JEREMIAH 2:2 - Lai (Hakha) Common Language Bible 2006

² “Va kal law Jerusalem vialte nih an theih nakhnga va au tuah, Bawipa bia cu hi bangin a si: Na ngaknut lio i na ka tlaihchannak le Hammi na si lio i na ka dawtnak kha ka hngalh camcin ko, Thetse ram, zeihmanh cinthlak lonak ram ah khan na rak ka zulh lengmang ko.

JEREMIAH 2:2 ပူးပေါင်းရင်းမြစ်များ

SALM 129:1

Israel, na no lio tein na ral nih zeitluk in dah an rak in hrem kha, chim tuah!

EXODUS 14:31

Izipt mi hna cungah a liannganmi ṭhawnnak in Bawipa nih rian a ṭuan ti kha an hmuh i Bawipa kha an ṭih; Bawipa cungah khan zumhnak an ngei i a sal Moses cung zongah khan zumhnak an ngei ve.

EXODUS 16:8

Cun Moses nih aa thawh i, “Zanlei ah ei awk sa an petu hna le zinglei ah nan duh tawk in ei awk rawl an petu hna cu Bawipa a si lai, zeicahtiah a cung i nan phunnak le nan zainak liangluang kha a theih. Nan kan zaihnawh len ko cu, zaihnawh awk tlak kan si maw? Nan kan zaihnawh cu Bawipa cung i nan zai pei a si cu,” a ti hna.

PHUNGTHLÛKBIA 1:20

Khuachung lam ah khan fimnak cu a au, Chawdawrnak hmun ah khan a au;

SOLOMON HLA 3:11

Khun a torh le a sunlawi ni ah A chinh cang maw sunghno a nu nih sunpar luchin rem dawh hlei, Cuan cio u law Solomon mangbawi cu, A suiluchin rem he in, Zion ngaknu leng rual hna.

SOLOMON HLA 3:6

Zei hna dah maw fing le tlang lakin ra ai cu, Frankinsen zihmui le maw mura khu khi bang, Chawlet nih maw an zuar tawn zihmui khu a hluan.

ISAIAH 58:1

Bawipa nih, “Nan au khawh chungin au tuah u. Ka mi Israel mi cu an sualnak kha chim hna u.

JEREMIAH 11:6

Cun Bawipa nih a ka thawh i, “Hi bia vialte hi Judah ram chung khua hna le Jerusalem khuachung lam ah khan va thanh hna: Hi biakamnak bia hi ngai hna u law tuah hna u, va ti.

JEREMIAH 19:2

Ben-hinnom Nelrawn i Peipahau Kutka luhnak ah khan va kal u, cun khika ah khan kan chimhmi bia cu va thanh.

JEREMIAH 2:1

Bawipa bia cu ka sinah a ra i,

JEREMIAH 2:6

Annih nih, ‘Izipt ram chungin a kan chuahpitu Bawipa, Ramlak ah a kan hruai i thetse ram le khor tampi umnak ram, Ram ro ram car le muihnak ram, ahohmanh nih an pal lomi, ahohmanh an um lonak ram chungah a kan hruaitu kha, Khuazei ah dah a um?’ an ti lo.

JEREMIAH 3:4

Cun atu naite ah naa thawh i, “Nangmah cu ka Pa, ka no lio in ka hawi ṭha zungzal na si”; na ti i

JEREMIAH 7:2

Bawipa inn kutka ah khan va dir law khika ah khan va thanh tuah: Bawipa biak awkah hi kutka hna chungah a lutmi Judah mi vialte hna, Bawipa bia hi thei tuah u, va ti.

EZEKIEL 16:22

Fih a nungmi zuanzamnak na tuahmi vialte hna ruangah hin hlanlio kong kha na philh i taklawng le pumro in na rak um i na thi chung i na ke na rak chaih len ko lio kha na hngal ti lo.

EZEKIEL 16:60

Sihmanhsehlaw na no lio i nangmah he ka tuahmi biakamnak kha ka philh lai lo i zungzal in a hmun laimi biakamnak cu nangmah he ka ser lai.

EZEKIEL 16:8

“Cun na pawngah ka ra ṭhan i va ngeih cu na si cang ti kha kan hmuh. Ka puan cu kan zawnh i na taklawng cu kan huh. Cun kan hamnak kha ka fehter i nupi ah kan ṭhit i keimah ta ah na cang, tiah Bawipa Pathian nih a ti.

EZEKIEL 23:19

A no lio i Izipt ram i hlawhhlangnu a rak i celh kha philh lo tein a um i atu le atu hlawhhlangnu cu aa celh lengmang ko.

EZEKIEL 23:3

Izipt ram ah khan hlawhhlangnu ah an rak i cang i ngaknu an si ko lioah khan cuticun an um; khika ah khan an hnukpar cu an i muaiter hna i an hnuk cu an i thamter hna.

EZEKIEL 23:8

Izipt ram i a vung i thiammi hornak lam kha ngol a duh lo, khika ah a no lioah khan pa nih an rak ihpi i a thiangmi a hnuk kha an rak hmehpiak i an rak sual.

HOSEA 11:1

Israel cu ngakchia a si lio in ka dawt; Ka fapa cu Izipt ram chungin chuah awkah ka auh;

HOSEA 2:15

Khika ah a mitsur dum cu ka pek ṭhan lai, Harnak Horkuang cu Ruahchannak Kutka ah ka ser lai i Izipt ram in a chuah i a no lio bantuk khan khika ah a ka leh lai.

HOSEA 2:17

Baal hna min hrimhrim kha a hmur in ka hnawh hna lai i an min hi a chim in chim an si ti lai lo. Hihi Bawipa bia hrimhrim a si.

HOSEA 2:7

A duhtu kha a dawi hna tikah a phan a phan hna lai lo, A kawl hna tikah a hmu hna lai lo; Cu tikah aa thawh lai i, “Ka va sinah khan ka kir ṭhan lai, amah sin i ka rak um ah khan atu nakin ka caah a ṭha deuh,” a ti lai.

HOSEA 8:1

Muko kha tum tuah, Bawipa hmunthiang cungah ral cu langta bantukin an rung zuang. Ka mi nih amah he ka sermi ka biakamnak cu an hrawh i Ka cawnpiaknak kha an doh.

HOSEA 9:10

Bawipa nih aa thawh i, “Israel hi ka rak hmuh terte ah cun thetse ram i a khomi mitsur thei bantuk a rak si. Nan pupa hna ka rak hmuh hmasa terte ah hin theipi a hung tlai hmasa bikmi hna hmuh bantuk khi a rak si. Sihmanhsehlaw Baal-Peor an phak tikah Baal biak hram kha an thawk i an duhmi an siasal ka huat tluk khan anmah cu ka huat hna.

JONAH 1:2

“Nineveh khualipi ah cun va kal tuah, atu ah va kal law a ṭhat lonak nih khan a cerh in a ka cerh caah va si,” tiah a ti.

MATTHAI 11:15

Cucaah hna nan ngeih ahcun, thei ko u!

LUKA 12:13

Zapi lakin mipa pakhat nih a hun thawh i, “Saya, ka pa nih a kan rohmi thilri kha a ka cheuh ve naklai ka unaupa kha ka chimhpiak tuah,” tiah a ti.

DEUTERONOMI 2:7

Zeitintiah Bawipa nan Pathian nih nan kut rianṭuannak vialte ah thluachuah an pek hna; hi ramlak kaupi chung i nan kalnak hi a hngalh ko; hi kum sawm li chung hi Bawipa nan Pathian cu nan sinah a um i zeihmanh nan bau lo,’ tiah a ka ti.

DEUTERONOMI 33:3

A si, a mi kha a dawt hna; Amah sinah thiantermi vialte cu a kut chungah an um; Cucaah na keneh kha an zulh, Nangmah sinin lam hmuhsaknak kha an hmuh,

DEUTERONOMI 8:2

A nawlbia cu nan ngai lai maw ngai lo dah tinak caah, nan lung chung i a ummi kha hngalh awkah nannih cu harnak in an hneksak hna nakhnga, Bawipa nan Pathian nih hi kum sawm li chung ramlak ah an vahternak hna kha, i cinken ko u.

JEIM 4:4

Zumh awk tlak lo minung hna! Vawlei he i hawikomh hi Pathian he i ral a si ti kha nan hngal lo maw? Vawlei hawikom si a duhmi paoh nih cun Pathian ral ah an i ser ko.

BIAPHUAN 2:4

Sihmanhsehlaw ka lung na si lonak a um: cucu hmasa i na rak ka dawt bantuk khan na ka daw ti lo.