JEREMIAH 2:15 - Lai (Hakha) Common Language Bible 2006

¹⁵ Zeicahdah chiandeih nih an hukhnawh i an aihnawh? Zeicahdah a ram cu pakpalawng ah a can? Zeicahdah a khuapi hna cu an rawk i mi nih an chuahtak hna?

JEREMIAH 2:15 ပူးပေါင်းရင်းမြစ်များ

JOB 4:10

Miṭhalo hna cu chiandeih bantukin an ngur i an awn, Sihmanhsehlaw Pathian nih a daihter hna i an ha a thlongh hna.

SALM 57:4

Mi seh hmang chiandeih hna lakah ka it, an ha cu fei le thal bantuk an si, an lei cu kawngthun har bantuk an si.

ISAIAH 1:7

Nan ram cu a rawk dih i nan khua cu an kang dih. Nanmah mit hmuh hrimhrim ah ramdangmi nih khan nan ram cu an lak i an hrawh dih.

ISAIAH 24:1

Bawipa nih vawlei cu a hrawh cikcek lai i a cungah zeihmanh um lo in a lawng dih lai. A bingtalet in a chiah lai i a cung i a ummi vialte kha a ṭhek dih hna lai.

ISAIAH 5:29

An ralkap hna cu, a sa sehmi ka chut hna hlah seh tiah aa kalpimi chiandeih bantuk an si.

ISAIAH 5:9

Cun Ralkapbu Bawipa nih a chimmi kha ka theih i, “Hi inn ngan pipi le inn ṭhaṭha hna hi an rawk dih lai.

ISAIAH 6:11

“Hi bantuk hin zei can dah a um lai, Bawipa,” tiah ka hal i, “Khuapi cu a rawk dih i a lawn dih tiang—inn cu a chung i mi umtu an um lo tiang—hi ram hi a kin in a kin dih cikcek tiang a si lai.

JEREMIAH 10:22

Ngaihmanh, bia chawkvai pakhat a rung thang, A thawng a ngan chin lengmangmi thawngpang cu chaklei ram in a rung; Judah ram khua hna cu ṭhio awk le cenghngia riahhmun i ser awkah a rami ralkapbu thawng a si.

JEREMIAH 25:30

“Ka chimmi bia vialte cu na thanh hna lai i ‘Bawipa cu cung sangpi khin a rung au lai, A umnak hmunthiang khin khuarit in a rung ri lai. Amah tuurun chungah khan fak piin a huk lai i Mitsur thei a nengtu hna an au thawng bantukin vawleicung mi vialte cungah khan a au lai.

JEREMIAH 25:9

chaklei miphun vialte kha ka cah hna lai, tiah Ralkapbu Bawipa nih a ti. Ka sal Nebukhadnezzar, Babilon siangpahrang kha ka cah fawn lai. Hi ram le a chung i a ummi hna le a pawngkam i a ummi miphun vialte hna doh awkah ka ratpi hna lai i ka hrawh cikcek hna lai, tuksapur le cekcekhnawh thluahmah awk le zungzal nihsawh awkah ka ser hna lai.

JEREMIAH 26:9

“Zeicahdah Bawipa min in bia na chim i, hi inn cu Shiloh bantuk a si lai i hi khua cu a chung ummi pakhat hmanh um lo tiangin a ṭiao lai, na ti,” an ti. Cun mi vialte nih cun Jeremiah cu Bawipa inn ah khan an kulh.

JEREMIAH 33:10

Bawipa nih hitihin a ti: “Nannih nih nan i thawh i, hi hmun cu a rawk cang, Judah ram khua chungah siseh, Jerusalem khua chungah siseh, mi siseh, saram siseh, an um ti lo. Pakpalawng ah a cang ko cang, mi zong an um ti lo, saram zong an um ti lo, nan ti.

JEREMIAH 34:22

Keimah nih nawl ka pek hna lai i hi khuapi ah hin an ra kir ṭhan lai. An tuk lai, an lak lai i an khangh dih lai. Judah ram khua hna cu ahohmanh an um lonak thetse ram bantuk ah ka ser hna lai, tiah Bawipa nih a ti.

JEREMIAH 4:7

Rambur chungin chiandeih a hung chuak cang Miphun hna hrawktu aa thawh cang; Nan ram kha hrawh awkah a umnak hmun in a chuak cang; Nan khuapi hna cu an chungah mi um loin an rawk cikcek lai.

JEREMIAH 44:22

a in khawh ti lo tiangin a lung chungah cun an kai luaimai. Nan tuahnak cu an ṭhalo tuk hringhran i nan tuahmi thil cu fih an nung tuk hringhran. Nan ram cu ṭiaotakmi hmun pakpalawng ah a cang i nihin i a si ko rih bantuk hin tuksapur le nihsawh awk, ahohmanh um lonak hmun a si ko rih.

JEREMIAH 5:6

Cucaah tu chung chiandeih nih a thah hna lai i Thetse ram chung cenghngia nih a hrawh hna lai. Pawlai nih an khua ah a chawhhnawh hna lai i A chuak ngammi paoh kha a thleh a bauh dih hna lai; Zeicahtiah an phungbuarnak kha a tam i An tlaunak kha rel cawk lo a si.

JEREMIAH 50:17

Israel mi cu chiandeih nih a dawi i a ṭhek dihmi tuurun bantuk a si; An sa a ei hmasa biktu kha Assiria siangpahrang a si i An ruh a ṭam hmanung biktu kha Babilon siangpahrang a si.

JEREMIAH 51:38

Babilon mi hna cu chiandeih bangin an awn lai, Chiandeih fano bangin an ngur len lai.

JEREMIAH 6:8

Maw Jerusalem, i ralring tuah, Cu ti a si lo ahcun kan chuahtak lai i Ahohmanh um lonak ram, ṭiaotakmi ah kan ser sual lai.”

JEREMIAH 9:10

Tlang cungah khin fakpi in ka ṭap lai i ka kiao len ko lai. Ramlak saṭil tlonnak ah khin ṭah hla ka lawh lai. Zeicahtiah annih cu an kang dih i ahohmanh nih an pal ti hna lo. Caw pawt thawng zong kha theih a si ti lo. Van i a zuangmi va hna le lolak saram hna zong kha an lo dih cang.

JEREMIAH 9:11

Jerusalem cu a rawkmi thil pon ah le cenghngia nih an veh lengmangmi hmun ah ka ser lai; Cun Judah ram khua hna cu an chungah mi um ti loin ka ṭhio dih hna lai.

EZEKIEL 36:3

Cucaah chim law, hihi Bawipa Pathian bia an si, tiah ti: Nannih Israel tlang hna, miphun dang hna nih an in tlaih hna i an in uk hna tikah nan velchum in mi nih an in rial hna i an in lamhchih hna; nan min cu bia an chimnak kip ah khan an cem chih lengmang.

EZEKIEL 5:14

Nan pawngkam i a ummi hna nih nannih cu nihsawh awk le serhsat awkah kan ser hna kha aa chawkmi paoh nih cun an hmuh ko lai.

HOSEA 11:10

An ral cu chiandeih bantukin ka awnhhnawh hna lai i ka mi nih cun an ka zulh lai; Nitlaklei in khulrang in ka sinah an ra lai.

HOSEA 5:14

Israel mi le Judah mi cu a ṭhawngmi chiandeih bantukin ka zuanhnawh hna lai; Keimah hrimhrim nih ka thleh ka baoh dih hna lai i ka kaltak hna lai. Ka hnuh hna lai i ahohmanh nih an chanh kho hna lai lo.

AMOS 3:12

Hihi Bawipa bia an si: Tuukhal nih chiandeih kaa chungin, a ke pahnih khat maw a hna pelpawi ceo maw, a chuh ṭhan khawh tawn bantukin, Samaria ram chung i ihkhun dawhdawh le ṭhutdan nuamnuam cung i a ṭhumi Israel mi hna lak khan a pelpawite ceo khamh an si lai.

AMOS 3:4

Chiandeih cu sa sehmi a ngeih lo ahcun tupi chungah a awn bal maw? Chiandeih tum no cu sehmi zeihmanh a ngeih lo ahcun a kua chungah a ngur bal maw?

AMOS 3:8

Chiandeih a huk, ahodah ningṭi loin a um kho? Bawipa Pathian nih bia a chim: ahodah chim loin a um kho?

NAHUM 2:11

Khuazei ah dah atu cu chiandeih kua kha a um? Chiandeih fa an bawhnak lungkua kha khuazei ah dah a um? Chiandeih a pa le a pi le an fale rual, ṭihnak zeihmanh ngei loin an i chawh thluaimai tawnnak hmun kha khuazei ah dah a um?

ZEFANIAH 1:18

Annih khamhnak caah an ngun siseh, an sui siseh, zeihmanh an ṭhahnem lai lo. Bawipa thinhun ni ah cun Bawipa nih khan cu ram cu a ning piin a nahchuahnak mei in a khangh dih lai i cu ram chung i a ummi vialte hna cu khulrang tein an donghnak kha a phakter hna lai.

ZEFANIAH 2:5

Rili kam ram i khua a sami Kereth miphun hna, ngai tuah u, Bawipa bia cu nanmah ralchanh in chim a si cang; Filistin mi hna, nan ram cu ka tei lai i ka hrawh cikcek lai i a chungah ahohmanh um loin ka tuah lai;

ZEFANIAH 3:6

Miphun cu ka hloh cang hna, an khuapi cu ka hrawh hna i an kulhnak vampang hna le innsang hna cu an tlu dih. An khualak lam hna cu ahohmanh an i chawh ti lonak thetse ram ah ka ser cang. An khuapi cu an rawk cang, chuahtak an si cang, mi an um ti lo.

ZEKHARIAH 11:3

Tuukhal hna an ṭah thawng cu ngai hmanh u, Zeicahtiah saṭil tlonnak ram cu a rawk dih cang. Chiandeih no an huk thawng cu ngai hmanh u, Zeicahtiah Jordan tupi cu a rawk dih cang.

BIACEIHTU 14:5

Cun Samson cu a nu le a pa he tiah Timnah ah an vung kal i Timnah mitsur dum hna kha a vung phan. Cun zohhmanh, chiandeih no pakhat nih a rak awnhhnawh;