JEREMIAH 20:7 - Lai (Hakha) Common Language Bible 2006

⁷ Maw Bawipa, nangmah nih na ka hlen i hlen ka si ko cang; Keimah nakin na ṭhawng deuh i na ka tei; Mi kip nih capo ah an ka saih i chun nitlak an ka nihsawh.

JEREMIAH 20:7 ပူးပေါင်းရင်းမြစ်များ

2 SIANGPAHRANG 2:23

Cuka cun Bethel ah a hung kal; a hung kalpah ah khin, ngakchia tlawmpal kha, cu khua chung khan an ra chuak i amah cu an nihsawh i, “Lu kolh pa, hung kal tuah! Lu kolh pa, hung kal tuah,” tiah an hauh.

JOB 12:4

Ka hawile hmanh nih an ka nihsawh, Sihmanhsehlaw Pathian nih a ka leh caan cu a um ve ko; Miding le soi awk um lo ka si nain an ka nihsawh.

JOB 30:9

“Sihmanhsehlaw atu cu hi hna hi hla a ka sakhnawhtu kha an si cang i Khua chung i mi kip ceihmi i a ka sertu cu an si.

SALM 119:51

Mi porhlaw hna nih an ka zawmhtaih, sihmanhsehlaw kei cu na phunglam kha ka kaltak lo.

ISAIAH 8:11

Mi nih an zulhmi lam kha zulh lo awkah, Bawipa nih a liannganmi a ṭhawnnak in ralrinnak a ka pek. A ka thawh i,

JEREMIAH 15:10

Aize, aize, ka nu, zeicahhen na rak ka hrin ngelcel! Hnahnawhnak chung i a um ding le vawlei pumpi he aa ralchanh dingmi minung pei ka rak si ko hi. Aho sin hmanh in tangka ka cawi hna lo i Ahohmanh zong ka cawih fawn hna lo, Sihmanhsehlaw mi kip nih an ka thangchiat.

JEREMIAH 15:18

Zeicahdah ka fahnak hi a dongh kun lo? Zeicahdah ka hma hi hnabei dong a si i a dam duh lo? Nangmah cu ka caah, a ti a car tawnmi tivate, bochan awk a tlak lomi bantuk na si.

JEREMIAH 17:16

Sihmanhsehlaw Maw Bawipa, an cungah ṭhat lonak tlunter kha kan fial bal lo i An ca i harnak caan tlun kha ka duhmi a si bal lo. Nangmah nih ka ka in a chuakmi bia vialte cu na hngalh dih, Ka chimmi bia vialte cu na hnatlakmi an si ko.

JEREMIAH 20:9

Bawipa kong cu ka lung chungah ka riahter ti lai lo i A min zongin bia ka chim ti lai lo, ka ti ah, A bia cu ka lung chungah hin mei bantukin a alh i ka ruh chungah hin mei linh bantukin aa khumh. Ka chung i tlaih peng kha ka celh ti lo i chuak loin ka tlai kho hrim ti lo.

JEREMIAH 29:26

“Bawipa nih Jehoiada hmun ah khan tlangbawi ah an ser cang i atu cu biakinn chungah bawi bik na si cang. Cucaah na rian cu profet ka si aa timi, mihrut hna paoh kha thir cincik in khih le an hngawng i thirkual oih kha a si lai.

JEREMIAH 38:19

Cun Siangpahrang Zedekiah nih cun Jeremiah sinah khan, “Khaldi mi hna sinah a zammi Judah mi kha ka ṭih hna, zeicahtiah kha hna kut chungah khan Khaldi mi hna nih hin an ka chanh lai i ṭhalo in an ka tuah sual lai,” tiah a ti.

ṬAHNAK HLA 3:14

Miphun vialte hna caah nihchuak ah ka cang i, Chun nitlak in an hla-eng sakhnawhmi hmuichon ka si cang.

EZEKIEL 3:14

Thlarau nih a ka cawi i a ka zuanpi i lunglawmhnak he khat in ka kal i Bawipa kut cu ka cungah ṭhawng ngaiin a um.

HOSEA 9:7

Dantatnak ni cu a phan cang, phuhlamnak ni cu a phan cang; Israel cu ṭhumh a si cang. Khi tikah nan sualnak a nganmi nih khan profet cu mihrut ah a ser hna lai i hmutu cu mimolh ah a ser hna lai.

JONAH 4:2

Cucaah Bawipa sinah cun thla a cam i, “Maw Bawipa, ka ram chung i ka um liote khan, mah hite hi pei na tuah te ṭheo lai tiah ka rak phanmi kha a si cu; cucaah cun pei Tarshish khua lei i ka rak zam kha a si cu! Nangmah cu vel a ngei i zaangfah a hmang i thin a fual i lung a sau i chiatnak ka tlunter lai na timi kha tlunter ṭhan lo awkah a lung a thleng ṭhan tawnmi Pathian na si kha ka hngalh.

MIKAH 3:8

Sihmanhsehlaw kei tu cu Bawipa thlarau nih ṭhawnnak le bia khiah thiamnak le ral ṭhatnak in a ka khahter i Israel mi hna cu an sualnak kha zeidah a si tiah ka chimh hna.

LUKA 16:14

Farasi mi nih hi a chimmi vialte cu an theih tikah, annih cu tangka a duhmi an si caah, amah kha an nihsawh.

LUKA 23:11

Herod le a ralkap hna nih khan Jesuh cu capo ah an saih i zeirello ngaiin an ti. Puan ṭha ngaingai an aihter i Pilat sinah khan an kuat ṭhan.

LAMKALTU 17:18

Epikurian cawnpiaktu saya a cheukhat le Stoik cawnpiaktu saya a cheukhat he zong an i al. A cheu nih an thawh i, “Hi mihrutpa, langh a duh ngai ṭungmi hi zeidah a chim len ko hnga?” an ti. A cheu nih, “Ramdangmi hna pathian kong chim dawh a si,” an ti. Hitihin zeicah dah an ti ti ahcun, Paul nih khan Jesuh kong le thawhṭhannak kong a chim caah khan a si.

LAMKALTU 17:32

Paul nih thihnak in thawhternak kong a chimmi kha an hun theih tikah a cheu nih an nihsawh i a cheu nih, “Hi kong hi theih ṭhan kan duh,” an ti.

1 KORIN 9:6

Barnabas le keimah lawng hi maw mah nunnak caah mahte in rian aa ṭuanpah ding cu kan si?

HEBRU 11:36

A cheu cu nihsawhnak le fung tuknak kha an ing i a cheu cu ṭemnak le thongthlaknak kha an ing.