JEREMIAH 2:24 - Lai (Hakha) Common Language Bible 2006

²⁴ Ramlak ah amah lawngin a le i A phol tikah a hnar in pa rim a kawlmi bantuk na si! A duhnak ahcun aho nih dah an kham khawh lai? A kawltu hna nih khan an tha i batter len duh hna hlah seh; A phol thla ah cun fawi tein hmuh khawh a si ko lai.

JEREMIAH 2:24 ပူးပေါင်းရင်းမြစ်များ

JOB 11:12

Sihmanhsehlaw ramlak laa fa cu minung in a chuah tik ceo ah Mihrut cu an fim te lai.

JOB 39:2

An pawi chung kha thla zeizat dah a si na rel kho maw? Cun an hrin caan kha na hngal maw?

JEREMIAH 14:6

Ramber a um lo caah ramlak laa hna cu tlangpar hmunkawng ah khan an dir i Cenghngia bangin an lei an i chak i an thaw a ha i an mit a mui.

JEREMIAH 2:27

Thingkung kha, ‘Nangmah cu ka pa na si,’ an ti i Lung kha, ‘Nangmah nih na ka hrin,’ an ti. Annih nih an hnulei an ka chit i an hmai kha an ka hoih lo. Sihmanhsehlaw harnak an ton ni ah cun, ‘Tho law, kan khamh tuah,’ an ti.

EZEKIEL 16:33

Hlawhhlangnu zong nih a man an lak; sihmanhsehlaw nang nih cun an duhtu kha laksawng tu na pek lehlam hna i nangmah he sualnak tuah awkah vawlei cung khuazakip khan na lem hna.

HOSEA 5:15

Ka mi hna cu an sualnak ruangah sifah an in i keimah kha an ka kawl hlantiang cuticun ka kaltak ko hna lai. Sifahnak an in ruangah keimah kha an hei ka kawl phum hmanh hnga maw,” tiah a ti.

HOSEA 8:9

Ramlak i a lemi laa bantukin an lung a ṭhawng i anmah tining lawngin kal an duh. Assiria kha bawmhnak va hal awkah an kal. Israel mi nih hin huhphenhnak hmuh awkah, miphun dang sinah khan an i zuar cang.