JEREMIAH 19:7 - Lai (Hakha) Common Language Bible 2006

⁷ Hi hmun ah hin Judah le Jerusalem khuakhannak kha thawl khuai bantukin ka khuai lai. Annih cu an ral hna nih khan an tei hna lai i vainam in an thah hna lai. An ruak cu van i a zuangmi va hna le vawlei i a tlongmi saram hna sinah rawl caah ka pek hna lai.

JEREMIAH 19:7 ပူးပေါင်းရင်းမြစ်များ

2 SIANGPAHRANG 21:14

Cun a tangmi ka ro hi ka hlonh lai i an ral hna kut chungah ka chanh hna lai i an ral hna caah ral tlaihmi le hranchaw an si lai,

PHUNGTHLÛKBIA 21:30

Fimnak siseh, hngalhnak siseh, chunglei thil purh khawhnak siseh, Bawipa hmaiah cun zeihmanh an si lo.

ISAIAH 29:14

Cucaah cun a tlung lai tiah a ruah in an ruah hrimhrim lomi thil kha pakhat hnu pakhat in an cungah ka tlunter lai i cu nih cun a hlauh in an hlauh hna lai. An mifim cu mihrut ah an cang lai i an fimnak cu an caah zeihmanh ṭhathnemnak a ngei lai lo,” a ti.

ISAIAH 8:10

Khua cu khang lengmang ko u, sihmanhsehlaw nan khuakhanmi cu thlua an chuak bal lai lo. Nan duh zat in chim u, sihmanhsehlaw pakpalawng an si ko lai, zeicahtiah Pathian pei kan sinah a um cu.

JEREMIAH 15:2

Cun annih nih, ‘Khuazei ah dah kan kal lai?’ tiah an in hal tikah, annih cu na thawh hna lai i, ‘Hi bangin Bawipa nih a ti: “Rai ca i a simi cu rai sinah, Vainam ca i a simi cu vainam sinah; Mangṭam ca i a simi cu mangṭam sinah, Saltannak ca i a simi cu saltannak ah,” tiah na ti hna lai,’ a ti.

JEREMIAH 15:9

Fapa pasarih a ngeimi nu kha thlalau in mah hngal loin a ril ko, Chun a si ko rih lioah a ceunak cu a mit cang; Ningzak le hmaichia in a ril ko. Cun annih lak i a tang rihmi vialte hna cu vainam in thih awkah an ral hna kut chungah ka pek cang hna,” tiah Bawipa nih a ti.

JEREMIAH 16:4

Zawtnak ṭihnung ngaingai in an thi lai. Ahohmanh nih an ṭah hna lai lo, vui zong an tong lai lo. Vawlei i ek pon bantukin an ril lai. Annih cu ral kut in an thi lai, asiloah mangṭam in an thi lai, an ruak cu van i a zuangmi va hna le vawlei i a ummi saram hna caah rawl an si lai.

JEREMIAH 18:21

Cucaah an fale hna cu mangṭam tonter hna, Vainam sinah khan kaltak men ko hna. An nupile hna cu fa ngei lo le nuhmei siter ko hna, an pale hna cu thihnak nih kalpi ko hna seh, An tlangval hna cu raltuknak hmun ah vainam in thi hna seh.

JEREMIAH 21:7

Cun cu hnuah cun, Judah siangpahrang Zedekiah le a sinum hna le a mi hna, hi khua chung i rai le vainam le mangṭam a luatmi hna kha Babilon siangpahrang Nebukhadnezzar le anmah thah a duhmi an ral hna kut chungah ka sanh hna lai. Vainam in an sam cikcek hna lai; anmah cu an zaangfah hna lai lo, a nganh zong an ngan hna lai lo, vel zong an ngeih hna lai lo,’ tiah a ti.

JEREMIAH 22:19

Laa vui bantukin amah cu vui a si lai i Jerusalem kutka lengah khan an hnuh lai i an hlonh lai.”

JEREMIAH 22:25

Nangmah thah an duhmi, nangmah nih na ṭihmi hna Babilon siangpahrang Nebukhadnezzar le Khaldi mi hna kut chungah khan nangmah cu kaan chanh lai.

JEREMIAH 32:28

Cucaah hi khuapi cu Babilon siangpahrang Nebukhadnezzar le a ralkap hna sinah ka pek lai i annih nih an lak lai.

JEREMIAH 34:20

An ral hna sinah ka pek hna lai. Anmah thah a duhmi hna sinah khan ka chanh hna lai i an ruak cu va le ramlak saram nih an ei hna lai.

JEREMIAH 46:26

Annih cu anmah hrawh aa tim hrimhrimmi Babilon siangpahrang Nebukhadnezzar le a ralkap hna kut chungah ka chanh hna lai; Sihmanhsehlaw hmailei caan ah cun ram cu hlan bantukin mi an um ṭhan lai, tiah Ralkapbu Bawipa nih a ti.

JEREMIAH 7:33

Cun hi mi hna ruak cu van i a zuangmi va hna caah le lei i a tlongmi saram hna caah rawl an si lai i annih ṭhawltu ah ahohmanh an um ti lai lo.

JEREMIAH 8:2

Cun annih nih an rak duh hna i an rian an rak ṭuan hna i an rak dawi hna i an rak kawl hna i an rak biakmi hna, ni le thlapa le van ralkapbu vialte hna hmaiah khin an pho hna lai. Cu ruh hna cu pumh an si lai lo, vui zong an si lai lo, vawlei ah non ah an cang lai.

JEREMIAH 8:8

Zeitindah, ‘Kannih cu kan fim i Bawipa phungbia kha kan ngei’ nan ti khawh? Cazi hna nih pei an hlennak cafung in lih ah an ser cang hi.

JEREMIAH 8:9

Nan mifim hna cu ningzahnak an phan, An lung aa tuai i chikkhatte ah khulrang tein thil hngalh khawhnak fimnak an ngeihmi kha an thlau cang. Bawipa bia cu zei ah an rel ti lo, An fimnak cu zei bantuk fimnak dah a si?

ṬAHNAK HLA 3:37

Bawipa nih a thlauhmi thil cu Aho nih dah tuah si seh tiah nawl a pek khawh lai?

LEVITIKAS 26:17

ka hmai kan chiathnawh hna lai i nan ral nih an in tei hna lai; an huami nih an in uk hna lai i ahohmanh nih an in dawi hna lo zongah nan zam lai.

LEVITIKAS 26:25

Cun nannih cungah vainam ka tlunter lai i biakamnak caah khan phuhlamnak a tuah lai; nan khua chungah nan i pumh ahcun nan lakah rai ka tlunter lai i nan ral hna kut ah khan nanmah cu pek nan si lai.

ROM 3:31

Cu ti kan ti tikah cun Nawlbia kha zumhnak in kan hlawt tinak a si maw? Si hrimhrim hlah, Nawlbia cu kan dirhṭhoh lehlam a si.

ROM 4:14

Zeicahtiah Nawlbia a zulmi lawng kha rocotu cu an si ahcun zumhnak cu pakpalawng a si ko hnga i biakamhmi thil cu pakpalawng men a si ko hnga,

1 SAMUEL 17:46

Nihin ni ah hin Bawipa nih nangmah cu keimah kut chungah a ka pek lai i kan thah lai i na lu kan tan lai; cun Filistin ralkapbu chung i a thimi ruak hna cu nihin ah hin van i a zuangmi va hna le vawlei i a ummi sahrang hna sinah ka pek hna lai; zeitintiah vawlei cung dihlak nih Israel mi lakah Pathian a um ti kha an hngalh nakhnga le