JEREMIAH 19:4 - Lai (Hakha) Common Language Bible 2006

⁴ Zeicahtiah hi mi hna nih hin an ka hlawt i hi hmun hi keimah ta si hlah seh law cu bang cun an tuah, anmah nih siseh, an pupa hna nih siseh, Judah siangpahrang hna nih siseh, an hngalh bal lomi pathian hna sinah khan rai an thawi i hi hmun cu a sual lomi thisen kha an khahter.

JEREMIAH 19:4 ပူးပေါင်းရင်းမြစ်များ

2 SIANGPAHRANG 21:16

Cu hleiah Manasseh nih Judah mi kha a sualter hna caah Bawipa mithmuh i ṭhat lonak kha an tuah i, kha a sualternak hna a sualnak hleiah khan, a sual lomi thisen tampi a chuah fawn, Jerusalem cu khattelei deng in khattelei deng tiang a khat.

2 SIANGPAHRANG 23:10

Cun Hinnom fapa hna horkuang i a ummi Tofeth kha, khika ah ahohmanh nih an fapa si hna seh an fanu si hna seh, Molek sin i thawinak ah an pekchanh hna nakhnga lo, a thurhnawmhter.

SALM 106:38

a sual lomi an fanule le an fapale hna cu an thah hna i Kanaan mi siasal hna sinah khan raithawinak ah an pek hna; hi ti an thah hnanak nih hin vawlei kha a thurter.

ISAIAH 59:7

Ṭhat lonak pakhatkhat tuah ding kha khua nan khang zungzal i cu nan khanmi tuah kha a ngan in nan ngang kho lo. A sual lomi thah kha nan i thlachiat bal lo. Nan phaknak kip ah rawhralnak le ṭhat lonak kha nan chiahtak i

ISAIAH 65:11

“Sihmanhsehlaw keimah a ka hlaw i Zion ka tlang thiang kha zeirello in a um i Gad le Meni a biami nan caah cun thil dang a si lai.

JEREMIAH 1:16

Keimah kha an ka hlawt i pathian dang hna sinah zihmui an khangh i anmah kut lila in sermi an biaknak ṭhat lonak vialte ruangah an cungah ka biakhiahnak cu ka chim lai.

JEREMIAH 11:13

Zeicahtiah, maw Judah na pathian cu na khua zat an si; cun Baal sin i raithawinak khanghnak ding caah na sermi biakṭheng hna cu Jerusalem khua chung lam zat an si.

JEREMIAH 15:6

Nang nih cun na ka hlawt cang i hnulei na ka chit cang, tiah Bawipa nih a ti; Cucaah nangmah cu ka kut kan samhhnawh i kan hrawh ko, I dinhdorh lengmang hi ka ing kho ti lo.

JEREMIAH 16:11

Cun nang nih na leh hna lai i, ‘Nan pupa hna nih an ka hlawt i pathian dang kha an zulh hna i an rian an ṭuan hna i an biak hna caah a si. An ka hlawt i ka phungbia kha an ngai lo.

JEREMIAH 17:13

Maw Bawipa, nangmah cu Israel mi nih an i hngatchanmi na si, Nangmah an hlawtu vialte cu ningzahnak an phan lai; Bawipa, nangmah cu nunnak cerhti na si i Nangmah an hlawmi vialte cu leidip lak i min ṭialmi bangin an lo lai.

JEREMIAH 17:20

Cun Bawipa bia cu thei tuah u, nannih Judah siangpahrang hna le Judah ram mi vialte le hi kutka in a lutmi Jerusalem khuami vialte hna, va ti.

JEREMIAH 18:15

Reu hlah, sihmanhsehlaw ka mi hna nih cun an ka philh; Annih nih siasal menmen hna sinah khan raithawinak an khangh, Annih nih an zulh awk hnga lam a simi ah khan an ril i hlan lam kha an zul ti hna lo; Lam hleng le ser lomi lam tu ah khan an i mer.

JEREMIAH 2:13

Zeicahtiah ka mi hna nih hin ṭhat lonak pahnih an tuah: Ti nung a chuahnak cerh keimah cu an ka hlawt i Tikuang, a chungah ti a zawi kho lomi, a zutmi tikuang kha an i ser.

JEREMIAH 2:17

Bawipa nan Pathian nih lam an hruai hna tikah, Nanmah nih amah kha nan zamtak caah, Mah hi vialte hi nanmah nih nanmah lila cungah nan i tlunter, a si lo mei?

JEREMIAH 2:19

Nangmah dan an tattu cu na ṭhat lonak kha a si ko lai i Sual an phawtu cu na tlaunak kha a si ko lai. Bawipa na Pathian hlawt le keimah upat ti lo cu Na caah zeitluk in dah a ṭhat lo i zeitluk in dah a khaat fawn, ti kha hngal tuah; Mah hihi Ralkapbu Bawipa Pathian bia hrimhrim a si.

JEREMIAH 2:30

Nan fale ka velh hna cu pakpalawng men a si, an i remh hlei lo; Chiandeih hrang bantukin nanmah vainam nih nan profet kha a ei hna.

JEREMIAH 2:34

Na puan ki ah thisen aa neh — a sual lomi misifak nunnak thi kha. Hi thi cu inn na bauhnak in naa nehmi a si lo, Kuhthing toi kip i rai na thawinak in naa nehmi a si deuh.

JEREMIAH 22:17

Sihmanhsehlaw nang cu miaknak dah ti lo ahcun mit na ngei lo, Zei dang ruat loin miaknak lawnglawng kha na ruat. A sual lomi thisen chuah khawh nakding le Hremnak le zaang-ennak tuah khawh nakding lawng kha naa ruah chih, tiah a ti.

JEREMIAH 22:3

Thil nan tuah tikah dingte le hmaan tein tuah u, hremmi kha a hremtu kut chungin chuah u, ramdangmi le ngakṭah le nuhmei hna cungah ṭhat lonak siseh, zaang-ennak siseh, tuah hlah u.

JEREMIAH 26:15

Sihmanhsehlaw nan ka thah ahcun, nanmah le hi khua le a chungah a ummi vialte hi, nan dihlak in, a sual lomi thisen kan chuah caah hin kan sual ti bel hi fiang tein run i hngal u, zeicahtiah hi bia vialte hi nan theihhngan i chim awkah Pathian nih a ka thlah taktak,” tiah a ti.

JEREMIAH 26:23

Izipt ram cun Uriah cu an vung lak i Siangpahrang Jehoiakim sinah an ratpi. Vainam in a rak thah i a ruak cu mi sawhsawh vuinak hmun ah khan an hlonh.

JEREMIAH 44:3

hihi zei ruangah dah a si, ti ahcun, an hngalh bal lomi pathian kha an zulh hnanak thawng le cu pathian hna sinah raithawinak an khanghnak thawngin ka thin a ka phoktu hna ṭhat lonak ruangah khan a si. Hi a tuahtu cu nanmah le nan pupa hna kha nan si.

JEREMIAH 5:6

Cucaah tu chung chiandeih nih a thah hna lai i Thetse ram chung cenghngia nih a hrawh hna lai. Pawlai nih an khua ah a chawhhnawh hna lai i A chuak ngammi paoh kha a thleh a bauh dih hna lai; Zeicahtiah an phungbuarnak kha a tam i An tlaunak kha rel cawk lo a si.

JEREMIAH 7:6

ramdangmi le ngakṭah le nuhmei kha dekhleng hna hlah u law hi hmun ah hin a sual lomi thisen kha chuah hlah u law nanmah lila fahnak ding caah pathian dang kha zul hna hlah u.

JEREMIAH 7:9

Nannih nih nan fir, lai nan nawng, va cung in pa nan i duh i lih in tehte nan cang, Baal sinah raithawinak nan khangh, nan hngalh lomi pathian kha nan dawi hna.

ṬAHNAK HLA 4:13

A kulhnak vampang chungah Miding mi hna thisen a chuahtu A profet hna sualnak ruang le A tlangbawi hna ṭhat lonak ruangah a si.

EZEKIEL 20:26

Anmah le anmah kha siasal sin i laksawng an pekchanhnak thawngin ka thurhhnawmhter hna; an tuksa a purh khawh hna nakhnga, an siasal hna sinah khan an fapa upa bik hna kha ka pekter ko hna. Mah hihi ka tuahnak chan cu Bawipa ka si kha an hngalh nakhnga caah a si.

EZEKIEL 7:22

Annih cu ka hmai kha ka merkanh hna lai i a sunglawimi ka ram cu an thurhhnawmh lai; mifir kha an ra lut lai i an thurter lai.

EZEKIEL 8:11

An hmaiah cun Israel mi upa sawm sarih an dir i an laifang ah cun Safan fapa Jaazaniah kha a dir, pakhat nih zihmui kheng pakhat cio an i put i cu kheng chung cun rimhmui khu an chuak.

DANIEL 11:31

Amah nih a thlahmi ralkap hna nih khan hmunthiang le a kulhnak kha an thurhhnawmh lai i pekchanh tawnmi raithawinak kha an hloh lai. Cun khika hmun ah khan, “Ṭhiotu Fihnung” kha an chiah lai.

LUKA 11:50

Cucaah tuchan mi hna hi vawlei ser hramthawknak in profet an thahmi vialte hna ruangah khan dantat an si lai,

DEUTERONOMI 13:13

mi zeirualo a cheukhat nih nannih lakah an kal i cu khua chung i a ummi hna cu an pialter hna i, nan hngalh lomi pathian hna cu, ‘Kal u sih law, pathian dang kha bia hna u sih,’ tiah an ti nan theih ahcun,

DEUTERONOMI 13:6

“Na unaupa, na nu fapa siseh, na fapa siseh, na fanu siseh, na pom liomi na nupi siseh, na nunnak tluk a simi na hawi siseh, ahohmanh nih a thli tein an lem i, ‘Kal u sih law, pathian dang kha bia hna u sih,’ an ti ahcun nangmah nih siseh na pupa hna nih siseh, nan hngalh lomi pathian hna,

DEUTERONOMI 28:20

“Nan ka hlawt caah, cu ṭhat lonak nan tuahmi ruangah, nan rawk i khulrang in nan loh hlantiang, zeizong nan tuahmi kip ah khan Bawipa nih nan cungah chiatnak le hnahnawhnak le hnabeidonghnak a tlunter lai.

DEUTERONOMI 28:36

“Nanmah nih siseh nan pupa hna nih siseh nan hngalh bal lomi miphun sinah, nanmah le nan cungah nan chiahmi nan siangpahrang cu Bawipa nih ah kalpi hna lai i, khika ah thing le lung in sermi khuazing dang kha nan biak hna lai.

DEUTERONOMI 28:64

Cun khattelei vanhramdeng in khattelei vanhramdeng tiang Bawipa nih miphun kip sinah an ṭhek hna lai i, nanmah nih siseh nan pupa hna nih siseh nan hngalh lomi pathian, thing le lung in an sermi hna kha, khika ah nan biak hna lai.

BIAPHUAN 16:6

Pathian mi hna le profet hna kha an thi an rak chuah hna caah nangmah nih annih cu din awkah thi kha na pek ve hna. Annih nih hmuh awk i an i tlakmi kha an hmuh ko,” a ti.

BIACEIHTU 5:8

Annih nih pathian thar kha an i thim hna tikah, Kutka ah raltuknak kha a um. Israel mi sang li chungah khan Phaw siseh, fei siseh, hmuh awk a rak ram maw?