JEREMIAH 2:13 - Lai (Hakha) Common Language Bible 2006

¹³ Zeicahtiah ka mi hna nih hin ṭhat lonak pahnih an tuah: Ti nung a chuahnak cerh keimah cu an ka hlawt i Tikuang, a chungah ti a zawi kho lomi, a zutmi tikuang kha an i ser.

JEREMIAH 2:13 ပူးပေါင်းရင်းမြစ်များ

2 SIANGPAHRANG 22:17

annih nih an ka hlawt i pathian dang hna sinah khan zihmui an khangh i annih nih ka thinphawhnak caah an kut in hi rian vialte kha an tuah caah hi hmun cungah hin ka thinhunnak cu a alh lai i a mit lai lo.

SALM 36:9

Nang cu nunnak vialte hram na si; nangmah ceunak thawngin kannih nih ceunak kha kan hmuh.

PHUNGCHIMTU 1:14

Vawlei cung i an tuahmi thil vialte hi ka hmuh dih, an dihlak in pakpalawng men a si ko, thlitu dawi bantuk men khi an si ko.

PHUNGCHIMTU 1:2

Pakpalawng lawngte, pakpalawng lawngte! Zeizong vialte hi pakpalawng an si ko, tiah Phungchimtu nih a ti.

PHUNGCHIMTU 12:8

Pakpalawng lawngte, pakpalawng lawngte, zeizong vialte hi pakpalawng lawngte an si dih, tiah Phungchimtu nih ka ti.

PHUNGCHIMTU 2:11

Khi tikah ka tuahmi vialte kha ka zoh hna i ka tuahnak hna ah khan zeitluk in dah ka re a theih ti kha ka ruah tikah, zeihmanh an rak si lo ti kha ka vun hngalh. Thlitu dawi bantuk ceo kha a rak si ko i zeihmanh ṭhathnemnak a um lo.

PHUNGCHIMTU 2:21

Na fimnak vialte le na hngalhnak vialte le na thiamnak vialte kha hmang in thil pakhatkhat na tuah i cucu zeihmanh a tuah ṭung lo mipa caah khan na kaltak ko. Cucu pakpalawng a si i ahmaan zong ahmaan lo.

PHUNGCHIMTU 2:26

Pathian nih a lung a tongtu hna kha cu, fimnak le hngalhnak le lawmhnak a pek hna; sihmanhsehlaw misual hna kha cu, rian a ṭuanter hna, an ṭuan man cu a hmuhter hna i a khonter hna, sihmanhsehlaw cucu a lung a tong deuhtu kha a pek hna. Mah zong hi pakpalawng le thlitu dawi men a si ko.

PHUNGCHIMTU 4:4

Zeicahdah minung nih hin tlamtlinnak ding caah fak piin rian a ṭuan ti zong kha ka hngalh cang: hawi nakin tam deuh ngeih an duh caah a si. Cucu pakpalawng a si ko, thlitu dawi men kha a si ko.

ISAIAH 1:3

Caw nih a ngeitu kha a hngalh i laa nih a bawipa nih rawl a peknak kuang kha a hngalh. Sihmanhsehlaw ka mi Israel mi hna nih cun cu hmanh cu an hngal lo. A hngalh in an hngalthiam hrimhrim lo,” a ti.

ISAIAH 1:4

A! misual phun, ṭhat lonak in a khat i dinlonak a tuah pengmi hna, nannih cu nan lo cang. Bawipa Israel Pathian Thiang cu nan hlawt i hnulei nan chit caah nan sualnak nih chuk ah an hnuh cang hna.

ISAIAH 12:3

A ti a halmi cu tikik nih lawmhnak a pek hna bangin Pathian mi cu Pathian nih a khamh hna tikah an i lawm.”

ISAIAH 5:13

Cucaah cun nannih cu sal ah kalpi nan si lai. Nan hruaitu pawl cu rawlṭam in an thi lai i nan zapi pawl cu tihal in an thi lai.

ISAIAH 55:2

Zeicahdah rawl a si ṭung lomi ah nan phaisa kha nan hloh? Zeicahdah nan nihlawh man vialte cu nan hman dih ṭung i rawlṭam in nan um ṭhiamṭhiam ṭung? Ka bia ngai u law ka chimmi kha tuah tuah u, rawl vialte lakah a thaw bik kha nan ei lai.

ISAIAH 63:8

Bawipa nih aa thawh i, “Annih cu ka mi an si, an ka hleng lai lo” a ti. Cucaah an harnak vialte chung khan a khamh hna.

JEREMIAH 1:16

Keimah kha an ka hlawt i pathian dang hna sinah zihmui an khangh i anmah kut lila in sermi an biaknak ṭhat lonak vialte ruangah an cungah ka biakhiahnak cu ka chim lai.

JEREMIAH 14:3

A saṭil bawi hna nih khan an sinum hna cu ti kawl awkah an thlah hna; Tili ah khan an va kal, sihmanhsehlaw ti an hmu lo, An tithawl ro he an kir.

JEREMIAH 15:6

Nang nih cun na ka hlawt cang i hnulei na ka chit cang, tiah Bawipa nih a ti; Cucaah nangmah cu ka kut kan samhhnawh i kan hrawh ko, I dinhdorh lengmang hi ka ing kho ti lo.

JEREMIAH 17:13

Maw Bawipa, nangmah cu Israel mi nih an i hngatchanmi na si, Nangmah an hlawtu vialte cu ningzahnak an phan lai; Bawipa, nangmah cu nunnak cerhti na si i Nangmah an hlawmi vialte cu leidip lak i min ṭialmi bangin an lo lai.

JEREMIAH 18:14

Lebanon tlang par lungpang lakah khan hawhra nih tlak a ngol lai maw? A tlangpang i a luangmi tiva hna cu an reu ko hnga maw?

JEREMIAH 19:4

Zeicahtiah hi mi hna nih hin an ka hlawt i hi hmun hi keimah ta si hlah seh law cu bang cun an tuah, anmah nih siseh, an pupa hna nih siseh, Judah siangpahrang hna nih siseh, an hngalh bal lomi pathian hna sinah khan rai an thawi i hi hmun cu a sual lomi thisen kha an khahter.

JEREMIAH 2:11

Miphun pakhatkhat nih a pathian hna kha, pathian an si lo hmanh ah, a thleng bal hna maw? Sihmanhsehlaw ka mi hna nih cun an Sunparnak kha zeihmanh a ṭhahnem lomi thil ah an thlen.

JEREMIAH 2:17

Bawipa nan Pathian nih lam an hruai hna tikah, Nanmah nih amah kha nan zamtak caah, Mah hi vialte hi nanmah nih nanmah lila cungah nan i tlunter, a si lo mei?

JEREMIAH 2:26

Mifir cu tlaih a si tikah a ning a zah bantukin Israel innchungkhar cu an ning a zak lai; Anmah le an siangpahrang hna le an bawi hna le an tlangbawi hna le an profet hna zong an ning a zak lai;

JEREMIAH 4:22

Ka mi hna cu mihrut an si, keimah kong kha zeihmanh an hngal lo; Annih cu fa lungping, hngalhthiamnak ngei lomi an si. Ṭhat lonak tuah bel an thiam ngai, sihmanhsehlaw ṭhatnak cu zeitindah ka tuah lai ti kha an hngal lo.

JEREMIAH 5:26

Zeicahtiah ka mi hna lakah miṭhalo kha an um i Va rap chiahtu nih rap a chiah bantukin rap kha an chiah, Sihmanhsehlaw an rap cu minung foihnak caah a si.

JEREMIAH 5:31

Profet hna nih lih in bia an chim i tlangbawi hna zong nih anmah tining paoh kha an zulh ve; Ka mi hna nih cu ti i tuah cu an duhning a si ko, Sihmanhsehlaw a donghnak a phak tikah, zeitindik nan um te fang lai.

EZEKIEL 14:5

Israel mi hna cu an dihlak in an siasal hna nih ka sinin ṭhen ko hna in mising siter ko hna hmanh seh law, ka lehnak hna bia nih an lungthin kha a tlaih hna lai.

EZEKIEL 47:1

Biakinn kutka ah cun a ka kalpi ṭhan i biakinn innleng tangin tiput pakhat a chuah i nichuahlei ah a luan kha ka hmuh; biakinn cu nichuahlei a hoih. Ti cu orhlei kam thluahmah in a luang i biakṭheng thlanglei kamah cun a vung luang.

MIKAH 2:8

Bawipa nih a leh hna i, “Sihmanhsehlaw nannih cu ka mi hna ral nan si. Dai tein a ummi hna cu an angki leng kha an keng cungin nan firpiak hna i, Raltuknak in a ra kirmi ralkap hna kha an lung nan donghter hna.

MIKAH 6:3

Maw ka mi hna, nan cungah zei hen dah ka tuah? Zeitindah nan tha kan batter hna? Mah hihi ka let tuah u.

ZEKHARIAH 13:1

Khi ni ah cun David tefa hna le Jerusalem khuami hna cu an sualnak le an thurnak vialte tlenghnak caah cerhti pakhat a put lai.

JOHAN 4:10

Jesuh nih cun, “Pathian nih pek an duhmi laksawng kha zeidah a si ti le, cun ti din awk an haltu hi ahodah a si ti kha hei hngal law cu, amah tu hi na hal hnga i nunnak ti kha an pek ko hnga,” tiah a ti.

JOHAN 4:11

Minu nih cun, “Bawipa, ti thannak thawl na ngeih ṭung lo. Tikhor tiah a thuk fawn. Khuazei ah dah nunnak ti cu na hmuh lai?

JOHAN 4:14

sihmanhsehlaw keimah nih ka pekmi ti a dingmi paoh cu zeitikhmanh ah an ti a hal ṭhan ti lai lo. Ka pekmi ti cu a chungah zungzal nunnak petu cerhtiput ah a cang lai,” tiah a ti.

JOHAN 7:37

Puai donghnak ni kha a biapi bik ni a si. Cu ni ahcun Jesuh cu a dir i aw thang piin, “A ti a halmi paoh cu ka sinah ra u law ra ding u.

DEUTERONOMI 31:16

Cun Bawipa nih Moses sinah, “Zohhmanh, na pupa hna sinah na it dengmang cang; khi tikah hi mi hna hi an tho lai i, an va umnak dingmi hna lakah cun cu ram pathian hna sinah cun hlawh an hlang lai i, an ka hlawt lai i, anmah he ka biakamnak ka sermi kha an buar lai.

2 PETER 2:17

Hi mi hna cu a hna a reu cangmi cerh bantuk an si; thli nih a choihmi khuadawm bantuk an si; a thuk bik muihnak chungah khin Pathian nih umnak hmun a chiahpiak ko hna.

BIAPHUAN 21:6

Cun aa thawh i, “Rian ka lim dih cang. Kei cu Alfa le Omega, hramthawknak le donghnak ka si. Tihal paoh nunnak tiput ti kha man loin ka dinter hna lai.

BIAPHUAN 22:1

Vancungmi nih cun nunnak tiva zong a ka hmuhsak, cu tiva cu Pathian le Tuufa bawiṭhutdan hram in khuapi laifang ah a rung luangmi a si i thlalang bantukin a fiim.

BIAPHUAN 22:17

Thlarau le va ngei laimi ngaknu nih khan, “Ra u,” an ti. Hi bia a theimi paoh nih khan, “Ra u,” ti ve hna seh. Ti a halmi paoh cu ra u, nunnak ti hi a duhmi paoh nih man loin i lak u.

BIACEIHTU 10:13

Sihmanhsehlaw nannih nih nan ka hlawt i pathian dang kha nan biak hna; cucaah kan chuah ti hna lai lo.

1 SAMUEL 12:10

Cun Bawipa kha an auh i, ‘Bawipa kha kan hlawt i Baal le Ashtaroth kha an rian kan ṭuan hna caah kan sual cang; sihmanhsehlaw atu cu kan ral hna kut chungin kan chuahter law, nangmah na rian kan ṭuan lai,’ an ti.