JEREMIAH 17:22 - Lai (Hakha) Common Language Bible 2006

²² Sabbath ni ah nan inn chungin thil zeihmanh nan chuahpi hna lai lo i rian zong nan ṭuan lai lo, sihmanhsehlaw nan pupa hna nawl ka pek hna bang khan sabbath ni cu thiang tein nan ulh lai.

JEREMIAH 17:22 ပူးပေါင်းရင်းမြစ်များ

NEHEMIAH 13:15

Khi caan ah khan Judah ram chungah sabbath ni i mitsur hang an nen i rawl kha tam piin an rak phorh i laa cung i an chuan hna kha ka hmuh; cun mitsur hang le mitsur thei le theipi le thilrit a phunphun, Jerusalem i sabbath ni i an rak phorh zong kha ka hmuh fawn; cun rawl an zuar ni ah cun ralrinnak ka pek hna.

EXODUS 23:12

“Ni ruk chung rian nan ṭuan lai, sihmanhsehlaw ni sarihnak ni ah cun nan ṭuan lai lo, nan cawtum hna le nan laa hna cu i din hna seh, cun nan sal hna le ramdang mi hna zong nih hrimhnak ah hmang hna seh.

ISAIAH 58:13

Bawipa nih, “Sabbath ni cu nizarh ah nan rel i cu ni ah cun nanmah duhnak tuah kha nan i sum i ka nizarh cu nan sunhsak i nan upat i cu ni ahcun khual tlawng lo le rian ṭuan lo le holh sawhsawh loin nan um ahcun,

JEREMIAH 17:24

Sihmanhsehlaw nannih cu ka bia nan ngaih i sabbath ni ah hi khuapi kutka hna chungah hin zei thil hmanh nan luhpi hna lo i khi ni cu thiang tein ul in rian nan ṭuan lo ahcun,

EZEKIEL 20:12

Cu pinah, annih nih kannih cu Bawipa nih Amah caah a kan thianter ti kha an hngalh nakhnga annih le keimah karlak i hmelchunhnak caah sabbath kha ka pek hna.

EZEKIEL 22:8

Ka ca i a thiangmi thil kha zei ah nan rel hna lo i ka sabbath kha nan buar hna.

LEVITIKAS 19:3

Nannih vialte nih nan nu le nan pa kha nan upat hna lai i ka sabbath hna kha nan ulh hna lai, kei cu Bawipa nan Pathian ka si.

LEVITIKAS 23:3

Ni ruk chung rianṭuan a si lai; sihmanhsehlaw ni sarihnak ni ah cun dinh zirziarnak sabbath, pumhnak thiang a si lai; rian zeihmanh nan ṭuan lai lo; nan umnak cio ah Bawipa ca sabbath a si.

ZEKHARIAH 1:4

Nan pupa hna bantuk kha si hlah u. Hlanlio profet hna nih, ‘Mah hihi Bawipa bia a si: Nan ziaza ṭhalo le nan tuahmi thilṭhalo khan i mer u,’ an rak ti hna. Sihmanhsehlaw ka bia an ngai lo i zei ah an ka rel fawn lo, tiah Bawipa nih a ti. Atu ah tah nan pupa hna cu khuazei ah dah an um kun?

LUKA 23:56

Cun inn ah an ṭin i a ruak caah khan zihmui le sathau kha an timh. Sabbath ni ah cun Nawlbia bangin an i din.

LUKA 6:5

“Mi Fapa hi Sabbath Bawi pei a si cu,” tiah a ti hna.

BIAPHUAN 1:10

Bawipa Ni ah Thlarau nih a ka tlak i ka hnulei in aw thangpi pakhat kha ka theih, cu aw cu muko aw thawng bantuk a si.