JEREMIAH 2:7 - Lai (Hakha) Common Language Bible 2006

⁷ Keimah nih thil tampi a chuahnak ram ah, A theitlai hna le a thil ṭha hna kha ei awkah kan luhpi hna. Sihmanhsehlaw nan rung luh tikah ka ram kha nan thurhhnawmh i Ka ro kha fihnung ah nan ser.

JEREMIAH 2:7 ပူးပေါင်းရင်းမြစ်များ

NEHEMIAH 9:25

Cun annih nih kulhmi khua hna le a rummi ram kha an tlaih hna i thil ṭha in a khatmi inn hna le cawhmi tikhor hna le mitsur dum hna le oliv dum hna le thei a tlaimi thingkung tampi hna cu an co hna; an ei hna i an khim i an thau i na ṭhatnak a nganmi ah khan an i lawm.

NEHEMIAH 9:26

“Sihmanhsehlaw nawl ngai loin an um i nangmah kha an in ral i na phungbia kha an hnulei ah an hlonh i annih cu nangmah lei ah merter ṭhan awkah ralrinnak a petu hna profet hna kha an thah hna i thangchiatnak nganpi kha an tuah.

ISAIAH 19:25

Ralkapbu Bawipa nih thluachuah a pek hna lai i, “Ka mi Izipt mi hna, thluachuah kan pek hna lai, ka sermi Assiria mi hna, thluachuah kan pek hna lai, ka thimmi Israel mi hna, thluachuah kan pek hna lai,” a ti hna lai.

JEREMIAH 16:18

Annih nih ka ram cu fih a nungmi an siasal hna ruak in an khahter i ka ro cu an thil fihnung in an khahter caah an sualnak le an ṭhat lonak cu a let hnih in ka chamter hna lai,” tiah Bawipa nih a ti.

JEREMIAH 3:1

Mipa pakhat nih a nupi kha a mak i a nupi nih cun a kaltak i midang nupi a si tikah, Cu pa nih cun cu nu cu a fuh ṭhan lai maw? Cu nu cu thurhhnawmh a si cang lo maw? A la ṭhan kho ti lo. Sihmanhsehlaw nannih cu duhtu tampi he hlawhhlang nan i celh i Atu cu ka sinah ra kir nan duh! tiah Bawipa nih a ti.

JEREMIAH 3:2

Tlangpar kolh khi hei cuan hna u law zoh hna hmanh u, Khuazei ah khin dah it ṭi loin nan um? Ramlak i Arab mi hna bantukin an duhtu hna kha hngak in lam pawngah nan ṭhu. Hlawhhlan ṭhalo nan tuahnak thawngin ram kha nan thurhhnawmh cang.

JEREMIAH 3:9

Zeihmanh ruahnak ngei loin hlawh a hlan le vacung pa duh bantuk a simi lung le thing a biaknak thawng khan ram cu a thurter.

JEREMIAH 32:23

Sihmanhsehlaw hi ram chungah an luh i an co tikah annih nih na nawlbia kha an ngai lo i na cawnpiak hna ningin an nung lo; na fialmi hna kha zeihmanh an tuah duh lo. Cucaah hi ṭhat lonak vialte hi an cungah na tlunter.

JEREMIAH 32:30

Hlan lio tein Israel mi hna le Judah mi hna nih hin ka duh lomi lawngte kha an tuah lengmang ko; Israel mi nih siasal an sermi khan ka thin an ka phawh.

EZEKIEL 20:28

Annih cu kan pek hna lai tiah kut hler in chiat ka sermi ram i ka luhpi tik hna ah tlangbo kip le thingkung a hnah a ṭhami paoh kha an i chingchiah i khika ah khan an raithawinak kha an tuah hna, ka thin a ka phoktu an laksawng kha an pekchanh hna i an rim thaw thawinak le an thlet thawinak kha an hun hna.

EZEKIEL 20:6

Khi ni ah khan kut hler in chiat ka ser i Izipt ram in kan chuahpi hna lai i nan caah ka thimmi, cawhnuk le khuaihliti in a luangmi ram, ram vialte lak i ram ṭha cem ah cun kan luhpi hna lai, ka ti.

EZEKIEL 23:35

Cucaah cun mah hihi Bawipa Pathian bia an si: Nangmah nih na ka philh i na hnulei ah na ka hlonh caah na hornak le na zuanzamnak man cu nangmah nih na in lai,” tiah a ti.

HOSEA 9:3

Bawipa ram chungah hin Israel mi hi khua nan sa kho lai lo i Izipt ram ah khan nan kir ṭhan lai, asilole Assiria ram ah rawl thiang lo kha nan ei lai.

MIKAH 2:10

Tho u law kal u, hihi dinhnak hmun a si lo. Sualnak ruangah ṭih a nungmi rawhralnak he nan i tong lai.

NAMBAR 13:27

Cun annih nih amah cu, “Na kan thlahnak ram cu kan va phan; cawhnuk le khuaihliti in a luang i mah hihi a theitlai cu an si.

DEUTERONOMI 21:23

a ruak cu thingkung cungah cun zan khuadei in a um lai lo, sihmanhsehlaw cu ni lila ah cun nan phum lai, zeitintiah thlaimi cu Pathian chiatserhmi a si; ro caah Bawipa nan Pathian nih an pekmi hna nan ram cu nan thurhhnawmh lai lo.

DEUTERONOMI 32:9

Zeitintiah Bawipa vo cu a mi kha an si, Jakob cu amah ro hrimhrim kha a si.

DEUTERONOMI 6:18

Bawipa nih nan pupa hna sinah pek awkin chiat a ser i nan hmaiah nan ral vialte a dawi dih hnanak ram ṭha cu, Bawipa nih bia a kam bangin, nan luh i nan co nakhnga le nanmah caah aa remrel nakhnga, Bawipa hmai i a dik le a ṭha cu tuah tuah u.