JEREMIAH 20:12 - Lai (Hakha) Common Language Bible 2006

¹² Maw Ralkapbu Bawipa, nang cu mi kha ding tein a hneksak i lungthin le ruahnak a hmu dihtu na si, Ka cung thil hi nangmah cungah ka chuan cang caah An cung i phu na hlammi cu ka hmuhter ko.

JEREMIAH 20:12 ပူးပေါင်းရင်းမြစ်များ

2 CHANRELNAK 24:22

Cuticun siangpahrang a simi Joash nih khan, Zekhariah pa Jehoiada nih a cung i zaangfahnak a rak tuahmi kha a hngal duh lo i a fapa kha a thah. Cun a thih lioah khan, “Bawipa nih hmu seh law phuhlam ko seh,” tiah a ti.

SALM 11:5

Miṭha zong, miṭhalo zong ṭha tein a dothlat hna; zaang-ennak a duhmi kha a thinlung dihlak in a huat hna.

SALM 139:23

Maw Pathian, ka pur cikcek law ka lungthin hi hngal ko; ka hneksak law ka ruahnak hi hmu ko.

SALM 17:3

Ka lung cu na hngalh, zan ah ka sinah na ra. Ṭha tein na ka hneksak cikcek i ka chungah duhnak ṭhalo zeihmanh a um lo kha na hmuh.

SALM 54:7

Ka harnak vialte chungin na ka chuah i ka ral an sungh cu ka hmuh hna.

SALM 58:10

Misual mi nih dantatnak an hmuh kha miding mi nih an hmuh tikah an i lawm lai, miṭhalo mi hna thi cu ti tan bantukin an tan lai.

SALM 59:10

A ka dawtu ka Pathian nih a ka don lai, ka ral cu a ka teipiak hna lai.

SALM 62:8

Ka mi hna, Pathian cu i bochan zungzal u! Amah cu kan himnak a si caah nan harnak vialte kha chim dih u.

SALM 7:9

Miṭhalo hna ṭhat lonak cu kham law miṭha cu laksawng in lehrul ko hna. Nang cu a dingmi Pathian na si i minung lungthin le duhnak vialte a hngal dihtu na si.

SALM 86:4

Ka thlacamnak cu na sinah a kai lengmang caah na salpa hi ka lung ka lawmhter ko.

ISAIAH 37:14

Siangpahrang Hezekiah nih ca cu lamkaltu hna sin khan a lak i a rel. Cun Biakinn ah khan a kal i Bawipa hmaika ah a phah i

ISAIAH 38:14

Ka aw kha a lo riahmah i ṭhuro hrum in ka hrum. Van ka zoh ah ka mit re a thei. Bawipa, hi harnak vialte chung hin ka chuah ko.

JEREMIAH 11:20

Maw Ralkapbu Bawipa, ding tein bia a ceih i Minung lungchung le ruahnak a hneksak dihtu, Ka cung bia hi nangmah kan pek, Phu na hlam hnanak cu ka hmuhter ko.

JEREMIAH 12:8

Tupi chung i chiandeih bantukin ka mi hna hrimhrim nih an ka zuanhnawh i an ka awnhhnawh; Cucaah anmah cu ka huat hna.

JEREMIAH 17:10

Bawipa nih minung ruahnak cu ka dah dih i an lungthin cu ka zet dih, An tuahnak nih a phut ningin le an ziaza ning cio in ka cham hna.

JEREMIAH 17:18

A ka hremtu kha ningzahnak phakter ko hna, sihmanhsehlaw kei cu ka luatter ko, Annih cu therphang in umter ko hna, sihmanhsehlaw kei cu ka thin ka phanter hlah. An cungah rawhralnak ni kha tlunter law hrawk cikcek ko hna, a ti.

1 PETER 2:23

Serhsatnak bia in an ti tikah serhsatnak bia in a let hna lo, temhnak a in tikah a tlerh hna lo, ding tein bia a ceihtu Pathian tu kha aa bochan.

1 PETER 4:19

Cucaah Pathian duhning a si ruang i temhnak a ingmi hna nih cun thil ṭha an tuahmi thawng khan Pathian sinah i pe ko hna seh — Pathian cu anmah a Sertu hna kha a si i a biakam kha a tlolh bal lo.

BIAPHUAN 18:20

Sihmanhsehlaw amah a rawh ruangah van cu i lawm ko seh. Pathian mi hna le lamkaltu hna le profet hna, i lawm ko u! Zeicahtiah nan cung i a tuahmi ruangah khan Pathian nih amah cu dan a tat cang!

BIAPHUAN 2:23

Cun a zultu hna zong kha ka thah hna lai i Khrihfabu vialte nih khan keimah cu minung lungthin le duhnak a hngal dihtu ka si kha an hngalh lai. Nannih cu nan tuahmi ning cio ah kan cham hna lai.

BIAPHUAN 6:10

Fak piin an au i, “A lianngan bik Pathian, a thiang i a taktak a simi Pathian, vawleicung mi, a kan thattu hna hi zei can dah kan phuhlam loin na um hna lai i an biaceih loin na um hna lai,” an ti.

1 SAMUEL 1:15

Sihmanhsehlaw Hannah nih a leh i, “Asilo, ka bawipa, lung rethei ngaingai in a ummi nu ka si; mitsur hang siseh, zu siseh ka ding lo, sihmanhsehlaw Bawipa hmaiah ka lungthin ka bungh a si.