JEREMIAH 22:19 - Lai (Hakha) Common Language Bible 2006

¹⁹ Laa vui bantukin amah cu vui a si lai i Jerusalem kutka lengah khan an hnuh lai i an hlonh lai.”

JEREMIAH 22:19 ပူးပေါင်းရင်းမြစ်များ

1 SIANGPAHRANG 14:10

cucaah zohhmanh, Jeroboam innchungkhar cungah ṭhat lonak ka tlunter lai i Jeroboam sin hin pa paohpaoh, Israel mi chung i miluat si hna seh, miluat lo si hna seh, ka hloh hna lai i, mi nih ek cu an khangh hirhiar bangin, Jeroboam innchungkhar cu ka khangh cikcek hna lai.

2 SIANGPAHRANG 23:36

Jehoiakim cu bawi hram aa thawk ah kum kul le kum nga a si i Jerusalem khua in kum hleikhat a bawi. A nu min cu Zebidah a si, amah cu Rumah khuami Pedaiah fanu a si.

2 SIANGPAHRANG 24:6

Cuticun Jehoiakim cu a pupa hna sinah a it i a fapa Jehoiachin kha amah hmun ah khan a hung bawi.

2 SIANGPAHRANG 9:35

Sihmanhsehlaw vui awk i an va kal tikah, a luruh le a ke hna le a zapei hna dah ti lo cu a zeihmanh an hmu ti lo.

2 CHANRELNAK 36:6

Babilon siangpahrang Nebukhadnezzar nih khan a hung doh i hreng a khenh i Babilon ah a kalpi.

PHUNGCHIMTU 6:3

Mi pakhatkhat nih fa za khat a ngeih ko hnga i kum saupi a nung ko hnga, sihmanhsehlaw zei caan a nun hmanh ah lunglawmhnak kha a ngeih lo i hmaizahnak tein vuinak kha a hmuh lo ahcun, cu pa nakcun a thi cia i a chuakmi ngakchia kha a ṭha deuh.

JEREMIAH 15:3

“An cungah hrawktu phun li ka chiah lai, tiah Bawipa nih a ti: thattu ah vainam, sehtu ah uico, eitu ah van i a zuangmi va hna le hrawktu ah vawlei i a kalmi saram hna.

JEREMIAH 36:30

Cucaah Judah siangpahrang Jehoiakim, nangmah kong ah Bawipa nih hi bangin ka ti: David bawiṭhutdan cung i a ṭhu ding ahohmanh na ngei hna lai lo i na ruak cu chun ah ni nih a linh lai i zan ah hawhra nih a tlak lai.

JEREMIAH 36:6

Cucaah keimah can ah rawl ulh ni ah nangmah cu na kal lai i kan auhmi ningin Bawipa cazual cungah Bawipa bia na ṭialmi cu zapi theih ah na va rel lai. Judah mi an khua cio in a rami hna an theihhngan ah khan na va rel lai.

JEREMIAH 8:2

Cun annih nih an rak duh hna i an rian an rak ṭuan hna i an rak dawi hna i an rak kawl hna i an rak biakmi hna, ni le thlapa le van ralkapbu vialte hna hmaiah khin an pho hna lai. Cu ruh hna cu pumh an si lai lo, vui zong an si lai lo, vawlei ah non ah an cang lai.

EZEKIEL 19:8

Cu ram velchum i a ummi ram vialte hna nih khan an hawhawthnawh i an dawi ciammam i Sur in an vorh i khor chungah an thlak.

EZEKIEL 39:5

Vawlei sawhsawh ah cun nan ril ko lai, zeicahtiah hi bia a chimtu cu keimah ka si.