JEREMIAH 17:27 - Lai (Hakha) Common Language Bible 2006

²⁷ Sihmanhsehlaw sabbath ni kha thiang tein ulh awk le sabbath ni ah thil phorh lo le Jerusalem kutka ah luhpi lo awk i ka bia kha nan ngaih lo ahcun, hi kutka hna cu mei in ka khangh hna lai; Jerusalem khua i siangpahrang inn hna kha a kangh hna lai i a mit lai lo,” tiah a ti.

JEREMIAH 17:27 ပူးပေါင်းရင်းမြစ်များ

2 SIANGPAHRANG 22:17

annih nih an ka hlawt i pathian dang hna sinah khan zihmui an khangh i annih nih ka thinphawhnak caah an kut in hi rian vialte kha an tuah caah hi hmun cungah hin ka thinhunnak cu a alh lai i a mit lai lo.

2 SIANGPAHRANG 25:9

Cun Bawipa inn le siangpahrang inn le Jerusalem khua chung inn vialte kha a khangh dih hna; inn ngan paohpaoh kha cu a khangh dih hna.

2 CHANRELNAK 36:19

Cun Pathian inn cu an khangh i Jerusalem khua kulhnak vampang cu an chimh hna i a chung i siangpahrang inn vialte cu mei in an khangh hna i a umkheng mansung vialte cu an hrawh dih hna.

SALM 122:7

Na kulhnak vampang chunglei ah daihnak um seh law na siangpahrang inn hna chungah himnak um seh.

ISAIAH 1:20

Sihmanhsehlaw ka bia kha nan ka al i nan ka doh ahcun nan thi ko lai. Hi bia cu Bawipa nih ka chim,” a ti.

ISAIAH 1:31

Thing ro cu meici nih a alhter bantukin miṭhawng hna cu amah tuahmi lila nih a hrawh hna lai i cu bantukin an rawhnak cu ahohmanh nih an kham kho lai lo.

JEREMIAH 17:24

Sihmanhsehlaw nannih cu ka bia nan ngaih i sabbath ni ah hi khuapi kutka hna chungah hin zei thil hmanh nan luhpi hna lo i khi ni cu thiang tein ul in rian nan ṭuan lo ahcun,

JEREMIAH 17:4

Kan pekmi hna nan ro kha nan sung lai. Nan hngalh lomi ram chungah nan ral kha nan rianh hna lai, zeicahtiah ka thinhunnak cu a alhmi mei a si i zungzal in a alh ko lai.

JEREMIAH 18:1

Mah hihi Bawipa sinin Jeremiah sinah a rami bia a si;

JEREMIAH 21:14

Sihmanhsehlaw Bawipa keimah nih na tuahmi ruangah dan kan tat lai. Na siangpahrang inn cu mei in ka khangh lai i a pawngkam i a ummi thil vialte cu mei nih cun a kangh dih hna lai, hi bia hi Bawipa keimah nih ka chim,” tiah a ti.

JEREMIAH 22:5

Sihmanhsehlaw hi bia hi zei ah nan rel hna lo ahcun, hi inn hi a rawk lai tiin keimah min chalh in chiat ka ser, tiah Bawipa nih a ti.

JEREMIAH 32:29

Hi khua a dotu Khaldi mi hna kha an ra lut lai i hi khua cu mei in an duah lai i an khangh lai. Keimah thinhunter awkah Baal sinah inn cungah raithawinak an khanghnak inn hna le pathian dang hna sinah thlet thawinak an pekchanhnak inn hna zong kha an khangh dih hna lai.

JEREMIAH 39:8

Khaldi mi hna nih cun siangpahrang inn le Bawipa inn le mi zapi inn hna kha an khangh hna i Jerusalem kulhnak vampang cu an chimh hna.

JEREMIAH 44:16

Kannih kan i hren chihnak biakamnak kha tlinter awkah kan i tim.

JEREMIAH 49:27

Cun Damaskas kulhnak vampang cu mei in ka duah lai i Benhadad siangpahrang inn hna cu a kangh dih hna lai.

JEREMIAH 52:13

Bawipa inn le siangpahrang inn le Jerusalem i inn ngan vialte kha a khangh dih hna, Gedaliah inn zong kha a khangh fawn.

JEREMIAH 6:17

Cun ka thawh hna i, ‘Nan caah ralvengtu ka chiah hna lai, Muko aw thawng kha ngai u,’ ka ti hna. Sihmanhsehlaw annih nih an i thawh i, ‘Zei ah kan rel lai lo,’ an ti.

JEREMIAH 7:20

Cucaah Bawipa Pathian nih hi bangin a ti: Zohhmanh u, hi hmun cungah hin, minung cung le saṭil cungah, lo chung thingkung hna le vawlei theitlai cungah, ka thinhunnak ka bungh lai; a kang lai i a mit ti lai lo.

ṬAHNAK HLA 2:6

Mitsur ruang kha a thei lawh a si bangin a puan biakinn kha a ramh i Pumhnak hmun kha a rawkmi hmun ah a ser. Bawipa nih Zion ah cun puai pumhnak le sabbath hngalhnak vialte kha a hloh dih; A thinhunnak a fah caah, Siangpahrang he tlangbawi he zei ah rel loin a um hna.

ṬAHNAK HLA 4:11

Bawipa nih diriam in a thinlinhnak kha a chuah i a thinhunnak kha a bungh; Zion ah mei a kau i a hram kha a kangh dih.

EZEKIEL 16:41

Na inn kha an khangh hna lai i nu tampi hmuh hngan ah bia an in ceih lai. Nupa sualnak na tuahmi kha ka donghter lai i nangmah an duhtu hna sinah khan zeitikhmanh ah a man na pe ti lai lo.

EZEKIEL 21:15

An lungre a theih nakhnga le mi tampi an rilh i an tluk nakhnga, Nimtlau bantukin a tleu i mi thahnak ding caah phawimi nam cu an kutka ah ka chiah dih hna.

EZEKIEL 21:3

Israel ram cu thawh law, “Hihi Bawipa bia an si: Nangmah cu kan ralchanh. Ka vainam cu a kawng chung khan ka phawi lai i na chung i a ummi kha a ding he a ṭhalo he ka sam hna lai.

EZEKIEL 22:8

Ka ca i a thiangmi thil kha zei ah nan rel hna lo i ka sabbath kha nan buar hna.

EZEKIEL 23:38

Cun hi zong hi ka cungah an tuah rih: ka hmunthiang kha an thurhhnawmh i ka sabbath kha an buar hna.

HOSEA 8:14

Israel nih inn ṭhaṭha kha a sak hna, sihmanhsehlaw a Sertu kha a philh cang. Judah nih kulhnak ralhau a ngeimi a khua kha a karhter luaimai hna, Sihmanhsehlaw a khua cu mei in ka duah hna lai i a inn ṭhaṭha hna cu a kangh dih hna lai.

AMOS 1:10

Cucaah Tair kulhnak vampang cungah khan mei ka thlah lai i Cu mei nih cun a ralhruang vialte cu a kangh dih hna lai.

AMOS 1:12

Cucaah Teman cungah mei ka thlah lai i Cu mei nih cun Bozrah ralhruang vialte kha a kangh dih hna lai.

AMOS 1:14

Gilead ram nelrawn i fapawi nu hna cu an hlai dih hna Cucaah Rabbah kulhnak vampang cungah cun mei ka thlah lai i Cu mei nih cun an ralhruang vialte kha a kangh dih hna lai; Cu ni ah cun raltuknak hmun khan aunak a um lai i Thlichia le ṭotho an hrang lai.

AMOS 1:4

Cucaah Hazael inn chungah cun mei ka thlah lai i Cu mei nih cun Benhadad inn ṭhaṭha vialte cu a kangh dih hna lai.

AMOS 1:7

Cucaah Gaza kulhnak vampang cungah khan mei ka thlah lai i Cu mei nih cun a ralhruang vialte kha a kangh dih hna lai.

AMOS 2:2

Cucaah Moab cungah mei ka thlah lai i An khua hna chung i Kerioth ralhruang kha, cu mei nih cun a kangh dih hna lai. Aukhuannak thawng lakah cun Moab cu a thi lai i A thihnak cu raltuknak aunak thawng le muko aw thawng lakah cun a si lai.

DEUTERONOMI 32:22

Zeitintiah ka thinhunnak nih mei a kau i Sheol tawne tiang a kangh, Vawlei le a chungchuak a liah hna i Tlang hram kha a kangh hna.

HEBRU 12:25

Cucaah cun ralring tein um u law nan sin i bia a chimtu bia kha al sual hlah u. Vawlei ah Pathian bia a chimtu bia theih a duh lomi cu an luat lo. Cucaah cun vancung in bia a run chimtu bia cu kan ngaih lo ahcun zeitluk in dah kan luat lo chinchin lai.