JEREMIAH 18:23 - Lai (Hakha) Common Language Bible 2006

²³ Asi, Maw Bawipa, nangmah nih keimah thahnak ding caah an timhmi vialte cu na hngalh dih ko; An ṭhat lonak kha hlohpiak hna hlah law, an sualnak kha hnawhpiak hna hlah. Ril cuahmah in na hmaiah chuahpi an si tikah, Na thinhun ni ah an cungah cun ṭuan ko.

JEREMIAH 18:23 ပူးပေါင်းရင်းမြစ်များ

SALM 119:126

Mi nih na phunglam kha an zulh duh ti lo caah atu caan hi na cawlcangh caan a si awk a hau.

SALM 35:4

Thah a ka zalmi kha sung hna seh law ningzahnak phan hna seh. Keimah thah awkah khua a khangmi hna kha an khuakhanmi cu pakpalawng ah cang seh law

SALM 56:8

Zeitluk in dah harnak ka in kha na hngalh; ka mitthli cu na thawl chungah na rawn hna, na cauk chungah na ṭial hna a si lo mei?

SALM 59:5

Maw Lianngan Bik Bawipa, tho law ka bawm tuah; maw Israel Pathian, nangmah hrimhrim nih ra zoh tuah. I hlau law miphun kha dantat hna, mi rawi hmang, miṭhalo mi hi, zaangfah hna hlah.

ISAIAH 10:3

Pathian nih dan an tat hna tikah zeitindik nan i tuah lai? Bawmhnak kha khuazei ah dah nan tlikhnawh lai? Khuazei dah nan chawva kha nan thuh hna lai?

ISAIAH 2:9

An dihlak in ningzahnak le hmai-chiatnak an phan lai. Bawipa, annih cu ngaihthiam hna hlah!

JEREMIAH 11:23

pakhat hmanh an tang lai lo; zeicahtiah biaceihnak kum ah Anathoth khuami hna cungah ṭhat lonak ka tlunter lai, a ti.

JEREMIAH 15:15

Bawipa nangmah nih na hngalh; Bawipa, ka philh hlah law ra ka leng tuah, Keimah a ka hremtu hna cungah ka phu ka hlampiak ko. Ka cungah na thin fual ko sawh law ka la sawh hlah, Nangmah ca i nihsawhnak ka inmi cu hmu ko sawh.

JEREMIAH 17:18

A ka hremtu kha ningzahnak phakter ko hna, sihmanhsehlaw kei cu ka luatter ko, Annih cu therphang in umter ko hna, sihmanhsehlaw kei cu ka thin ka phanter hlah. An cungah rawhralnak ni kha tlunter law hrawk cikcek ko hna, a ti.

JEREMIAH 17:4

Kan pekmi hna nan ro kha nan sung lai. Nan hngalh lomi ram chungah nan ral kha nan rianh hna lai, zeicahtiah ka thinhunnak cu a alhmi mei a si i zungzal in a alh ko lai.

JEREMIAH 18:18

“Ra tuah u, Jeremiah hi zeitindah kan tuah lai, i ceih tuah u sih,” an ti. “Kannih lam a kan hruaitu ah tlangbawi an um ṭhiamṭhiam ko lai, fim a kan chimtu ah mifim an um ṭhiamṭhiam ko lai i Pathian bia a chimtu ah profet an um ṭhiamṭhiam ko lai. Ra u law, a cungah bia kawl tuah u sih, a bia cu zeihmanh ah rel hlah u sih,” an ti.

JEREMIAH 26:11

Cun tlangbawi hna le profet hna nih cun bawi hna le mi vialte cu an thawh hna i, “Hi pa hi thih awk a tlak. Hi khua kha rawk seh, tiah a chim: nan hna in nan theih cio,” an ti.

JEREMIAH 26:8

Cun annih sinah na chim lai tiin Bawipa nih nawl a pekmi vialte kha a chim dih tikah, tlangbawi hna le profet hna le mi zapi nih khan an tlaih i, “Na thi lai,” tiah an hro.

JEREMIAH 37:15

Cun bawi pawl cu Jeremiah cungah khan an thin a hung i an tuk i caṭialtu Jonathan inn chungah khan thong ah an thlak; cu inn cu thong ah an rak ser cangmi a si i

JEREMIAH 38:4

Cun bawi hna nih cun siangpahrang sinah cun, “Hi mipa hi thah awk a si, zeicahtiah hi bantukin a chimnak thawng hin ralkap hna le hi khua chung i a tangmi hna hi an lung a derter hna. Hi pa hi mi ṭhatnak a kawlmi si loin an chiatnak a kawlmi tu a si deuh,” an ti.

JEREMIAH 6:15

Annih nih hi fihnung a simi thil hna kha an tuah tikah an ning a zak maw? Zak hlah ee, an ning a zak hrimhrim lo; hmaisen zong kha an hngal lo. Cucaah a tlumi hna sinah an tlu ve lai; dan ka tat hna tikah an dih lai, tiah Bawipa nih a ti.

JEREMIAH 6:21

Cucaah hi mi hna hi an hmaiah i chuih awk lungtum ka chiahpiak hna lai i an i chuih lai i an tlu lai; Pale hna le fale hna le innpa le hawikom hna kha hmun khat ah an thi lai,” tiah Bawipa nih a ti.

JEREMIAH 7:20

Cucaah Bawipa Pathian nih hi bangin a ti: Zohhmanh u, hi hmun cungah hin, minung cung le saṭil cungah, lo chung thingkung hna le vawlei theitlai cungah, ka thinhunnak ka bungh lai; a kang lai i a mit ti lai lo.

JEREMIAH 8:12

Annih nih fihnung kha an tuah tikah an ning a zak maw? Zak hlah e, an ning a zak hrimhrim lo; Hmaisen zong kha an hngal lo. Cucaah a tlumi hna sinah an tlu ve lai; Annih cu dan ka tat hna tikah an ril lai,” tiah Bawipa nih a ti.

ṬAHNAK HLA 3:60

Phuhlam an duhnak le Keimah cung i rawinak an tuahmi vialte cu na hmuh dih.

ṬAHNAK HLA 3:61

Maw Bawipa, an ka zawmhtaihnak le an ka rawinak liangluang hna le,

LUKA 21:22

Zeicahtiah mah hihi ‘Dantatnak Ni’ tiah timi kha a si i Cathiang nih a chimmi vialte cu a tlinnak ding caah umter dingmi an si.

ROM 2:5

Asinain na lung cu a hak i a ṭhawng. Cucaah Pathian nih a thinhunnak le ding tein bia a ceihnak a phuan ni i na in laimi dantatnak cu na nganter chin men ko.