JEREMIAH 18:17 - Lai (Hakha) Common Language Bible 2006

¹⁷ Nichuahlei thli bantukin annih cu an ral hna hmaiah ka ṭhek dih hna lai, An ṭumchuk ni ah ka hmailei chit loin ka hnulei tu ka chit hna lai, a ti.

JEREMIAH 18:17 ပူးပေါင်းရင်းမြစ်များ

JOB 27:21

Nichuahlei thli nih a choih i a lo, a inn in lamhlapi ah khan a choih;

SALM 48:7

Pathian nih nichuahlei thli in lawng ngan pipi kha a hrawh hna.

PHUNGTHLÛKBIA 24:16

Zeicahtiah miṭha mi cu voi sarih tiang tlu hmanh seh law a tho ṭhan zau lai, sihmanhsehlaw miṭhalo cu vanchiatnak nih a hrawh hna.

JEREMIAH 13:24

Cucaah thetse ram thli nih a choihmi favai bantukin nannih cu kan ṭhek hna lai.

JEREMIAH 2:27

Thingkung kha, ‘Nangmah cu ka pa na si,’ an ti i Lung kha, ‘Nangmah nih na ka hrin,’ an ti. Annih nih an hnulei an ka chit i an hmai kha an ka hoih lo. Sihmanhsehlaw harnak an ton ni ah cun, ‘Tho law, kan khamh tuah,’ an ti.

JEREMIAH 32:33

An hnulei an ka chit i an hmai kha an ka mertak; anmah cawnpiak awkah kaa zuam lengmang nain ngaih an duh lo i zulh zong an duh lo.

JEREMIAH 46:21

A ram chung i man phalh in a ṭuanmi ralkap hna cu cenhmi cawfa bantuk an si; Sihmanhsehlaw annih zong an i let i an zam, an umhmun ah a dir ngammi ahohmanh an um lo. An ṭumchuk ni cu an cungah a phan cang, biaceih an si ni caan cu.

EZEKIEL 27:26

Na lawng zaptu hna nih khan rili cungah cun an in kalpi, Sihmanhsehlaw rilipi cungah cun nichuahlei thli nih an hrawh.

EZEKIEL 7:22

Annih cu ka hmai kha ka merkanh hna lai i a sunglawimi ka ram cu an thurhhnawmh lai; mifir kha an ra lut lai i an thurter lai.

HOSEA 13:15

Efraim cu phaikung bantukin hno hluahmah hmanh seh law Nichuahlei thli a sami kha thetse ram lei in ka run hranter lai i an cerh le an tiput vialte cu an car dih lai. A sungmi thil vialte cu a lohpi dih hna lai.

DEUTERONOMI 28:25

“Bawipa nih nannih cu nan ral hna hmaiah khan an sunghter hna lai; annih doh awkah lam pakhat in nan kal lai i an hmai in lam pasarih in nan zam lai; vawleicung pennak vialte hna mithmuh ah tuksapur nan si lai.

DEUTERONOMI 28:64

Cun khattelei vanhramdeng in khattelei vanhramdeng tiang Bawipa nih miphun kip sinah an ṭhek hna lai i, nanmah nih siseh nan pupa hna nih siseh nan hngalh lomi pathian, thing le lung in an sermi hna kha, khika ah nan biak hna lai.

DEUTERONOMI 31:17

Cun ka thinhunnak cu khi ni ah an cungah a alh lai i ka hlawt hna lai i ka hmai ka thuhkanh hna lai i, an lotlau dih lai i; ṭhat lonak le harnak tampi nih a tlunh hna lai i cucaah annih nih khi ni ah, ‘Hi ṭhat lonak kan cungah an tlun hi, kan Pathian kan sinah a um lo caah a si lo maw?’ tiah an ti lai.

DEUTERONOMI 32:35

An ke a nal tik caan caah phuhlamnak le teirul chamnak cu keimah ta an si, Zeitintiah an harnak ni cu a nai i An rawknak cu khulrang in a ra.