JEREMIAH 22:22 - Lai (Hakha) Common Language Bible 2006

²² Nan hawile vialte cu thlitu nih a kalpi hna lai i Nanmah an dawtu vialte hna kha saltannak chungah an lut lai. Khi tikah nan ṭhat lonak ruangah ningzahnak le nautatnak nan in lai.

JEREMIAH 22:22 ပူးပေါင်းရင်းမြစ်များ

ISAIAH 64:6

Kan dihlak in misual kan si, kan thil tuahmi ṭha bik kan timi hna hmanh hi puanchia fihnung an si. Kan sualnak ruangah cun hnahchawl thli nih a choihmi bantuk khi kan si.

ISAIAH 65:13

Cucaah keimah a ka bia i ka nawl a zulmi cu ei awk le din awk tampi an ngei lai nain nannih cu nan rawl a ṭam lai i nan ti a hal lai. Annih cu an lung aa lawm lai, sihmanhsehlaw nannih cu ningzahnak nan hmu lai.

JEREMIAH 10:21

Ka mi hna a khaltu hna cu mihrut minga men an si i Bawipa kha ruahnak an hal bal lo, Cucaah khuaawng an tong lo i an tuurun hna cu an i ṭhek dih.

JEREMIAH 12:10

Tuukhal tampi nih ka mitsur dum kha an hrawh i ka lo kha an naan dih, Ka lo a ṭhami te kha thetse ram ah an ser dih,

JEREMIAH 2:36

Zeicahdah fawi tehlek in na kalnak lam cu naa thlen? Assiria nih an deuh bantuk khan Izipt zong nih an deuh ve lai,

JEREMIAH 2:37

Izipt ram in hmaichia in nan kir ko lai, Zeicahtiah nan i bochanmi cu Bawipa nih a hlawt cang hna i Anmah thawng in khuaawng zeihmanh nan pem lai lo.

JEREMIAH 2:8

Tlangbawi hna nih khan, ‘Bawipa cu khuazei ah dah a um?’ an ti ti lo. Phungbia a tlaimi hna nih khan keimah kha an ka ruat lo; Ka mi tuukhal hna nih khan keimah cu an ka doh; Profet hna nih khan Baal min in bia an chim i Bawmh khawhnak zeihmanh a ngei lomi pathian kha an zulh hna.

JEREMIAH 20:11

Sihmanhsehlaw Bawipa cu keimah leiah a ṭang i ṭhawng ngai le zaangfahnak ngei in a um, Cucaah a ka hremtu hna cu an ril lai i zeihmanh tuah kho loin an tlu lai. An tuah duhmi kha an tlinter khawh lo tikah An ningzahnak cu a fak ngaingai lai, An minchiatnak cu zeitikhmanh ah philh a si ti lai lo.

JEREMIAH 30:14

Nangmah a rak in dawtu vialte nih khan an in philh cang; Zeihmanh ah an in rel ti lo. Ral nih an in ṭhuat bantukin kan ṭhuat i Zaangfahnak ngei loin dan kan tat cang; Zeicahtiah na ṭhat lonak cu a ngan i Na sualnak cu a tam ngaingai.

JEREMIAH 4:30

Maw nang, ṭiaotakmi, puan sen in naa thuamh i sui hlawn in naa ṭamh i Na mit hna cu thuhmi si in na kauhter hna hi, a sullam zeidah a si? Pakpalawng ah pei naa ṭamh ko cu. Na tlangval hna nih an in nihsawh i na nunnak kha lakpiak an in timh.

JEREMIAH 5:13

Profet hna chimmi cu thlitu men an si lai, an chungah bia a um lo,’ an ti.

JEREMIAH 7:19

Sihmanhsehlaw a thin an huntermi cu keimah ka si maw, tiah Bawipa nih a ti. Si hlah, anmah tu kha an si deuh, ningzahnak in anmah le anmah aa khuhmi hna kha an si.

HOSEA 12:1

Efraim cu a tuurun thli menmen a simi kha a khal i Amah cu chun nitlak in nichuahlei thil a dawi lengmangmi kha a si; Assiria he khan biakamnak kha a va ser i Izipt ram ah khan laksawng chiti kha a vun phorh.

HOSEA 13:15

Efraim cu phaikung bantukin hno hluahmah hmanh seh law Nichuahlei thli a sami kha thetse ram lei in ka run hranter lai i an cerh le an tiput vialte cu an car dih lai. A sungmi thil vialte cu a lohpi dih hna lai.

HOSEA 4:19

Thlichia choihtu in choih an si lai i an raithawinak ruangah khan an ning a zak lai.

ZEKHARIAH 11:17

A tuu a zamtakmi tuukhal, zeiruaramlo cu a caah ngaihchia a va si dah! A baan cungah le a orhlei mit ah vainam nih a tlak lai; A baan cu a car lai i a orhlei mit cu a caw lai.

ZEKHARIAH 11:8

Thla khat chungah tuukhal pathum cu ka hlawt hna, zeicahtiah an cungah ka lung a sau kho ti lo i annih nih an ka huat.