JEREMIAH 21:9 - Lai (Hakha) Common Language Bible 2006

⁹ Hi khuachung i a tangmi paohpaoh cu vainam le mangṭam le rai in an thi lai; sihmanhsehlaw a chuak i an kulhtu hna Khaldi mi hna sinah aa pemi cu an nung lai; a nunnak ceoceo tal cu aa luatpi lai.

JEREMIAH 21:9 ပူးပေါင်းရင်းမြစ်များ

JEREMIAH 14:12

Annih nih rawl an ulh tikah an aunak kha ka ngaihpiak hna lai lo; khangh thawinak le changvut thawinak kha an pekchanh tikah ka cohlanpiak hna lai lo. Vainam le mangṭam le rai tu in ka thah hna lai,” tiah a ti.

JEREMIAH 21:7

Cun cu hnuah cun, Judah siangpahrang Zedekiah le a sinum hna le a mi hna, hi khua chung i rai le vainam le mangṭam a luatmi hna kha Babilon siangpahrang Nebukhadnezzar le anmah thah a duhmi an ral hna kut chungah ka sanh hna lai. Vainam in an sam cikcek hna lai; anmah cu an zaangfah hna lai lo, a nganh zong an ngan hna lai lo, vel zong an ngeih hna lai lo,’ tiah a ti.

JEREMIAH 24:10

Cun anmah le an pupa hna sinah ka pekmi hna ram in annih cu hrawh cikcek an si hlantiang, an cungah vainam le mangṭam le rai ka tlunter lai,” tiah a ti.

JEREMIAH 27:11

Sihmanhsehlaw Babilon siangpahrang hngawngkual tangah a hngawng a chia i amah kha a rianmi miphun paoh cu anmah ram te ah khan ka umter hna lai i an ram cu an thlawh lai i khika ah khua an sa lai,” tiah Bawipa nih ka ti,” a ti.

JEREMIAH 27:12

Judah siangpahrang Zedekiah sinah cu bia vialte cu ka chim i, “Babilon siangpahrang hngawngkual tangah cun na hngawng cu na chiah i amah le a mi hna cu na rianh hna ahcun na nung lai.

JEREMIAH 27:13

Zeicahdah Babilon siangpahrang a rian duh lomi miphun kong ah Bawipa nih a chim bangin nangmah le na miphun cu vainam le mangṭam le rai in nan thih lai?

JEREMIAH 38:2

Bawipa nih, “Khua chungah a tangmi cu ral kut in maw mangṭam in maw an thi lai. Sihmanhsehlaw a chuak i Khaldi mi hna sinah aa pemi cu an thi lai lo, zeidang an i chuahpi khawh lo hmanh ah an nunnak he tal cun an luat lai,” a ti, ti hi a si.

JEREMIAH 38:3

Jeremiah nih annih a rak chimhmi hna cu, Bawipa nih, “Hi khua hi Babilon siangpahrang ralkapbu kut chungah ka pek lai i an lak lai,” a ti, ti a si.

JEREMIAH 39:18

Nang cu him tein kan zohkhenh lai i vainam in thah na si lai lo; na ka bochan caah zeidang zeihmanh naa chuahpi kho lai lo nain, na nunnak he tal cun na luat lai,’ tiah Bawipa nih a ti,” tiah a ti.

JEREMIAH 45:5

Na caah thil lianngan kha na kawl hna. Sihmanhsehlaw cu kawl cu ngol ko hna, zeicahtiah mi vialte cungah rawhralnak kha ka tlunter lai, tiah Bawipa nih a ti; nang cu na kalnak paoh ah kan nunter ko lai, sihmanhsehlaw na nunnak lawnglawng kha naa khamh kho lai i zeihmanh a dang na thil cu na chanh khawhmi an um lai lo,” tiah a ti.

EZEKIEL 5:12

Na mi cheu thum cheu khat cu na chungah rai le mangṭam in an thi lai; cheu thum cheu khat cu na pawngkam ram ah vainam in an thi lai; cun cheu thum cheu khat cu khuazakip ah ka ṭhek hna lai i phawi cia vainam he ka zulh hna lai.