JEREMIAH 18:21 - Lai (Hakha) Common Language Bible 2006

²¹ Cucaah an fale hna cu mangṭam tonter hna, Vainam sinah khan kaltak men ko hna. An nupile hna cu fa ngei lo le nuhmei siter ko hna, an pale hna cu thihnak nih kalpi ko hna seh, An tlangval hna cu raltuknak hmun ah vainam in thi hna seh.

JEREMIAH 18:21 ပူးပေါင်းရင်းမြစ်များ

2 CHANRELNAK 36:17

Cucaah an tlangval hna cu an hmunthiang inn chungah khan vainam in a that i, tlangval cungah siseh, upa cungah siseh, zaangfahnak a ngei lomi, Khaldi mi siangpahrang kha an cungah a ratpi; a kut chungah cun an dihlak in a chanh hna.

SALM 63:10

raltuknak hmun ah khan an thi lai i an ruak cu cenghngia nih an ei hna lai.

SALM 63:11

Pathian thawngin siangpahrang cu aa lawm lai; Pathian min in biakamnak a tuahmi vialte hna cu an i lawm lai, sihmanhsehlaw milihchim hna cu an kaa phih a si lai.

EXODUS 22:24

ka thin a hung lai i raltuknak ah nan thi sual lai. Nan nupile kha nuhmei ah an cang ve ko lai i nan fale kha ngakṭah ah an cang ve ko lai.

ISAIAH 13:18

An li le an thal in tlangval kha an thah duahmah ko hna lai. Ngakchia cungah siseh, bawhte cungah siseh, zaangfahnak zeihmanh an ngei lai lo.

ISAIAH 9:16

Hi mi hna hi a hruaitu hna nih a ping ah an hruai hna i zeiti um awk hngal loin an tuah hna.

ISAIAH 9:17

Cucaah cun Bawipa nih tlangval pakhat hmanh kha a luatter hna lai lo i mi cu an dihlak in Pathian zei i a rel lomi le bia ṭhalo chimmi lawngte an si caah, nuhmei zong ngakṭah zong ahohmanh a zaangfah hna lai lo. Cu ti a si na hmanh cun Bawipa thinhunnak cu a dong lo i dantatnak pek awkah a kut cu aa samh ko rih.

JEREMIAH 12:3

Sihmanhsehlaw maw Bawipa, nangmah nih na ka hngalh i ka tuahmi cu na hmuh ko, Zeitluk in dah kan dawt kha nangmah nih fiang tein na hngalh ko. Hi mi ṭhalo hna hi, thah awkah kalpimi tuu hna bantukin kalpi hna law Thah ni caah a dang in chia ko hna.

JEREMIAH 14:16

Cun annih nih an chimhmi hna zong cu an nupile he an fapale hna he an fanule hna he; vainam le mangṭam ruangah cun phumtu hmanh ngei loin Jerusalem khua chung lam hna ah cun hlonh an si lai. An hmuh awk hnga a simi ṭhat lonak kha an cungah ka toih hna lai.

JEREMIAH 15:7

Ka vamh hna i ram chung khua kip ah khan ka ṭhek hna; Annih nih an lam kha an hlawt duh lo caah an cungah ngaihchiatnak ka tlunter i ka mi cu ka hrawh hna.

JEREMIAH 15:8

An lakah nuhmei hna cu rili thetse nakin ka tamter deuh hna; Chun cingling ah an cungah ramhtu kha ka tlunter ukmak hna. Ral i run chim lai ṭihnung kha an cungah ka tlunter.

JEREMIAH 50:30

Cucaah a tlangval hna cu khualak lam ah khan an ril lai i Khi ni ah a ralkap hna cu thihnak chungah dai tein an it lai, tiah Bawipa nih a ti.

JEREMIAH 9:21

“Thihnak cu kan thlalangawng in an rung lut i Kan inn ṭhaṭha hna ah an lut cang; Khualak lam i ngakchia hna kha an thah hna i Khualak tual i tlangval hna kha an dawi hna,” tiin i cawnpiak hna seh.

ṬAHNAK HLA 1:15

Ka khua kulh chung i a ummi miṭhawng vialte hna cu Bawipa nih zeihmanh ah a rel hna lo; Ka ralkap valno rual kha cil dih awkah ralkap kha a ka pumhhnawh luaimai hna. Bawipa nih Judah fanu thiang cu, Mitsur nennak chung i mitsur thei bantukin a ke in a cil.

ṬAHNAK HLA 5:3

Kannih cu pa ngei loin, ngakṭah bantuk kan si, Kan nule hna cu nuhmei bantuk an si.

EZEKIEL 16:38

Va cung pa duh le lainawn in taza kan cuai lai i nahchuah le thinhun in thisen a chuahtu tiin sual kan phawt lai.

EZEKIEL 22:25

A chung i a ummi bawi hna cu, an sa sehmi an ei cuahmah lio i a ngur hluahmahmi chiandeih bantuk an si. Mi kha an seh hna i an chawhlawn le an thilri kha an chuh hna; an khua chung i nu tampi cu nuhmei ah an canter hna.

AMOS 4:10

Izipt cung i ka tluntermi rai bantuk kha kan thlahhnawh hna, Nan tlangval hna le nan rangtum run hna cu vainam in ka thah hna. Nan riahhmun hna cu a thut in ka thutter hna, Sihmanhsehlaw ka sinah nan kir hlei lo. Hihi Bawipa bia hrimhrim a si.

DEUTERONOMI 32:25

Tlangval he ngaknu he, Hnuktlai lio he ṭuakpar he, Lengah vainam nih a thah hna lai i Inn chungah tuksapur thil a um lai.

2TIMOTE 4:14

Dar soser Alekzandar nih khan ka cungah harnak nganpi a tuah. Bawipa nih a rianṭuanning in a cham ve te ko lai.

1 SAMUEL 15:33

Cun Samuel nih, “Nangmah na vainam nih nu kha fa loin a tuah hna bantukin, cu bangin na nu cu nu hna lakah fa ngei lomi a si ve lai,” tiah a ti. Cun Samuel nih Agag cu Bawipa hmaiah Gilgal khua ah cun a sam cikcek.