JEREMIAH 17:26 - Lai (Hakha) Common Language Bible 2006

²⁶ Cun Judah ram khua hna le Jerusalem khua kiangkap khua hna le Benjamin ram le Shefelah tlangram le Negeb in mi kha an ra lai i khangh thawinak le raithawinak le changvut thawinak le frankinsen zihmui kha an rak put hna lai i Bawipa inn ah lawmhnak thawinak kha an rak put fawn hna lai.

JEREMIAH 17:26 ပူးပေါင်းရင်းမြစ်များ

EZRA 3:11

cun annih nih Bawipa cu an thangṭhat i an lawmh i, “Bawipa sin i lunglawmhnak chim hi a ṭha; Zeitintiah a fekmi a dawtnak cu Israel leiah zungzal in a hmun,” tiin an i sak tonh. Bawipa inn hram cu bunh a si caah mi vialte nih Bawipa cu an thangṭhat tikah fak piin an au.

SALM 107:22

Raithawinak in an lawmh awk a si i a tuahmi thil vialte kha lunglawmhnak hla in an thanh awk a si.

SALM 116:17

Lawmhnak chimnak raithawinak cu kan pek lai i na sinah thla ka cam lai.

SALM 66:13

Na inn ah khangh thawinak kha ka rak put lai; bia kaa kammi kha kan pek lai.

ISAIAH 58:13

Bawipa nih, “Sabbath ni cu nizarh ah nan rel i cu ni ah cun nanmah duhnak tuah kha nan i sum i ka nizarh cu nan sunhsak i nan upat i cu ni ahcun khual tlawng lo le rian ṭuan lo le holh sawhsawh loin nan um ahcun,

JEREMIAH 30:19

Cuka i a ummi hna nih cun thangṭhatnak hla an sa lai i lunglawmhnak in an au lai. Ka karhter hna lai, an zor chuk lai lo; Upatnak ka pek hna lai, nautat an si ti lai lo.

JEREMIAH 32:44

Benjamin ram chungah siseh, tlang ram khua hna chungah siseh, Shefelah ram chungah siseh, Negeb khua hna chungah siseh, lo cu i cawk le i zuarh an si ṭhan lai i cawknak ca hna cu minthut le minkhenhnak in khenh le tehte theihhngalh in tuah an si ṭhan lai, zeicahtiah an vanṭhatnak cu ka pek ṭhan hna lai,” tiah Bawipa nih a ti.

JEREMIAH 33:11

Sihmanhsehlaw hi hmun ah hin thanuamnak thawng le lunglawmhnak thawng, nupi ṭhitu aw le a mo aw cu theih an si ṭhan lai. Mi nih ka biaknak inn ah lunglawmhnak laksawng an rak put tikah hla an sa lai i, A lianngan bik Bawipa cu lawm tuah u, Zeicahtiah amah cu a ṭha, A fekmi a dawtnak cu zungzal in a hmun, an ti lai. Hi ram cu hmasa ah a rak rum tlukte khan ka rumter ṭhan lai,” tiah Bawipa nih a ti.

JEREMIAH 33:13

Tlangram khua ah si hna seh, Shefelah khua ah si hna seh, Negeb khua ah si hna seh, Benjamin ram chungah siseh, Jerusalem khua pawngkam ah siseh, Judah ram khua hna chungah siseh, tuurun hna cu anmah a reltu hna kut tang khan an kal duahmah ṭhan lai, tiah Bawipa nih a ti.

ZEKHARIAH 7:7

Jerusalem cu dai tein a um i a chungah mi tampi an rak um i cu bantukin a pawngkam khua hna zong an rak si i Negeb le Shefelah zong an rak si lio i Bawipa nih hlan lio profet hna sinin a thanhmi kha mah hihi a si lo maw?’ tiah na chimh hna lai,” tiah a ti.

HEBRU 13:15

Cucaah Pathian cu thangṭhat zungzal ko u sih. Cu thangṭhatnak cu Jesuh min kan kaa in kan phuan kha a si i cucu Jesuh thawngin Pathian sinah kan pekchanhmi kan raithawinak a si.

1 PETER 2:5

Nanmah zong kha, lung nung bantukin ra tuah u law, thlarau biakinn saknak caah cun i hmang tuah u. Cuka ah cun a thiangmi tlangbawi bantukin cohlan awk a tlakmi thlarau raithawinak kha Jesuh Khrih thawngin Pathian cu nan pekchanh lai.

BIAPHUAN 1:5

Jesuh Khrih cu zumh awk a tlakmi tehte, hrin hmasa bikmi Fapa, thihnak in thawhter a simi a si i vawlei cung siangpahrang hna a uktu zong a si fawn. Kannih cu a kan dawt i a thihnak thawngin kan sualnak chung khan a kan chuah i