JEREMIAH 2:20 - Lai (Hakha) Common Language Bible 2006

²⁰ “Hlanpi ah na hngawngkual cu na khiah cang i na hri cu na chah cang hna i, ‘Na sal ka si ti lai lo,’ na ti. Asinain, tlang sang kip cungah le thing hring kip toiah hlawhhlangnu bangin na it.

JEREMIAH 2:20 ပူးပေါင်းရင်းမြစ်များ

1 SIANGPAHRANG 12:32

Cun Jeroboam nih thla riatnak thla a ni hleinga ni ah khan, Judah ram chung i a ummi puai bantuk puai pakhat ngeih awk a si lai, a ti i biakṭheng cungah raithawinak kha a pekchanh hna; cu bangin Bethel khua ah cun a tuah, amah nih a sermi cawfa hna kha raithawinak a pekchanh hna. Cun khuahrum bo a sermi ca i tlangbawi hna cu Bethel ah a chiah hna.

1 SIANGPAHRANG 14:23

Zeitintiah annih zong nih khuahrum bo tehna, lungphun tehna, Asherim tehna kha tlang sang kip cung le thinghring tang kip ah an i ser i

SALM 107:14

Khuamui lakah lungdong in an umnak chung cun a chuah hna i an thir cikcin cu a chahpiak hna.

SALM 2:3

An i thawh i, “An kan ṭemnak hri kha chat u si law hlonh u sih,” an ti.

SALM 78:58

Lawkih biaknak hmun an sermi nih khan a thin a hunter i an serchommi siasal hna nih khan a nah an chuahter.

EXODUS 19:8

Cun mi zapi nih khan an dihlak in, “Bawipa nih a chimmi paoh cu kan tuah dih lai,” an ti. Mi zapi nih an lehnak kha Moses nih khan Bawipa cu a chimh ṭhan.

EXODUS 24:3

Moses kha a va kal i mi zapi cu Bawipa nawlbia le phunglam vialte kha a va chimh hna. Mi zapi nih khan, “Bawipa nih a chimmi vialte cu kan tuah dih lai,” an ti.

EXODUS 3:8

Izipt mi hna sinin chanh i a vawlei a ṭhami le a hmun a kaumi ram i annih cu kalpi awkah ka rung ṭum cang. Cu ram cu ram rum le ram ṭha a si i atu ah Kanaan mi hna le Hit mi hna le Amor mi hna le Periz mi hna le Hiv mi hna le Jebus mi hna kha cuka ah cun an um.

ISAIAH 1:21

Zumhawktlak a rak si tawnmi khua kha, atu cu hlawhhlangnu a si cang. Hlanah khan cun a chungah miding an rak um tawn, sihmanhsehlaw atu cu lainawng pawl lawng an tang cang.

ISAIAH 10:27

Cu caan a phak tikah Assiria ṭhawnnak chung khan nannih cu kan luatter hna lai i an hngawngkual cu nan hngawng ah thilrit an si ti lai lo,” a ti hna.

ISAIAH 14:25

Israel ram ka ram chungah hin Assiria mi kha ka thah hna lai i ka tlang cungah ka lamh chih hna lai. Assiria hngawngkual chung khan ka mi cu ka luatter hna lai i an phorhmi thilrit khan ka luatter hna lai.

ISAIAH 9:4

Zeicahtiah rit piin an phorhmi hngawngkual kha na khiahpiak hna i an liang i a tu lengmangtu hna fung kha na khiah dih. Hlan liopi ah Midian ralkapbu na rak tei hna bantuk khan, na mi a hremtu hna le a serhsattu hna cu Bawipa nangmah nih na tei cang hna.

JEREMIAH 13:27

Va cungin pa nan i duhnak, hor au in nan aunak, nan thurhnawmhnak hna hi ka huat hna. Tlang cungah le ram lakah thil ṭhalo nan tuahmi kha ka hmuh hna. Aize, Jerusalem, nang cu khua thurhnawm na si ai! Zei can dah, zei can dah na rauh rih lai?

JEREMIAH 17:2

An biakṭheng le an tung thiang hna cu thingkung hring kip toiah tlang ram fing le tlang kip cungah cun an dir.

JEREMIAH 2:31

Israel mi cungah hin tlun inn donh hmang maw ka si? Ram car le ti um lonak hmun bantuk maw ka si? A si kun ahcun zeicahdah ka mi hna nih hin, ‘Kan i ṭhen cang, na sinah kan ra ti lai lo,’ an ti?

JEREMIAH 3:13

Palhnak na tuahmi kha ka tuah taktak ti ko law Bawipa na Pathian na dohnak kha i phuang ko. Thing thladem toi kip ah ram dang pathian hna he nan i duhnak kha i phuang law Ka bia na ngaih lonak kha i phuang ko, tiah Bawipa nih a ti.

JEREMIAH 30:8

Cun khi ni a phak tikah, an hngawng i hngawngkual cu ka khiah hna lai i an cikcin cu ka chah dih hna lai; ramdangmi nih an duhduh in an hmang ti hna lai lo.

JEREMIAH 5:5

Cucaah mingan hna sinah ka kal lai i annih kha ka va chimh hna lai. Annih nih cun Bawipa lam kha an hngalh lai i An Pathian phungbia kha an hngalh lai,” ka ti. Sihmanhsehlaw annih zong nih Bawipa nawlbia kha an al i a bia kha ngaih duh loin an um ve.

EZEKIEL 16:28

Mah hihi i zat rih loin Assiria mi hna sinah khan na sual ṭhan hoi, nu le pa sualnak chungah khan na luhpi hna, sihmanhsehlaw naa zaa ṭhiamṭhiam hlei lo.

EZEKIEL 16:31

Lam ṭeka kip ah khan na zaunak kha na ser hna i hmun lawng kip ah khan na ṭhutdan kha na ser hna, sihmanhsehlaw hlawhhlangnu sawhsawh bantuk si loin nang nih cun a man lak na duh lo.

EZEKIEL 16:41

Na inn kha an khangh hna lai i nu tampi hmuh hngan ah bia an in ceih lai. Nupa sualnak na tuahmi kha ka donghter lai i nangmah an duhtu hna sinah khan zeitikhmanh ah a man na pe ti lai lo.

EZEKIEL 20:28

Annih cu kan pek hna lai tiah kut hler in chiat ka sermi ram i ka luhpi tik hna ah tlangbo kip le thingkung a hnah a ṭhami paoh kha an i chingchiah i khika ah khan an raithawinak kha an tuah hna, ka thin a ka phoktu an laksawng kha an pekchanh hna i an rim thaw thawinak le an thlet thawinak kha an hun hna.

EZEKIEL 23:5

Oholah cu keimah ta a si ko nain hlawhhlangnu kha aa celh i a duhtu Assiria mi hna,

HOSEA 1:2

Bawipa nih Hosea sinin Israel sinah a hmasa bik bia a chim tikah, Bawipa nih amah cu a thawh i, “Va kal law mizuangzamnu kha va ṭhi law cu mizuangzamnu he cun fa va ngei u; zeicahtiah hi ram hi Bawipa sinah zumhawktlak loin a um caah mizuangzamnu bantuk a si cang,” tiah a ti.

HOSEA 2:5

An nu kha hlawhhlangnu a si ai, Annih a pawitu hna cu ningzah a hngal lomi, Aa thawh i, “A ka duhtu cu ka dawi ko hna lai; rawl le din awk le sahmul le laa le chiti le zihmui an ka pek paoh ahcun,” a timi kha a si.

HOSEA 3:3

ka thawh i, “Caan sau nawn tiang ka inn ah na um lai i hlawhhlangnu naa celh lai lo, aho he hmanh nu le va nan si lai lo, keimah he zong kan si lai lo.

HOSEA 4:13

Tlang cung i khuahrumbo ah khan rai an thawi i Thingkung a sang i a hnah a ṭha i a thladem a kaumi toiah khan zihmui an khangh. Cu ruangah cun nan fanule hna cu hlawhhlangnu ah an cang i Nan fapale nupi hna cu vacung in pa an i duh.

HOSEA 9:1

Israel mi hna, lawkih mi bantukin puai nan tuahmi hi ngol u. Zeicahtiah nan Pathian cu nan hlawt i a cungah khan zumhawktlak loin nan um. Nan ram chung dihlak ah hin hlawhhlangnu bantukin Baal sinah nan i zuar i an phalhmi hna rawl kha nan i lawmhpi.

LEVITIKAS 26:13

Keimah cu Bawipa nan Pathian, Izipt ram in an sal nan si nakhnga lo an chuahpitu hna ka si; keimah nih nan seihnam hngawng kual cu ka khiah cang i dingte i dir in kan kalter hna.

NAHUM 1:13

Assiria nih nan hngawng ah an in banhmi hna hngawngkual kha ka khiah lai i an in khih hnanak cikcin kha ka chah lai, tiah a ti.

DEUTERONOMI 12:2

Nan va pawnchuah laimi miphun hna nih a sangmi tlang hna cung le mual hna cung le thingkung hring kip toi i an pathian hna an biaknak hmun vialte cu nan hrawh dih hrimhrim hna lai;

DEUTERONOMI 15:15

Nannih nih Izipt ram i sal nan rak si le Bawipa nan Pathian nih an tlanh hna kha nan hngalh camcin lai; cucaah cun mah nawl hi nihin ah kan pek hna.

DEUTERONOMI 26:17

Bawipa kongah nihin ah amah cu kan Pathian a si i, amah lam kha kan zulh i, a phungbia le a nawlbia le a phunglam hna kha kan ulh lai i, a aw kha kan ngaih lai, tiah nan ti cang.

DEUTERONOMI 4:20

sihmanhsehlaw nannih cu Bawipa nih thir titnak meiphu, Izipt ram cun, amah miphun hrimhrim si awkah, atu i nan si bang hin, an chuahpi hna.

DEUTERONOMI 4:34

Asiloah, pathian zei tal nih miphun dang pakhat chungin miphun pakhat cu amah ca i va kal i vaa lak awkah, hneksaknak le hmelchunhnak le khuaruahharnak le ral dohnak le a ṭhawngmi kut le samhmi ban le thil ṭihnung in, Bawipa nan Pathian nih Izipt ram ah nan mit hmuh ah an tuahpiakmi hna vialte bang khan tuah a zal bal maw?

DEUTERONOMI 5:27

Va naih law, Bawipa kan Pathian nih a chim laimi vialte cu va ngai law, Bawipa kan Pathian nih an chimh laimi vialte cu kan chim ve law, kan theih lai, kan tuah lai,’ nan ti.

JOSHUA 1:16

Cun Joshua cu an leh i, “Nawl na kan pekmi paohpaoh cu kan tuah lai i khuazei hmanh ah na kan thlahnak paoh ah kan kal lai.

JOSHUA 24:24

Cun mi zapi nih cun Joshua cu, “Bawipa kan Pathian cu kan biak lai i amah aw kha kan ngaih lai,” tiah an chawnh.

JOSHUA 24:26

Cun Joshua nih hi bia hna cu Pathian phungbia cauk chungah a ṭial hna; cun lung nganpi pakhat a lak i Bawipa hmunthiang chungah a ummi kuhthing kung tangah a bunh.

BIAPHUAN 17:1

Cun vancungmi pasarih lak i pakhat, kanto aa putmi kha ka sinah a ra i, “Ra law, rilipi cungah bawinu ṭhut in a ṭhumi hlawhhlangnu milianngan nu kha, zeitindah dantat a si lai, ti kha kan hmuhsak lai.

BIACEIHTU 10:6

Cun Israel mi nih Bawipa mithmuh ah ṭhat lonak an tuah ṭhan hoi i Baal le Ashtaroth le Siria pathian hna le Sidon pathian hna le Moab pathian hna le Ammon mi pathian hna le Filistin mi pathian hna kha an rian an ṭuan hna; Bawipa kha an hlawt i amah kha a rian an ṭuan lo.

BIACEIHTU 2:11

Cun Israel mi nih Bawipa mithmuh i thil ṭhalo a simi kha an tuah i Baal kha an biak hna.

BIACEIHTU 2:13

Bawipa cu an hlawt i Baal hna le Ashtaroth kha an biak.

1 SAMUEL 12:10

Cun Bawipa kha an auh i, ‘Bawipa kha kan hlawt i Baal le Ashtaroth kha an rian kan ṭuan hna caah kan sual cang; sihmanhsehlaw atu cu kan ral hna kut chungin kan chuahter law, nangmah na rian kan ṭuan lai,’ an ti.