JEREMIAH 19:2 - Lai (Hakha) Common Language Bible 2006

² Ben-hinnom Nelrawn i Peipahau Kutka luhnak ah khan va kal u, cun khika ah khan kan chimhmi bia cu va thanh.

JEREMIAH 19:2 ပူးပေါင်းရင်းမြစ်များ

2 SIANGPAHRANG 23:10

Cun Hinnom fapa hna horkuang i a ummi Tofeth kha, khika ah ahohmanh nih an fapa si hna seh an fanu si hna seh, Molek sin i thawinak ah an pekchanh hna nakhnga lo, a thurhnawmhter.

2 CHANRELNAK 28:3

Hinnom fapa nelrawn ah khan zihmui a khangh i Bawipa nih Israel mi hna hmai in a dawimi miphun hna nih fihnung phunglam an tuahmi hna ning khan a fapale hna cu raithawinak ah a khangh hna.

2 CHANRELNAK 33:6

Cun Hinnom fapa nelrawn ah khan a fapa hna cu raithawinak ah a khangh hna i khuavang kawh le litin le eih kha a lenh i thitlawnthiam le khuavang kha aa ruaih tawn hna. Bawipa mithmuh i thil ṭhalo tampi kha a tuah i a thin kha a phawh.

NEHEMIAH 3:29

Anmah chang ah cun Zadok fapa Immer nih khan amah inn zawn kha a remh. Amah chang ah cun Shekaniah fapa Shemaiah, Nichuahlei Kutka a cawngtu nih khan a remh.

JEREMIAH 1:7

Sihmanhsehlaw Bawipa nih a ka thawh i, “Ngakchiate men ka si, ti hlah; Zeicahtiah cu hna sinah cun va kal, tiah kan tinak ah na kal lai i nawl kan pekmi paoh kha na chim lai.

JEREMIAH 11:6

Cun Bawipa nih a ka thawh i, “Hi bia vialte hi Judah ram chung khua hna le Jerusalem khuachung lam ah khan va thanh hna: Hi biakamnak bia hi ngai hna u law tuah hna u, va ti.

JEREMIAH 18:2

“Tho law umsertu inn ah vung kal law khika ah ka bia kha kan chimh lai,” a ti.

JEREMIAH 26:2

Bawipa nih Jeremiah cu a thawh i, “Bawipa inntual ah va dir law, khika ah biak awkah a rami Judah ram chung mi vialte hna sinah cun, bia va chim tuah. Annih kha na chimh hna lai tiah nawl kan pekmi vialte kha zeihmanh ngan loin na chimh hna lai.

JEREMIAH 3:12

Va kal law hi bia hi chaklei ah va thanh law hitihin va ti: Zumhawktlak lo Israel, ra kir tuah, tiah Bawipa nih a ti; Nangmah cu thinhunnak in kan zoh ti lai lo, Zeicahtiah kei cu zaangfah thiammi ka si, tiah Bawipa nih a ti; Zungzal in ka thin a hung lai lo.

JEREMIAH 32:35

Benhinnom Nelrawn ah Baal caah hmunthiang an ser hna i khika ah Molek sinah an fanu hna le an fapa hna kha an pek hna. Hi thil fihnung tuah awk hi le sualnak chungah Judah luhpi hi keimah sinin a chuakmi nawlbia a si lo i ka lunglai ah a chuak balmi zong a si lo.

JEREMIAH 7:2

Bawipa inn kutka ah khan va dir law khika ah khan va thanh tuah: Bawipa biak awkah hi kutka hna chungah a lutmi Judah mi vialte hna, Bawipa bia hi thei tuah u, va ti.

JONAH 3:2

“Nineveh khualipi ah cun va kal cang law kan chimhmi bia cu va thanh tuah hna,” tiah a ti.

MATTHAI 10:27

Mui lak i kan chimhmi hna hi chun khua ceu ah va chim chin u, cun a thli in nan theihmi hi inn par in va au pi u.

LAMKALTU 20:27

Zeicahtiah Pathian nih aa tinhmi kha a dihumnak in kan chimh dih cikcek hna i ka nganhmi zeihmanh a um lo.

LAMKALTU 5:20

“Va kal u law biakinn chungah khan va dir tuah u, cun mizapi kha hi nunnak thar kong kha va chim hna u,” tiah a ti hna.

JOSHUA 15:8

cun ramri cu Jebus mi umnak tlang thlanglei fing (cucu Jerusalem) i Hinnom fapa nelrawn leiah a hung kai; cun ramri cu, nitlaklei ah, Refaim nelrawn chaklei kamah, Hinnom horkuang ralchan i a ummi tlangpar tiang a hung kai;