JEREMIAH 21:6 - Lai (Hakha) Common Language Bible 2006

⁶ Hi khua chungah a ummi hna minung he saṭil he ka thah hna lai; annih cu rai ṭhalo ngaiin an thi lai.

JEREMIAH 21:6 ပူးပေါင်းရင်းမြစ်များ

GENESIS 6:7

“Ka sermi minung vialte hna hi vawleicung in ka hloh dih hna lai. Saram vialte le va vialte he ka hloh dih hna lai, ka rak ser hna hi kaa ngaichih,” a ti.

ISAIAH 6:11

“Hi bantuk hin zei can dah a um lai, Bawipa,” tiah ka hal i, “Khuapi cu a rawk dih i a lawn dih tiang—inn cu a chung i mi umtu an um lo tiang—hi ram hi a kin in a kin dih cikcek tiang a si lai.

JEREMIAH 14:12

Annih nih rawl an ulh tikah an aunak kha ka ngaihpiak hna lai lo; khangh thawinak le changvut thawinak kha an pekchanh tikah ka cohlanpiak hna lai lo. Vainam le mangṭam le rai tu in ka thah hna lai,” tiah a ti.

JEREMIAH 16:4

Zawtnak ṭihnung ngaingai in an thi lai. Ahohmanh nih an ṭah hna lai lo, vui zong an tong lai lo. Vawlei i ek pon bantukin an ril lai. Annih cu ral kut in an thi lai, asiloah mangṭam in an thi lai, an ruak cu van i a zuangmi va hna le vawlei i a ummi saram hna caah rawl an si lai.

JEREMIAH 20:4

“Zeicahtiah hi bangin Bawipa nih a ti: Nangmah cu nangmah lila caah le na hawikom hna caah ṭihnung ah kan ser lai. Na hmuh hngan hrimhrim ah annih cu an ral hna vainam in an tlu lai. Cun Judah ram vialte cu Babilon siangpahrang kut chungah ka pek lai i Babilon ah sal ah a kalpi hna lai i vainam in a thah hna lai.

JEREMIAH 32:24

Babilon mi hna nih khuapi cu lak awkah a velchum in kulhnak chuntlung an ser i annih nih an tuk. Raltuknak le mangṭam le rai nih khuapi cu an kut chungah a tlakter lai. Bawipa, nangmah nih na chimmi cu a tling ko cang ti kha na hmuh ko.

JEREMIAH 33:12

Mah hihi Ralkapbu Bawipa bia a si: Hi hmun le a khua vialte hna, a rawk i a ril komi, a chungah mi siseh, saram siseh an um lonak ah hin, tuukhal hna nih an tuu an pumh hnanak himnak hmun a um ṭhan lai.

JEREMIAH 34:17

Cucaah hitin Bawipa nih a ti: Ka bia nan ngai lo; nan phunhawi Hebru mi kha luatnak nan pe hna lo. Cucaah keimah zong nih luatnak kan pek ve ding hna cu: tuknak le rai le mangṭam in thihnak kha a si lai. Nan cung i ka tuahmi ruangah vawlei cung ram vialte cu an tuksa nan purh hna lai.

JEREMIAH 36:29

Cun Judah siangpahrang Jehoiakim sinah cun Bawipa nih hi bangin a ti, tiah na va ti lai: Hi cazual cu na khangh i, ‘Zeicahdah a chungah hin Babilon siangpahrang cu a ra hrimhrim lai i hi ram hi a hrawh lai i minung siseh, saram siseh a thah dih hna lai, tiin na ṭial? na ti.

JEREMIAH 42:22

Cucaah hihi philh hlah u, va kal i va um nan duhnak ram ah hin ral kut le mangṭam le rai in nan thi lai,” tiah a ti.

JEREMIAH 7:20

Cucaah Bawipa Pathian nih hi bangin a ti: Zohhmanh u, hi hmun cungah hin, minung cung le saṭil cungah, lo chung thingkung hna le vawlei theitlai cungah, ka thinhunnak ka bungh lai; a kang lai i a mit ti lai lo.

EZEKIEL 12:16

Sihmanhsehlaw an lakah tlawmpalte cu vainam le mangṭam in le rai in a luat ding kha ka nganh hna lai i cu hna nih cun an va kalnak miphun dang hna sinah khan thil fihnung an tuahnak kong vialte kha an va chim dih lai i annih nih Bawipa ka si kha an hngalh lai,” a ti.

EZEKIEL 14:17

Asiloah, cu ram ah cun vainam kha tlunter ning law cu vainam cu ram chung dihlak ah khan kal in minung le saṭil kha that hna tiah nawl pe ning law,

EZEKIEL 14:19

Asiloah, minung le saṭil kha hrawh awkah, cu ram chungah cun rai tlunter ning law, ka thinhunnak cu thisen in bung ning law,

EZEKIEL 14:21

“Mah hihi Bawipa Pathian bia cu a si: Cucaah cun ka dantatnak pali, vainam le mangṭam, sahrang le rai hna hi, minung le saṭil hna hrawh awkah Jerusalem khua cung i ka tlunter tikah, a caah zeitluk in dah ruahchannak a tlawm chinchin lai!

EZEKIEL 33:27

Mah hihi Bawipa Pathian bia an si, tiah chim hna: Ka nun bangin ka chim, annih cu a rawkmi thil lakah khan vainam in an thi lai; ramlak ah saram hna rawl ah ka ser hna lai, ralhau chung le lungkua chungah rai in an thi lai.

EZEKIEL 33:29

Annih nih fihnung an tuahmi vialte ruangah ram cu ṭiaotakmi ram i ka ser tikah, keimah cu Bawipa ka si kha an hngalh lai.

EZEKIEL 7:15

“Lengah vainam a um, chunglei ah rai le mangṭam an um; ramlak ah khan mi cu vainam in an thi lai i khua chungah mangṭam le rai nih a thah hna lai.

HOSEA 4:3

Cucaah ram cu ngaihchia in a um lai i a chung i a ummi vialte cu an lotlau dih lai i Anmah sinah cun ramlak saram hna le van i a zuangmi va hna zong an lotlau ve lai; Nga hmanh kha rili chungin an lo lai.

MIKAH 3:12

Cucaah nanmah ruangah Zion cu lei bantukin thuan a si lai i, Jerusalem cu a rawkmi thilpon ah a cang lai i, Biakinn tlang cu tupi ah a cang lai.

ZEFANIAH 1:3

Minung he saram he ka phiah hna lai, Van i a zuangmi va hna le rili chung i a ummi nga hna cu ka phiah hna lai. Miṭhalo cu ka hrawh hna lai i minung cu vawlei cungin ka hloh lai, ti hi Bawipa bia hrimhrim a si.

LUKA 21:24

Annih cu vainam in thah an si lai i ram kip ah sal ah an hruai hna lai, Jentail mi nih Jerusalem khua cu an naan lai i an caan a dih hlantiang an ke tangah an chiah lai.