JEREMIAH 2:5 - Lai (Hakha) Common Language Bible 2006

⁵ Bawipa nih hi bangin a ti: “Nan pupa hna nih zei palhnak dah ka cungah an hmuh i Ka sinin lamhlatpi ah an kal i pakpalawng kha an zulh i pakpalawng ah an can?

JEREMIAH 2:5 ပူးပေါင်းရင်းမြစ်များ

2 SIANGPAHRANG 17:15

Annih nih a nawlbia hna le an pupa hna he a rak tuahmi a biakamnak le ralrinnak a pekmi hna cu zeihmanh ah an rel lo. A deu a simi thil, siasal kha an zulh hna i annih zong a deu ah an i cang, cun Bawipa nih anmah tuah bantukin nan tuah ve lai lo, tiin nawl a pekmi hna an pawngkam i a ummi miphun hna kha an zulh hna.

SALM 115:8

Siasal a sertu hna le siasal aa bochanmi hna cu an sermi siasal bantuk cu si ve hna seh!

ISAIAH 29:13

Bawipa nih, “Hi mi hna nih hin kan in biak tiah an ka ti, sihmanhsehlaw an bia cu sullam a ngei lomi lawngte an si i an lung cu kaa dangpi ah a um. Biaknak an timi cu minung serchommi phung le pupa nih an zulh tawnmi lam lawnglawng kha a si i an kaa in a chim a thiam sawhsawh in an thiammi kha a si.

ISAIAH 44:9

Siasal a sermi hna cu pakpalawng an si i a sung tuk hringhran ah an ruahmi an pathian hna cu santlailo an si. Hi pathian a biami hna cu mitcaw le mihrut an si i ningzahnak an ing lai.

ISAIAH 46:12

Nannih mi lung hak hna, ka bia ngai tuah u, nannih nih cun teinak cu a hla ngaingai rih tiah nan ruah.

JEREMIAH 10:8

Annih cu an dihlak in mihrut an si i an nga fawn; An fimnak pakpalawng cu thingtum sinin an cawnmi a si.

JEREMIAH 12:2

Nangmah nih na phun hna i hram an thla, An ṭhang i thei an tlai. An hmur ah cun na cuang lengmang ko, Asinain an lung cu nangmah he aa hlat ko.

JEREMIAH 14:22

Miphun dang pathian, pathian deu a simi hna lakah ruah surter kho an um maw? Asiloah, van hna nih khin ruahpi an surter kho maw? Nangmah cu kan in bochan nakhnga, Pathian na si lo maw, Maw Bawipa? Hi thil vialte hna a tuahtu hi nangmah lawnglawng na si.

JEREMIAH 2:31

Israel mi cungah hin tlun inn donh hmang maw ka si? Ram car le ti um lonak hmun bantuk maw ka si? A si kun ahcun zeicahdah ka mi hna nih hin, ‘Kan i ṭhen cang, na sinah kan ra ti lai lo,’ an ti?

JEREMIAH 2:4

Bawipa bia cu ngai tuah u, maw Jakob tefa hna le Israel chungkhar vialte hna.

JEREMIAH 8:19

Ram hlapi ah a ummi ka mi hna au thawng cu ngai hmanh: ‘Bawipa cu Zion ah a um lo maw? A Siangpahrang cu a chungah cun a um ti lo maw?’ tiah an au. Zeicahdah an siasal hna le ramdang pathian hna in ka thin an ka phawh? a ti.

EZEKIEL 14:5

Israel mi hna cu an dihlak in an siasal hna nih ka sinin ṭhen ko hna in mising siter ko hna hmanh seh law, ka lehnak hna bia nih an lungthin kha a tlaih hna lai.

JONAH 2:8

Santlailo siasal a biami hna nih cun nangmah sin i zumhawktlak in um kha an ngol,

MATTHAI 15:8

Hi mi hna nih hin an kaa lawngin an ka upat, sihmanhsehlaw an lungthin taktak cun an ka hlat ngaingai, tiah Pathian nih a ti.

LAMKALTU 14:15

“Zeicahdah mah hihi nan tuah? Kannih zong minung sawhsawhte kan si ve ko, nanmah bantuk minung kan si ve ko. Hika i kan ratnak cu nannih kha hi santlailo thil hna hi hlawt i van le vawlei le rili le a chung i a ummi thil vialte a sertu Pathian lei i mer awkah Thawngṭha ra chim kha a si.

ROM 1:21

Pathian cu hngalh cu an hngalh ko, sihmanhsehlaw pek awk a simi upatnak kha an pe duh lo; a lawmh zong an lawm duh fawn lo. An ruahnak kha pakpalawng tu ah a cang i an lungthin kawlawngpi cu muihnak in a khat.

DEUTERONOMI 32:21

Pathian a si lomi thil in ka nahchuahnak an tuah i An siasal in ka thin an ka phawh, Cu bantukin miphun a si lomi in an nahchuahnak ka tuah ve lai i, A hrutmi miphun in an thin ka phawh ve hna lai.

1 SAMUEL 12:21

cun pakpalawng thil, ṭhathnem zong an ṭhathnem kho hna lo i a khamh zong an khamh kho hna lomi thil hna kha, pialhnawh hna hlah u, zeitintiah pakpalawng an si.