JEREMIAH 22:18 - Lai (Hakha) Common Language Bible 2006

¹⁸ Cucaah Judah siangpahrang Josiah fapa Jehoiakim kong ah Bawipa bia cu hi bangin a si: ‘Aize, ka nau, ka dawtmi ka nau,’ tiin siseh, ‘Aize, ka bawipa le ka siangpahrang,’ tiin siseh, a ṭahtu ahohmanh an um lai lo.

JEREMIAH 22:18 ပူးပေါင်းရင်းမြစ်များ

2 SAMUEL 1:26

Ka nau Jonathan, Nangmah cu kan ngai, Zeitluk in dah ka caah na sun Na ka dawtnak cu khuaruahhar a si, nu dawtnak kha a hluan.

1 SIANGPAHRANG 13:30

Cun a ruak kha amah thlan ah khan a vui; cun amah cu an ṭah i, “Aize! ka naupa,” an ti.

2 SIANGPAHRANG 23:36

Jehoiakim cu bawi hram aa thawk ah kum kul le kum nga a si i Jerusalem khua in kum hleikhat a bawi. A nu min cu Zebidah a si, amah cu Rumah khuami Pedaiah fanu a si.

2 SIANGPAHRANG 23:6

Cun Bawipa inn chung khan Asherah kha a chuah i Jerusalem khua lengah Kidron tiva ah a kalpi, Kidron tiva ah cun a khangh i dip lak in a den cikcek i a dip cu mi zapi thlan cungah a thlet.

2 SIANGPAHRANG 24:6

Cuticun Jehoiakim cu a pupa hna sinah a it i a fapa Jehoiachin kha amah hmun ah khan a hung bawi.

1 CHANRELNAK 3:15

Josiah fapa hna cu: fater Johanan, a pahnihnak Jehoiakim, a pathumnak Zedekiah, a palinak Shallum.

2 CHANRELNAK 35:25

Jeremiah zong nih ṭah hla a lawh i hlasak thiammi pa vialte le nu vialte nih nihin tiang hin Josiah cu an hla ah an cuanter. Mah hihi Israel mi lakah phunglam ah an ser hna; zohhmanh, Ṭah Hla chungah an i ṭial.

2 CHANRELNAK 36:5

Jehoiakim cu pen hram a thawk ah kum kul le kum nga a si i Jerusalem in kum hleikhat a pen. Bawipa a Pathian mithmuh i thil ṭhalo kha a tuah.

JEREMIAH 16:4

Zawtnak ṭihnung ngaingai in an thi lai. Ahohmanh nih an ṭah hna lai lo, vui zong an tong lai lo. Vawlei i ek pon bantukin an ril lai. Annih cu ral kut in an thi lai, asiloah mangṭam in an thi lai, an ruak cu van i a zuangmi va hna le vawlei i a ummi saram hna caah rawl an si lai.

JEREMIAH 16:6

Hi ram ah hin mingan he mihme he an thi lai, sihmanhsehlaw vui an si lai lo i ahohmanh nih a ṭah zong an ṭah hna lai lo, anmah ruangah ahohmanh a ah zong an i at lai lo, an sam zong an i kawngh lai lo.

JEREMIAH 21:11

“Jeremiah, Judah siangpahrang innchungkhar, David Siangpahrang tefa hna cu, Bawipa nih ka chimmi kha va chim tuah hna: Nifate in dinnak kha tuah a si nakhnga i zuam u. Hlenmipa kha a hlengtu sinin va chanh u. Cucu nan tuah lo ahcun, ṭhat lonak nan tuahmi nih hin ka thinhunnak cu hmih khawh lomi mei bantukin a alhter sual lai.

JEREMIAH 22:10

Nannih Judah mi hna, Siangpahrang Josiah kha ṭah hlah u, A thih zun zong ngai hlah u; Sihmanhsehlaw a fapa Shallum tu kha lunghno ngaiin ṭah u, Zeicahtiah kir ti lo dingin an kalpi lai, A chuahnak ram kha zeitik hmanh ah a hmu ṭhan ti lai lo.

JEREMIAH 22:12

An kalpinak ram ah khan a va thi lai i hi ram hi a hmu ṭhan ti lai lo,” tiah a ti.

JEREMIAH 34:5

Dai tein na thi ko lai. Na pupa hna, nangmah hlanah a ummi siangpahrang hna caah meiphu an tih bantuk khan nangmah upatnak caah an tih ve lai. Nangmah cu an in ṭah lai i an ṭang an i cumh pah in, ‘Aize, bawipa!’ an ti lai. Mah hihi keimah chimmi a si,” tiah Bawipa nih a ti.

JEREMIAH 36:30

Cucaah Judah siangpahrang Jehoiakim, nangmah kong ah Bawipa nih hi bangin ka ti: David bawiṭhutdan cung i a ṭhu ding ahohmanh na ngei hna lai lo i na ruak cu chun ah ni nih a linh lai i zan ah hawhra nih a tlak lai.