JEREMIAH 20:11 - Lai (Hakha) Common Language Bible 2006

¹¹ Sihmanhsehlaw Bawipa cu keimah leiah a ṭang i ṭhawng ngai le zaangfahnak ngei in a um, Cucaah a ka hremtu hna cu an ril lai i zeihmanh tuah kho loin an tlu lai. An tuah duhmi kha an tlinter khawh lo tikah An ningzahnak cu a fak ngaingai lai, An minchiatnak cu zeitikhmanh ah philh a si ti lai lo.

JEREMIAH 20:11 ပူးပေါင်းရင်းမြစ်များ

SALM 129:2

I thawh law, “Ka no lio tein ka ral nih fak piin an ka hrem zungzal, sihmanhsehlaw an ka tei lo.

SALM 35:26

Ka nganfah innak i a di a riammi kha sung cikcek hna seh law khuaruahhar vansang au in um hna seh; amah nakin kan ṭha deuh aa timi kha ningzahnak le hmaichiatnak nih zual hna seh.

SALM 40:14

Thah a ka zalmi kha sung cikcek hna seh law i tuai dih hna seh. Harnak ka inmi ruangah aa lawmmi cu an hnulei ah i let hna seh law ningzak in um hna seh.

SALM 47:2

Cung Nung Bik Bawipa cu ṭih awk a si, amah cu a liannganmi siangpahrang vawlei cung vialte uktu a si.

SALM 6:10

Ka ral cu an sung lai i vansang au in an um lai, lungmit in chikkhatte ah an zam lai.

SALM 65:5

Maw Pathian, kan Khamhtu, thla kan cam tikah na kan leh i khuaruahhar thil na tuahmi in na kan khamh. Vawleicung mi vialte le a hla bik rili ral i a ummi hmanh nih an in bochan.

SALM 66:5

Ra u law Pathian nih a tuahmi thil hi zoh hna hmanh u, minung sinah a tuahmi thil khuaruahhar hi zoh hna hmanh u.

ISAIAH 41:10

Na thin phang hlah — na sinah ka um ko, Keimah cu na Pathian ka si — zeihmanh ṭih hlah. Kan ṭhawnter lai i kan bawmh lai; kan huhphenh lai i kan khamh lai.

ISAIAH 41:14

Bawipa nih aa thawh i, “Israel, na hmete ko i na der ngai ko nain na thinphang hlah. Kan bawmh lai. Keimah Israel Pathian thiang hi nangmah an khamhtu cu ka si.

ISAIAH 45:16

Siasal a sertu cu an dihlak in ningzahnak an phan lai; an dihlak in mual an pho lai.

JEREMIAH 1:18

Nihin ah hin nangmah cu, Judah ram siangpahrang hna le bawi hna le tlangbawi hna le mi zapi hna he aa tawng dingah kan ser, kulhmi khuapi, thir tung le dar vampang bantuk na si lai.

JEREMIAH 1:19

Annih nih nangmah cu an in tuk lai, sihmanhsehlaw na sinah ka um i kan huhphenh lai caah an in tei lai lo, tiah Bawipa nih a ti,” tiah a ti.

JEREMIAH 1:8

Annih cu ahohmanh ṭih hna hlah. Zeicahtiah na sinah ka um i kan huhphenh lai”, tiah Bawipa nih a ti.”

JEREMIAH 15:15

Bawipa nangmah nih na hngalh; Bawipa, ka philh hlah law ra ka leng tuah, Keimah a ka hremtu hna cungah ka phu ka hlampiak ko. Ka cungah na thin fual ko sawh law ka la sawh hlah, Nangmah ca i nihsawhnak ka inmi cu hmu ko sawh.

JEREMIAH 15:20

Nangmah cu an caah pemh khawh lomi dar vampang ah kan ser lai, An in doh lai, sihmanhsehlaw an in tei lai lo, Zeicahtiah nangmah kha huhphenh awk le khamh awkah keimah cu na sinah ka um,

JEREMIAH 17:18

A ka hremtu kha ningzahnak phakter ko hna, sihmanhsehlaw kei cu ka luatter ko, Annih cu therphang in umter ko hna, sihmanhsehlaw kei cu ka thin ka phanter hlah. An cungah rawhralnak ni kha tlunter law hrawk cikcek ko hna, a ti.

JEREMIAH 22:22

Nan hawile vialte cu thlitu nih a kalpi hna lai i Nanmah an dawtu vialte hna kha saltannak chungah an lut lai. Khi tikah nan ṭhat lonak ruangah ningzahnak le nautatnak nan in lai.

JEREMIAH 23:40

Nan cungah a dong lomi nihsawhnak le a dong lomi ningzahnak zeitikhmanh i philh ti lo ding kha ka tlunter lai, tiah a ti.

JEREMIAH 32:18

Minung thong tampi cungah khan zumhawktlak na sinak kha na langhter peng ko, sihmanhsehlaw an pale sualnak man kha an hnu i a hung ummi an fale cungah khan na tlunter fawn.

DANIEL 12:2

Leidip chungah a itmi hna lakin tampi cu an hun i ṭhang lai, a cheu cu zungzal nunnak chungah an hun i hlau lai i a cheu cu zungzal huatnak le ningzahnak chungah an hun i hlau lai.

ROM 8:31

Hi vialte hi kan lung chungah i chiah in zeitindah kan ti lai? Pathian cu kanmah lei i a ṭan ahcun aho nih dah an kan doh khawh lai?

2TIMOTE 4:17

Sihmanhsehlaw Bawipa nih a ka umpi i Jentail mi vialte nih an theih khawh nakhnga Thawngṭha cu tling cikcek tein chim khawhnak thazang a ka pek; cun chiandeih kaa chung khan a ka chanh.