JEREMIAH 20:4 - Lai (Hakha) Common Language Bible 2006

⁴ “Zeicahtiah hi bangin Bawipa nih a ti: Nangmah cu nangmah lila caah le na hawikom hna caah ṭihnung ah kan ser lai. Na hmuh hngan hrimhrim ah annih cu an ral hna vainam in an tlu lai. Cun Judah ram vialte cu Babilon siangpahrang kut chungah ka pek lai i Babilon ah sal ah a kalpi hna lai i vainam in a thah hna lai.

JEREMIAH 20:4 ပူးပေါင်းရင်းမြစ်များ

2 SIANGPAHRANG 25:7

Zedekiah fapale cu a hmaika hrimhrim ah khan an thah hna i Zedekiah cu a mit an khoih i hreng an khenh i Babilon ah an kalpi.

SALM 73:19

Chikkhatte ah an rawk i an donghnak cu ṭihnung ngaingai a si.

JEREMIAH 13:10

Hi miṭhalo hna nih hin ka bia ngaih kha an duh lo; pathian dang kha an zulh hna i an rian an ṭuan hna i an kunhnawh hna. Cucaah annih cu, zeihmanh ah a ṭha ti lomi biar bantuk hi an si lai.

JEREMIAH 13:19

Negeb ram khua cu kulh an si dih cang, Ahohmanh nih an chanh kho hna lo; Judah ram mi vialte cu sal ah hruai an si cang, An ning piin kalpi an si cang.

JEREMIAH 19:15

“Ralkapbu Bawipa, Israel Pathian nih hi bangin a ti: Hi khuapi cungah le a pawngkam khua vialte ah hin ka tlunter lai tiah ka rak timi dantatnak kha, nannih nih nan lung a ṭhawn i ka bia kha ngaih nan duh lo caah, ka tlunter taktak lai, a ti,” tiah a ti.

JEREMIAH 20:6

Cun nangmah Pashhur le na innchungkhar vialte cu sal taannak chungah nan kal lai i Babilon kha nan phan lai. Cuka ah cun nan thi lai i cuka ah cun vui nan si lai, nangmah le hlennak in na chimhmi na hawile vialte hna cu,” tiah a ti.

JEREMIAH 25:9

chaklei miphun vialte kha ka cah hna lai, tiah Ralkapbu Bawipa nih a ti. Ka sal Nebukhadnezzar, Babilon siangpahrang kha ka cah fawn lai. Hi ram le a chung i a ummi hna le a pawngkam i a ummi miphun vialte hna doh awkah ka ratpi hna lai i ka hrawh cikcek hna lai, tuksapur le cekcekhnawh thluahmah awk le zungzal nihsawh awkah ka ser hna lai.

JEREMIAH 29:21

“Nan sinah lih in bia a chimmi Kolaiah fapa Ahab le Maaseiah fapa Zedekiah kong ah Ralkapbu Bawipa, Israel Pathian bia cu hi bangin a si: Annih cu Babilon siangpahrang Nebukhadnezzar kut ah ka chanh hna lai i nan mithmuh hrimhrim ah a thah hna lai.

JEREMIAH 46:5

Sihmanhsehlaw ka hmuhmi hi zeidah a si kun? An hnabei a dong i hnulei ah an i mer, An ralkap hna cu an ṭhuat chih len hna i rianrang in an zam; Hnulei i her hleng loin an le dih. Ṭihnung cu thlah a si cang, tiah Bawipa nih a ti.

JEREMIAH 52:24

Cun ralvengtu ralkap haotu nih cun tlangbawi bik Seraiah le tlangbawi pahnihnak Zefaniah le biakinn cawngtu bawi pathum hna kha a kalpi hna.

JEREMIAH 52:27

Babilon siangpahrang nih cun Hamath ram Riblah khua ah cun a tuk hna i a thah hna. Cuticun Judah cu a ram chungin sal ah kalpi a si.

JEREMIAH 6:25

Lo ah kal hlah u, lam zongah i chawk hlah u, Zeicahtiah ral cu vainam i put in a kenkip ah aa chawk ko.

1 SAMUEL 2:33

Ka biakṭheng in ka hlonh lai lo ding na mi cu na mit zettertu le na lungretheihtertu ah zuah a si lai i na inn chungah hrinmi fa vialte cu vainam in an thi lai.