih Moab ram mi hna, Khuapi kha kaltak hna u law lungkua ah va um u, Lungkua kaa kam i bu a sami ṭhuro bantuk si ko u.

JEREMIAH 49:16

Celh awk loin naa porhlawtnak le na lung puamnak nih khan a ping ah an kalpi cang, Lungpang chung lungkua ah na um i a sannak tlangpar hna kha na ta an si, Asinain, muvanlai tluk sang in na bu ser hmanh law, khika in kan ṭhumh lai,” tiah Bawipa nih a ti.

JEREMIAH 6:24

Cu thawng an chimmi cu kan theih i Kan kut hna cu thazang ngei loin an uai dih; Nu nih nau nganfah an inmi bantuk nganfahnak nih a kan tlaih.

EZEKIEL 17:3

Hihi Bawipa Pathian bia cu a si: “Mupi nganpi, pakhat a hmul aa dawh ngaingai i, thla ngan pipi a ngei i a thla kaupi in a samhmi a rak um. Lebanon tlang ah khan a va zuang i Sidar kung a hluai kha a khiah i

HOSEA 5:15

Ka mi hna cu an sualnak ruangah sifah an in i keimah kha an ka kawl hlantiang cuticun ka kaltak ko hna lai. Sifahnak an in ruangah keimah kha an hei ka kawl phum hmanh hnga maw,” tiah a ti.

HOSEA 7:14

Ka sin i thla an cammi hi lungtak in an si lo; An ihkhun cungah khan an kiao an ai men i a si ko, Rawl le mitsur hang thar caah khan nam in an i at, Sihmanhsehlaw keimah kha an ka doh.

AMOS 9:2

Sheol i an vung kal hmanh ah, Khika hmanh cun ka kut nih a vun hnuh hna lai; Vancung i an kai zongah, Khika hmanh cun ka va ṭhumh hna lai.

OBADIAH 1:4

Na umnak cu muvanlai bu tlukin sang in, na bu cu arfi hna lakah khin si ko hmanh seh law, Khika khin kaan ṭhumh ṭhiamṭhiam ko lai,” tiah Bawipa nih a ti.

HABAKKUK 2:9

Rawk ding nan si ko cang! Hranhram in mi nan va chuhmi hna thil khan nan innchungkhar nan rumter i harnak le ṭihnung nih phak khawh lo dingin him tein nan tuah!

NAMBAR 24:21

Ken mi hna lei cu a hei zoh i a konglam chim cu a thawk i, “Na umnak hmun cu a fekmi a si, Na bu cu lungpi chungah a si;