JEREMIAH 2:37 - Lai (Hakha) Common Language Bible 2006

³⁷ Izipt ram in hmaichia in nan kir ko lai, Zeicahtiah nan i bochanmi cu Bawipa nih a hlawt cang hna i Anmah thawng in khuaawng zeihmanh nan pem lai lo.

JEREMIAH 2:37 ပူးပေါင်းရင်းမြစ်များ

2 SAMUEL 11:12

Cun David nih Uriah cu, “Nihin zong hika ah hin cam law, thaizing ah kan kalter lai,” tiah a ti. Cucaah Uriah cu, cu ni le a thaizing cu Jerusalem ah a cam.

2 SAMUEL 13:19

Cun Tamar nih cun a lu ah vutcam aa phulh i a ban a saumi a angki fual aa hrukmi cu a thleh i a lu cungah a kut kha aa chuan i a kal, a kalpah cun thang piin a ṭappah lengmang.

2 CHANRELNAK 13:12

Zohhmanh u, kan hmaisuang ah Pathian cu a um i nannih doh awk i thawng thanhtu ah tlangbawi hna cu an raldohnak muko he an um. Maw Israel fale hna, Bawipa nan pupa hna Pathian cu doh hlah u, zeitintiah nan hlawhtling lai lo,” tiah a ti.

ISAIAH 10:4

Raldohnak hmun ah nan thi lai, asilole sal ah an in kalpi hna lai. Cu ti a si na hmanh cun Bawipa thinhunnak cu a dong lai lo i dantatnak pek awkah a kut cu aa samh ko rih lai.

ISAIAH 28:18

Thihnak he hnatlak ṭinak nan tuahmi cu hloh a si lai i mithi khua he biakamnak nan tuahmi cu hrawh a si lai. Harnak a tlun tikah nan dir kho lai lo.

JEREMIAH 14:3

A saṭil bawi hna nih khan an sinum hna cu ti kawl awkah an thlah hna; Tili ah khan an va kal, sihmanhsehlaw ti an hmu lo, An tithawl ro he an kir.

JEREMIAH 14:4

Ruah a um lo caah vawlei in theitlai zeihmanh a chuak lo, Lothlo pawl cu an hnabei a dong, An ngaih a chiat caah an luchin kha an i phongh.

JEREMIAH 17:5

Bawipa nih hi bangin a ti: “Minung kha a bochan i minung kha aa hngatchanmi ah aa serh i Bawipa kha a mertakmi cu a cungah chiat tlung ko seh!

JEREMIAH 2:36

Zeicahdah fawi tehlek in na kalnak lam cu naa thlen? Assiria nih an deuh bantuk khan Izipt zong nih an deuh ve lai,

JEREMIAH 22:20

Jerusalem khuami hna, Lebanon ah khin hung kal u law hung au tuah u, Bashan ah khin fak piin hung au tuah u; Abirim in fak piin au u, zeicahtiah nanmah sin i a ṭangmi vialte kha an sung cang.

JEREMIAH 22:30

“Hi pa hi upatnak vialte chuh dihmi, Amah chan chung i a hlawhtling lo ding, David bawiṭhutdan cung i ṭhu ding siseh, Judah ram chung a uktu ding siseh, Tefa zeihmanh a thlau lomi, tiin ṭial tuah,” tiah Bawipa nih a ti.

JEREMIAH 32:5

Zedekiah cu Babilon ah an kalpi lai i khika ah a cung i rian ka ṭuan hlantiang a um lai. Babilon mi kha do hmanh hna seh law, a tei hna lai lo, tiah Bawipa nih a ti, tiah Jeremiah cu na chim”, tiah Zedekiah Siangpahrang nih cun a ti i cucaah khika ah khan thong i a thlaknak cu a si.

ṬAHNAK HLA 4:17

Kan mithram cat in bawmhnak a ra hnga maw tiah kan zoh, Sihmanhsehlaw zeihmanh a um lo. Kannih a kan khamh kho ṭung lomi miphun kha kan hngah filfial ko.

NAMBAR 14:41

Sihmanhsehlaw Moses nih, “Zeicaahdah atu ah Bawipa nawlbia kha nan buar, zeitintiah mah cucu santlai ding a si ṭung lo?