JEREMIAH 19:13 - Lai (Hakha) Common Language Bible 2006

¹³ An thur ruangah Jerusalem khua inn hna le Judah siangpahrang inn hna cu Tofeth bantuk an si lai — vancung thil bu sin i raithawinak a cung i an khanghnak inn vialte le pathian dang hna sin i thlet thawinak an thletnak inn vialte hna cu, Tofeth bantukin an thur lai,’ a ti, tiah na chimh hna lai,” tiah a ti.

JEREMIAH 19:13 ပူးပေါင်းရင်းမြစ်များ

2 SIANGPAHRANG 17:16

Annih nih Bawipa an Pathian nawlbia vialte kha an hlawt i thletmi siasal cawfa pahnih kha an i ser i, Asherah kha an i ser fawn; van i a ummi thil vialte khi an biak hna i Baal kha a rian an ṭuan.

2 SIANGPAHRANG 23:10

Cun Hinnom fapa hna horkuang i a ummi Tofeth kha, khika ah ahohmanh nih an fapa si hna seh an fanu si hna seh, Molek sin i thawinak ah an pekchanh hna nakhnga lo, a thurhnawmhter.

2 SIANGPAHRANG 23:12

Cun Ahaz cung dot inncung i a ummi biakṭheng, Judah siangpahrang hna nih an sermi hna kha le Manasseh nih Bawipa inntual pahnih chung i biakṭheng a sermi hna kha a chimh hna i a den cikcek hna, cun a dip cu Kidron tiva ah a paih hna.

2 SIANGPAHRANG 23:14

Cun lungphun kha a den cikcek hna i Asherim kha a hau hna i cu hmun ah cun mi ruh khat lak in a hlonh hna.

SALM 74:7

Na biakinn kha an khangh; nangmah kan in biaknak hmun kha an thurhhnawmh; a dihlak in an hrawh dih!

SALM 79:1

Maw Pathian, lawkihmi nih na mi hna kan ram hi an rung chim; na biakinn thiang cu an thurhhnawmh i Jerusalem cu an hrawh dih.

ISAIAH 22:1

Hi bia hi Langhnak Nelrawn kong bia a si. Zei thil dah a um? Zeicahdah khuapi chung mi hna cu an dihlak in an inn cung cio ah puai an tuah?

JEREMIAH 19:12

Mah hihi, hi hmun cungah le a chungah a ummi hna cungah ka tuah dingmi cu a si, tiah Bawipa nih a ti: Hi khua cu Tofeth bantuk ka siter lai.

JEREMIAH 32:29

Hi khua a dotu Khaldi mi hna kha an ra lut lai i hi khua cu mei in an duah lai i an khangh lai. Keimah thinhunter awkah Baal sinah inn cungah raithawinak an khanghnak inn hna le pathian dang hna sinah thlet thawinak an pekchanhnak inn hna zong kha an khangh dih hna lai.

JEREMIAH 44:18

Sihmanhsehlaw Vancung Khuazingnu sin i thawinak khangh kan ngol le thlet thawinak pekchanh kan ngol ri in zei paohpaoh kan chambau dih i vainam le mangṭam in kan thi lengmang,’ an ti.

JEREMIAH 52:13

Bawipa inn le siangpahrang inn le Jerusalem i inn ngan vialte kha a khangh dih hna, Gedaliah inn zong kha a khangh fawn.

JEREMIAH 7:18

Ngakchia nih thing kha an khawmh, an pale nih mei an kau i nu nih changvut cet an nen i vancung bawinu caah changreu thlum an ser, cun thlet thawinak kha pathian dang hna sinah an pekchanh — hi vialte hi keimah thin hunter awk caah an tuahmi a si.

JEREMIAH 8:2

Cun annih nih an rak duh hna i an rian an rak ṭuan hna i an rak dawi hna i an rak kawl hna i an rak biakmi hna, ni le thlapa le van ralkapbu vialte hna hmaiah khin an pho hna lai. Cu ruh hna cu pumh an si lai lo, vui zong an si lai lo, vawlei ah non ah an cang lai.

EZEKIEL 20:28

Annih cu kan pek hna lai tiah kut hler in chiat ka sermi ram i ka luhpi tik hna ah tlangbo kip le thingkung a hnah a ṭhami paoh kha an i chingchiah i khika ah khan an raithawinak kha an tuah hna, ka thin a ka phoktu an laksawng kha an pekchanh hna i an rim thaw thawinak le an thlet thawinak kha an hun hna.

ZEFANIAH 1:5

Annih nih vancung thil biak awkah khan inncung ah an kun tawn i Milkom khuazing min in chiat an ser tawn;

LAMKALTU 10:9

A thaizing chun hrawng Joppa khua an hei phak deng ah khan, Peter cu thlacam awkah inn cungah a kai.

LAMKALTU 7:42

Sihmanhsehlaw annih cu Pathian nih a mertak hna i profet hna cauk chungah aa ṭial bang khan vancung arfi kha a biakter hna. Cu cauk chungah cun: ‘Israel mi hna, thetse ram chungah kum sawm li sa nan thah i raithawinak nan tuahmi kha keimah biaknak caah a si lo.

DEUTERONOMI 4:19

Cun van khi nan hun zoh i nika le thlapa le arfi hna, van i a ummi thil vialte cu, nan hmuh tik hna ah, annih biak awk le an hmai i kun awkah hnuh nan si sual nakhnga lo i ralring tuah u. Mah hna hi cu Bawipa nan Pathian nih vanrang toi miphun dang vialte tu kha a pek hna,