JEREMIAH 22:17 - Lai (Hakha) Common Language Bible 2006

¹⁷ Sihmanhsehlaw nang cu miaknak dah ti lo ahcun mit na ngei lo, Zei dang ruat loin miaknak lawnglawng kha na ruat. A sual lomi thisen chuah khawh nakding le Hremnak le zaang-ennak tuah khawh nakding lawng kha naa ruah chih, tiah a ti.

JEREMIAH 22:17 ပူးပေါင်းရင်းမြစ်များ

1 SIANGPAHRANG 21:19

Cun amah cu na thawh lai i, ‘Hi bangin Bawipa nih, “Na thah cang i a ro zong na co cang maw?” a ti,” na ti lai. Cun nangmah nih amah cu na thawh lai i, ‘Bawipa nih hi bangin: “Uico nih Naboth thi an liahnak hmun ah khan uico nih nangmah na thi an liah lai,” a ti,’ tiah na chimh lai,” tiah a ti.

2 SIANGPAHRANG 23:37

Cun a pupa hna nih an rak tuahning te khan Bawipa mithmuh ah thil ṭhalo kha a tuah ve.

2 CHANRELNAK 36:8

Jehoiakim tuahsernak a tang rihmi hna le fihnung a tuahmi le a ziaza ṭhalo hna cu zohhmanh, Israel le Judah Siangpahrang hna Cauk chungah an i ṭial i a fapa Jehoiachin cu amah hmun ah khan a hung bawi.

JOB 31:7

Lam khan ka ke hlan cu a pial i ka lung nih ka mit kha a zulh i ka kut ah hin hnawm aa benh ahcun,

SALM 10:3

Miṭhalo nih a duhnak ṭhalo kha aa porhlaw i hakkaumi nih Bawipa kha a vawlhpamh i a hlawt.

EXODUS 18:21

Sihmanhsehlaw thil ti khomi kha na thim hna lai i mi zapi hruaitu ah na chiah hna lai: a thong bu hruaitu le a za bu hruaitu le sawm nga bu hruaitu le pahra bu hruaitu tiin na chiah hna lai. Annih cu Pathian a ṭihmi, bochan awk tlak a simi an si lai, nawhthuh pek khawh lomi an si lai.

PHUNGTHLÛKBIA 24:2

Zeicahtiah annih an ruahmi cu zaang-ennak lawng kha a si i an kaa an an paoh ahcun pakhatkhat cungah harnak an tlunter zungzal.

ISAIAH 56:11

A paw a kau tukmi, a za cang ti a hngal lomi uico bantuk an si. Hngalhnak ngei lo hruaitu an si. Anmahle an duhning cio paoh khan an um i anmah miaknak lam cio lawng kha an kawl.

JEREMIAH 17:11

Dinlonak in chawva a ngei luaimaimi cu Amah ti a si lomi ti a bu chungah a tlummi vaking bantuk a si, A chan ṭim hlanah a chawva cu a kaltak ko hna lai i A donghnak ah cun mihrut a si kha amah nih a langhter ko lai.

JEREMIAH 19:4

Zeicahtiah hi mi hna nih hin an ka hlawt i hi hmun hi keimah ta si hlah seh law cu bang cun an tuah, anmah nih siseh, an pupa hna nih siseh, Judah siangpahrang hna nih siseh, an hngalh bal lomi pathian hna sinah khan rai an thawi i hi hmun cu a sual lomi thisen kha an khahter.

JEREMIAH 22:3

Thil nan tuah tikah dingte le hmaan tein tuah u, hremmi kha a hremtu kut chungin chuah u, ramdangmi le ngakṭah le nuhmei hna cungah ṭhat lonak siseh, zaang-ennak siseh, tuah hlah u.

JEREMIAH 6:13

Annih cu a hme bik in a ngan bik tiang, hrokhrawl in hmuhmi miaknak kha a duhmi an si; Profet le tlangbawi hna hmanh kha lih in rian a ṭuanmi an si.

JEREMIAH 6:6

Mahtihin Ralkapbu Bawipa nih a ti, “Jerusalem khua thingkung kha hau hna u law Ral tuknak chuntlung kha a pawngah serhnawh u. A chungah hin zeidang um loin hremnak lawnglawng a um caah Hi khua hi dan ka tat lai.”

JEREMIAH 7:6

ramdangmi le ngakṭah le nuhmei kha dekhleng hna hlah u law hi hmun ah hin a sual lomi thisen kha chuah hlah u law nanmah lila fahnak ding caah pathian dang kha zul hna hlah u.

JEREMIAH 8:10

Cucaah an nupile cu midang sinah ka pek hna lai i An lo cu mi thar kha ka pek hna lai, Zeicahtiah a hme bik in a ngan bik tiang, a dinglo miaknak ah khan an hak a kau cio; Tlangbawi in profet tiang, an dihlak in hlennak lawngte an tuah.

EZEKIEL 18:12

midang nupi sinah a sualmi, vanchiami le sifakmi kha a hrem i miramh a hmangmi, leibatu nih biakamnak ca i thil an pekmi a khirh lomi, siasal kha a zohcho i fihnung phung kha a tuah vemi,

EZEKIEL 19:6

Chiandeih hna lakah khan aa chawk i Chiandeih tum no umtuning bantuk khan a um. Sa seh kha a hun thiam i mi kha a ei hna;

EZEKIEL 19:7

An inn ṭhaṭha kha a hrawh hna i an khua kha a ṭhio dih hna. Ram le a chung i a ummi thil vialte kha a onh thawng an theih tikah an khuaruah a har dih.

EZEKIEL 19:9

Sio in bawm chungah an hruaih i Babilon siangpahrang sinah an ratpi i thong chungah an thlak. Cucaah Israel ram tlang cungah a aw cu zeitikhmanh ah theih a si ti lo.

EZEKIEL 22:6

Nangmah chungah hin Israel mi bawi vialte hna nih an thil ti khawhnak cu thisen chuahnak caah an hman;

EZEKIEL 33:31

Cucaah ka mi hna cu, mi nih an tuah tawn cio bantukin, an ra hungmang lai i na hmaiah an ṭhu lai. Chimh awk na ngeihmi hna bia cu an theih lai, sihmanhsehlaw an tuah lai lo. ‘Bia ṭha an si,’ an ti lai, sihmanhsehlaw an lung cu mah pumpak miaknak cio lawngah khan fek tein an bunh cang.

MIKAH 2:2

Lo kha an mit a thit ahcun an lak ko, inn kha an duh ahcun an tlaih ko; Mi kha an inn le an thilri an chuh ko hna.

MIKAH 3:10

Pathian khualipi Jerusalem cu lainawnnak le dinlonak in nan sak.

ZEFANIAH 3:3

A chung i bawi hna cu chiandeih a huk lengmangmi an si, A biaceihtu bawi hna cu zinglei tiang a ngang kho lomi cenghngia an si,

ROM 1:29

Annih cu ṭhat lonak a phunphun le duhfahnak le puarnak le nahchuahnak in an khat i an lungthin cu lainawnnak le i dohnak le i hlennak le ziarngeihnak in a liam in a liam. Pakhat le pakhat an i congoih,

1 KORIN 6:10

mi thil a chutmi le hak a kaumi le zu a rimi le mi congoih a hmangmi le mifir a simi hna nih cun Pathian Pennak cu an co lai lo.

KOLOSE 3:5

Nan chung i rian a ṭuanmi vawlei pum duhnak: nu le pa sualnak tehna, dawhcah loin umtu khuasak tehna, hornak tehna, thin ṭhat lo tehna le hakkauhnak tehna hi nan thah hrimhrim awk an si (hakkauhnak hi siasal biakning phun khat a si).

JOSHUA 7:21

hranchaw lakah khan Shinar puan aa dawh ngaimi le ngun shekel za hnih le sui tlang khat, shekel sawm nga a ritmi ka hmuh hna tikah ka mit an thi i ka lak hna; cun zohhmanh, ka thlam chung vawlei chungah ka thuh hna, ngun cu a tang bik ah,” tiah a ti.

2 PETER 2:14

Nu hor pawl zoh dah ti lo kha cu zoh an duhmi zeihmanh a um lo; an sual duhnak kha a riam kho bal lo. Thazang a dermi kha rap ah an foihter hna. An lungthin kha hakkauhnak in a khat. Annih cu Pathian nih chiat a serhmi hna an si.

2 PETER 2:3

Cawnpiaktu hmaanlo hna cu, hakkaumi an si caah, an phuahchommi tuanbia kha an in chimhmi hna cu, nanmah kha zeitindah kan miak khawh hna lai tinak caah a si lai. Sihmanhsehlaw anmah bia a ceihtu hna ding Bawi aa timhnak cu caan saupi a si cang i anmah a Hrawktu hna ding cu aa hlau cang.

1 SAMUEL 8:3

Asinain, a fapa hna cu amah lam kha an zul lo, miaknak tu kha an merhnawh. Nawhthuh kha an lak i biading kha an merh.