JEREMIAH 17:8 - Lai (Hakha) Common Language Bible 2006

⁸ Amah cu tikam phunmi thingkung bantuk, tiva kam i hram a zammi bantuk a si. Vaupi ni a chuah tikah, ṭih awk zeihmanh a ngei lo, A hnah cu hring dildel in an um zungzal ko. Khuakhen kum a tlun tikah a zei a poi lo i a thei zong a dong lo.

JEREMIAH 17:8 ပူးပေါင်းရင်းမြစ်များ

JOB 29:19

Ka hram cu ti leiah khan a zam lai i ka nge cungah khan dapti an um lai;

JOB 8:16

A thingkung cu hring dutmat in nitlang ah khan a ṭhang i A nge hna cu dum lengah khan an chuak.

SALM 1:3

Tiva kamah a khomi thingkung, a caan hmaan tein a thei a tlai i a hnah a uai bal lomi bantuk an si. An tuahmi thil kip ah khua awng an tong.

PHUNGTHLÛKBIA 11:28

A rumnak kha aa bochanmi cu a ṭil lai, sihmanhsehlaw miding cu thinghnah hring bantukin an hninghno lai.

ISAIAH 58:11

Cun nannih cu keimah nih lam kan hmuhsak zungzal hna lai i thil ṭha in nan paw kan khimter zungzal hna lai. Ngandam le thazang ṭhawng in kan umter hna lai. Ti tampi a ngeimi dum bantuk nan si lai; a kao bal lomi cerhti bantuk nan si lai.

ISAIAH 61:3

Zion i ngaihchia in a ummi vialte hna cu vutcam caah pangpar ṭhi, mitthli caah lawmhnak chiti le thangṭhatnak hla pek awkah a ka thlah. Annih cu Bawipa hrimhrim nih a phunmi thingkung bantuk an si lai. Thil ṭha kha an tuah lai i Pathian cu a tuahmi thil ruangah khan an thangṭhat lai.

JEREMIAH 39:18

Nang cu him tein kan zohkhenh lai i vainam in thah na si lai lo; na ka bochan caah zeidang zeihmanh naa chuahpi kho lai lo nain, na nunnak he tal cun na luat lai,’ tiah Bawipa nih a ti,” tiah a ti.

EZEKIEL 31:3

Assiria khi zohhmanh, Lebanon tlang i sidar thing a rak si khah. Aa dawhmi a nge nih khan tupi chung thing kha a lonh hna i An cungah khan i hlorh vengvung in a um.

EZEKIEL 47:12

Cu tiva a kam hnih ah cun rawl ca i a ṭhami thingkung vialte kha an um lai. An hnah cu a uai lai lo i an thei cu dongh ti a um lai lo; thla fate in tuante ah an tlai lengmang lai. Zeicahdah cuticun an si ti ahcun, an tohmi ti kha hmunthiang in a rami a si i an thei cu rawl caah an si i an hnah cu damnak caah an si,” tiah a ti.