JEREMIAH 21:10 - Lai (Hakha) Common Language Bible 2006

¹⁰ Hi khua hi ka hmai ka thuhtak cang, an cung i ṭhatnak tuahnak ding caah si loin chiatnak tuahnak ding caah a si lai. Babilon siangpahrang sinah khan pek a si lai i mei in a khangh lai, tiah Bawipa nih a ti,” tiah a ti.

JEREMIAH 21:10 ပူးပေါင်းရင်းမြစ်များ

2 CHANRELNAK 36:19

Cun Pathian inn cu an khangh i Jerusalem khua kulhnak vampang cu an chimh hna i a chung i siangpahrang inn vialte cu mei in an khangh hna i a umkheng mansung vialte cu an hrawh dih hna.

SALM 34:16

sihmanhsehlaw ṭhat lonak a tuahmi kha cu a ral hna i cucaah anmah mi lila hmanh nih khan an philh hna.

JEREMIAH 17:27

Sihmanhsehlaw sabbath ni kha thiang tein ulh awk le sabbath ni ah thil phorh lo le Jerusalem kutka ah luhpi lo awk i ka bia kha nan ngaih lo ahcun, hi kutka hna cu mei in ka khangh hna lai; Jerusalem khua i siangpahrang inn hna kha a kangh hna lai i a mit lai lo,” tiah a ti.

JEREMIAH 26:6

hi inn hi Shiloh bantuk ah ka canter lai i hi khuapi hi vawlei cung miphun vialte caah nihsawh awk thil ah ka ser lai, a ti, na ti hna lai,” tiah a ti.

JEREMIAH 33:5

“Cun nan va chuah; nan va tukmi hna nih cun ka thin hun le ka thin linh in ka tuk laimi hna ruak khan hi khua hi an khahter lai i cu vial ceo cu a si ko lai. A chung i a ummi minung hna nih ṭhat lonak an tuahmi ruangah hi khua cu ka mertak cang.

JEREMIAH 34:2

Mah hihi Bawipa, Israel Pathian bia cu a si: “Va kal law Judah siangpahrang Zedekiah cu va chim, mah hihi Bawipa bia a si: Hi khua hi Babilon siangpahrang kut chungah ka pek lai i mei in a khangh lai.

JEREMIAH 34:22

Keimah nih nawl ka pek hna lai i hi khuapi ah hin an ra kir ṭhan lai. An tuk lai, an lak lai i an khangh dih lai. Judah ram khua hna cu ahohmanh an um lonak thetse ram bantuk ah ka ser hna lai, tiah Bawipa nih a ti.

JEREMIAH 38:17

Khi tikah Jeremiah nih Zedekiah cu, “Hi bangin Bawipa, Ralkapbu Pathian, Israel Pathian nih a ti: Babilon siangpahrang i a bawi hna sinah hin naa pek ahcun na nunnak cu zuah a si lai i hi khua hi mei in khangh a si lai lo, nangmah le na innchungkhar cu nan nung lai.

JEREMIAH 38:18

Sihmanhsehlaw Babilon siangpahrang i a bawi hna sinah naa pek lo a si ahcun, hi khua hi Khaldi mi hna kut chungah pek a si lai i an khangh lai i nangmah zong an kut in na luat lai lo,” tiah a ti.

JEREMIAH 38:23

Na nupi vialte hna le na fale vialte hna cu Khaldi mi hna sinah hruai an si lai i nangmah hrimhrim zong an kut chungin na luat lai lo. Babilon siangpahrang nih an tlaih lai i hi khua hi mei in a khangh lai,” tiah a ti.

JEREMIAH 38:3

Jeremiah nih annih a rak chimhmi hna cu, Bawipa nih, “Hi khua hi Babilon siangpahrang ralkapbu kut chungah ka pek lai i an lak lai,” a ti, ti a si.

JEREMIAH 39:16

“Va kal law, Ethiopia mi Ebedmelek cu, hi bangin Ralkapbu Bawipa, Israel Pathian nih a ti, tiah va chim: ‘Zohhmanh, hi khua kong i ka bia kha, ṭhatnak caah si loin chiatnak caah ka tlinter lai i khi ni a phak tikah cucu hmuh awkah khika ah na um lai.

JEREMIAH 39:8

Khaldi mi hna nih cun siangpahrang inn le Bawipa inn le mi zapi inn hna kha an khangh hna i Jerusalem kulhnak vampang cu an chimh hna.

JEREMIAH 44:11

Cucaah Ralkapbu Bawipa, Israel Pathian nih hi bangin a ti: Nan cung i ṭhat lonak tlunter awk le Judah mi kha hloh cikcek awkah ka lung kaa thlek cang.

JEREMIAH 44:27

Nan cung i ṭhatnak tlunter awkah si loin ṭhat lonak tlunter dingah nannih cu ṭha tein kan zoh hna, cun Judah ram mi Izipt ram i a ummi vialte nih pakhat hmanh an taan lo tiangin vainam le mangṭam in an thi lai.

JEREMIAH 52:13

Bawipa inn le siangpahrang inn le Jerusalem i inn ngan vialte kha a khangh dih hna, Gedaliah inn zong kha a khangh fawn.

EZEKIEL 15:7

Annih cu ka hmai ka chiathnawh hna lai, Mei chungin luat hna hmanh seh law mei ṭhiamṭhiam nih a kangh hna lai. Annih cu zumhawktlak loin an um caah ka hmai ka chiathnawh hna lai i Ram cu ka hrawh dih tikah Bawipa ka si cu nan hngalh lai. Mah hihi Bawipa Pathian bia hrimhrim a si, tiah a ti.

EZEKIEL 24:11

Cun um cu a lawngin mei cungah cun ka toh lai, A dar cu a linh tuk ah a sen dih lai i, A chung i a ummi hnawm vialte an ti dih lai i cirik vialte cu a kangh dih hna lai.

LEVITIKAS 17:10

“Israel innchungkhar mi siseh, an sin i a pemmi siseh, ahohmanh nih zei thi hmanh a ei ahcun, thi a eimi cu ka hmai ka chiathnawh lai i a mi hna chungin ka hlonh lai.

LEVITIKAS 26:17

ka hmai kan chiathnawh hna lai i nan ral nih an in tei hna lai; an huami nih an in uk hna lai i ahohmanh nih an in dawi hna lo zongah nan zam lai.

AMOS 2:5

Cucaah Judah cungah mei ka thlah lai i Cu mei nih cun Jerusalem ralhruang vialte kha a kangh dih hna lai.

AMOS 9:4

An ral hna nih sal ah a bubu in an hruai hna zongah, Khika zongah cun vainam kha that hna ka ti ṭhiamṭhiam lai; An ṭhatnak ding caah si loin a chiatnak ding caah An cungah ka mit kha ka chiah peng ko lai.

ZEKHARIAH 1:6

Sihmanhsehlaw ka profet hna sinah ralrinnak bia le biachahnak bia ka pekmi hna nih khan nan pupa hna cu a phak hna a si lo maw? Khi tikah annih nih i ngaihchih in, ‘Ralkapbu Bawipa nih aa timhning bantukin kan cungah a tuah cang; kan nunning le kan tuahsernak he aa tlakning in kan cungah a tuah,’ tiah an ti lo maw?” tiah a ti.