JEREMIAH 2:31 - Lai (Hakha) Common Language Bible 2006

³¹ Israel mi cungah hin tlun inn donh hmang maw ka si? Ram car le ti um lonak hmun bantuk maw ka si? A si kun ahcun zeicahdah ka mi hna nih hin, ‘Kan i ṭhen cang, na sinah kan ra ti lai lo,’ an ti?

JEREMIAH 2:31 ပူးပေါင်းရင်းမြစ်များ

1 SIANGPAHRANG 11:22

Sihmanhsehlaw Faro nih cun amah cu a thawh i, “Na ram i kal naa timh cu keimah sin i na um ah hin zeidah na bau?” tiah a ti. Cun anih nih, “Zei kan ti hnga, ka kalter ko,” tiah a ti.

2 CHANRELNAK 31:10

Cun Zadok hrin a simi tlangbawi upa bik Azariah nih khan a leh i, “An thawhlawm cu Bawipa inn chungah ratpi an thawk in kannih nih kan rak ei i kan i za i tampi a hleimi kan ngei rih; Bawipa nih a mi cu thluachuahnak a pek hna caah, cucaah tampi a hleimi kan ngei,” tiah a ti.

JOB 21:14

Pathian sinah cun, ‘Kan sinin i ṭhen ko, na lam hngalh kha kan duh lo,’ an ti.

SALM 10:4

A ruam a kai caah miṭhalo nih cun aa thawh i, “Pathian nih cun dan a ka tat lai lo, ka duhnak ṭhalo kha a zeihmanh a poi lem lai lo,” a ti. Miṭhalopa nih a ruahmi cu cucu a si.

SALM 12:4

Annih nih an i thawh i, “Kan duhmi paoh kan chim ko lai, ahohmanh nih an kan kham kho lai lo. Aho nih dah, cucu nan chim awk a si, tiah an kan chimh khawh lai?” an ti.

PHUNGTHLÛKBIA 30:9

Zeicahtiah tam tuk ka ngeih ahcun kan hlawt sual lai i, “Bawipa cu aho hen dah a si?” ka ti sual lai; ka si a fah ahcun ka fir sual lai i ka Pathian min cu ka thurhhnawmh sual lai.

ISAIAH 45:19

A thlithup in bia ka chim lo, kaa tinhmi zong kha ka thup lo. Thil aa tuaitamnak hmun ah khan ka kawl u, tiah Israel mi kha ka ti hna lo. Keimah hi Bawipa cu ka si i biatak kha ka chim; a hmaanmi kha ka langhter,” a ti.

JEREMIAH 2:20

“Hlanpi ah na hngawngkual cu na khiah cang i na hri cu na chah cang hna i, ‘Na sal ka si ti lai lo,’ na ti. Asinain, tlang sang kip cungah le thing hring kip toiah hlawhhlangnu bangin na it.

JEREMIAH 2:25

Lung tamnak hmun kal kha i sum law Na hrom cu a ti halter loin um ko hen aw. Sihmanhsehlaw naa thawh i, ‘Ka hnabei a dong cang, Ram dang pathian kha ka duh hna i anmah kha ka zulh ko hna lai,’ na ti.

JEREMIAH 5:5

Cucaah mingan hna sinah ka kal lai i annih kha ka va chimh hna lai. Annih nih cun Bawipa lam kha an hngalh lai i An Pathian phungbia kha an hngalh lai,” ka ti. Sihmanhsehlaw annih zong nih Bawipa nawlbia kha an al i a bia kha ngaih duh loin an um ve.

JEREMIAH 5:6

Cucaah tu chung chiandeih nih a thah hna lai i Thetse ram chung cenghngia nih a hrawh hna lai. Pawlai nih an khua ah a chawhhnawh hna lai i A chuak ngammi paoh kha a thleh a bauh dih hna lai; Zeicahtiah an phungbuarnak kha a tam i An tlaunak kha rel cawk lo a si.

EZEKIEL 14:5

Israel mi hna cu an dihlak in an siasal hna nih ka sinin ṭhen ko hna in mising siter ko hna hmanh seh law, ka lehnak hna bia nih an lungthin kha a tlaih hna lai.

HOSEA 13:6

Sihmanhsehlaw ram ṭha chungah khan nan vung luh tikah nan paw a khim, nan thi a hnim i nan i porhlaw i nan ka philh.

AMOS 1:1

Hi bia hi Amos bia an si, amah cu Tekoa khuami, tuu zua pakhat a si ve i Israel kong ah langhnak a hmuhmi hna hi Judah siangpahrang Uzziah a bawi lio le Israel siangpahrang Jehoash fapa Jeroboam a bawi ve lio, li hninh hlan kum hnih ah khan a si.

MIKAH 6:9

Bawipa aw cu ngai hmanh u, Amah min ṭih cu hlawhtlinnak a si. Bawipa nih cun khualipi cu a thawh i,

1 KORIN 4:8

Nan herhmi paohpaoh cu nan ngeih dih ko cang. Nannih cu nan lian in nan rum ko cang. Nannih cu siangpahrang nan si cang, kannih bel kan si lo. Siangpahrang hei si taktak u law ka hei duh dah, kannih zong nan sinah siangpahrang kan si ve hnga!

DEUTERONOMI 31:20

Zeitintiah an pupa hna sinah pek awkin chiat ka sermi ram, cawhnuk le khuaihliti in a luangmi chungah ka luhpi hna i, khika ah annih nih an ei i an khim i an thau tikah, pathian dang leiah an i mer lai i an biak hna lai i an ka sersat lai i ka biakamnak kha an buar lai.

DEUTERONOMI 32:15

“Jakob nih khim tein a ei, Jeshurun cu a thau i a ke a chaih; Na thau, na thial a chah, na miltlor; Khi tikah a sertu Pathian kha a hlawt i A khamhnak Lungpi kha zei ah a rel lo.

DEUTERONOMI 32:18

An hringtu Lungpi kha na ruat lo i An sortu Pathian kha na philh.