JEREMIAH 21:4 - Lai (Hakha) Common Language Bible 2006

⁴ hihi Bawipa, Israel Pathian bia cu a si tiah Zedekiah cu va chim u: “Babilon siangpahrang le Khaldi mi hna, khua kulhnak hau lengin an kulhtu hna na dohnak nangmah hriamnam lila kha na cungah ka tlunter hna lai. Annih cu hi khuapi a laifang ah hin ka luhpi hna lai.

JEREMIAH 21:4 ပူးပေါင်းရင်းမြစ်များ

ISAIAH 10:4

Raldohnak hmun ah nan thi lai, asilole sal ah an in kalpi hna lai. Cu ti a si na hmanh cun Bawipa thinhunnak cu a dong lai lo i dantatnak pek awkah a kut cu aa samh ko rih lai.

ISAIAH 13:4

Tlang cung thawng cu ngai tuah u — mibu nganpi thawng a si, miphun tampi le ram tampi aa pummi thawng a si. Ralkapbu Bawipa nih a ralkap cu raldoh awkah a timh hna.

ISAIAH 5:5

“Cucaah cun ka dum cu hitihin ka tuah lai. A kulhnak kha ka baoh hna lai i a hau kha ka hrawh hna lai i saram kha ka eiter dih hna lai i ka nanter dih hna lai.

JEREMIAH 20:4

“Zeicahtiah hi bangin Bawipa nih a ti: Nangmah cu nangmah lila caah le na hawikom hna caah ṭihnung ah kan ser lai. Na hmuh hngan hrimhrim ah annih cu an ral hna vainam in an tlu lai. Cun Judah ram vialte cu Babilon siangpahrang kut chungah ka pek lai i Babilon ah sal ah a kalpi hna lai i vainam in a thah hna lai.

JEREMIAH 21:3

Khi tikah Jeremiah nih annih cu a leh hna i

JEREMIAH 32:24

Babilon mi hna nih khuapi cu lak awkah a velchum in kulhnak chuntlung an ser i annih nih an tuk. Raltuknak le mangṭam le rai nih khuapi cu an kut chungah a tlakter lai. Bawipa, nangmah nih na chimmi cu a tling ko cang ti kha na hmuh ko.

JEREMIAH 32:3

“Bawipa nih, ‘Hi khua hi Babilon siangpahrang sinah ka pek lai i a lak lai.

JEREMIAH 32:5

Zedekiah cu Babilon ah an kalpi lai i khika ah a cung i rian ka ṭuan hlantiang a um lai. Babilon mi kha do hmanh hna seh law, a tei hna lai lo, tiah Bawipa nih a ti, tiah Jeremiah cu na chim”, tiah Zedekiah Siangpahrang nih cun a ti i cucaah khika ah khan thong i a thlaknak cu a si.

JEREMIAH 33:5

“Cun nan va chuah; nan va tukmi hna nih cun ka thin hun le ka thin linh in ka tuk laimi hna ruak khan hi khua hi an khahter lai i cu vial ceo cu a si ko lai. A chung i a ummi minung hna nih ṭhat lonak an tuahmi ruangah hi khua cu ka mertak cang.

JEREMIAH 35:17

Cucaah Ralkapbu Bawipa, Israel Pathian nih Judah mi le Jerusalem mi nan cungah rawhralnak ka tlunter lai tiah ka timi vialte kha ka tlunter lai. Nannih cu kan chawnh hna tikah nan ngai duh lo i kan kawh hna tikah nan ka leh duh lo caah hihi nan cungah ka tuah lai,” tiah a ti.

JEREMIAH 39:3

Jerusalem cu an lak tikah Babilon siangpahrang i a bawi vialte hna cu an ra i a laifang kutka ah khan an ṭhu: Samgar mi Nergal-sharezer, tilditmi lak upa bik Nebo-sarsekim, hmaisuang ralkapbu haotu Nergal-sharezer le Babilon siangpahrang i a bawi dang vialte hna cu an si.

JEREMIAH 52:18

Cun biaknak inn chung i biaknak ca i hmanmi thil vialte, um tehna, cawhlek tehna, mei hmihnak tehna, hmaihum tehna, zihmui khanghnak kheng tete hna, dar-um vialte hna kha an kalpi dih.

ṬAHNAK HLA 2:3

A thinhun in Israel sunparnak ki cu a tan i Ral an rat cuahmah lioah khan a bawmhnak kut cu a zuhkanh hna; Jakob chungah cun meizik bangin a alh i a pawngkam vialte kha a kangh dih.

ṬAHNAK HLA 2:5

Bawipa cu ral bantuk ah a cang cang i Israel cu a hrawh cang; An inn sangsang hna cu a hrawh hna i An ralhruang hna cu a chimh dih hna; Judah fanu cungah ngaihchiatnak kha, A chonh chin luaimai ko.

ṬAHNAK HLA 2:7

Bawipa nih amah biakṭheng lila kha a hlawt i A hmunthiang kha chiat a serh. A inn vampang hna cu ral kut chungah khan a pek hna; Bawipa innchung hrimhrim ah khan Puai tuah ni i teinak hawhawt bantukin an au.

EZEKIEL 39:3

Na kehlei kut i likuk cu ka tuk lai i na orhlei kut i cantiang cu ka den dih hna lai.

HOSEA 9:12

Annih nih fa an ngeih hmanh ah ka lakpiak hna lai i pakhat hmanh ka nganh hna lai lo. Hi mi hi ka kaltak tik hna ah an cungah thil ṭhalo ngaingai a tlung lai.

ZEKHARIAH 14:2

Jerusalem doh awkah mi vialte kha ka pumh hna lai; khua cu an lak lai, inn cu an ramh hna lai i nu cu an tlaihhrem hna lai. Khuapi cheu hnih cheu khat cu saltannak chungah a kal lai, sihmanhsehlaw khua chung i a ummi, hi miphun chungin a tangmi hna cu, hloh an si lai lo.

MATTHAI 22:7

Siangpahrang cu a thin a hung i a ralkap kha a thlah hna i cu lainawngmi hna cu a thah hna i an khua kha a duah hna.