JEREMIAH 17:2 - Lai (Hakha) Common Language Bible 2006

² An biakṭheng le an tung thiang hna cu thingkung hring kip toiah tlang ram fing le tlang kip cungah cun an dir.

JEREMIAH 17:2 ပူးပေါင်းရင်းမြစ်များ

2 CHANRELNAK 24:18

Cun annih nih Bawipa, an pupa hna Pathian inn kha an hlawt i Asherim le siasal kha an rian an ṭuan hna. Cun hi an mawhnak ruangah hin Judah le Jerusalem cungah thinhunnak a tlung.

2 CHANRELNAK 33:19

A thlacamnak Pathian nih a nawlnak a cohlanpiakning le a lung a ṭhumh hlan i a sualnak vialte le zumhtlaklo a sinak le khuahrum bo a ser i Asherim le milem hna a chiahnak hmun hna kha, zohhmanh, Hmutu hna Chanrelnak chungah an i ṭial.

2 CHANRELNAK 33:3

Zeicahtiah a pa Hezekiah nih a rak hrawhmi khuahrum bo kha a ser ṭhan hna i Baal caah khan biakṭheng a ser hna i Asherah hna kha a ser hna i van i a ummi thil vialte kha a biak hna i an rian a ṭuan hna.

SALM 78:58

Lawkih biaknak hmun an sermi nih khan a thin a hunter i an serchommi siasal hna nih khan a nah an chuahter.

EXODUS 34:13

An biakṭheng le an lung zarh le an thing zarh kha nan hrawh, nan khuai, nan hau dih hna lai.

ISAIAH 1:29

Thingkung nan rak biakmi hna le dum thiang nan rak sermi hna kha nan i ngaichih ngaingai lai.

ISAIAH 17:8

Anmah nih an kut in an sermi biakṭheng kha an i bochan ti lai lo, anmah nih an kut in an tuahmi zong kha an i bochan ti hna lai lo — cu an kut in an tuahmi hna cu Asherah khuazingnu biaknak caah an tuahmi thingṭial hna zihmui khanghnak caah an sermi biakṭheng hna kha an si.

JEREMIAH 2:20

“Hlanpi ah na hngawngkual cu na khiah cang i na hri cu na chah cang hna i, ‘Na sal ka si ti lai lo,’ na ti. Asinain, tlang sang kip cungah le thing hring kip toiah hlawhhlangnu bangin na it.

JEREMIAH 3:23

Tlangpar i tuahmi biaknak sin khin bawmhnak zeihmanh a ra lo i Tlang sang cung i au lennak zong khin zeihmanh a ra lo; A ngaingai ti ahcun, Bawipa kan Pathian chung lawngah hin Israel khamhnak cu a um.

JEREMIAH 3:6

Josiah Siangpahrang chan ah Bawipa nih a ka thawh i, “Hi zumhawktlak lo Israel nih hin zeidah a tuah kha na hmu cang maw, tlang sang kip i a kai i thingkung hring kip toi i hlawhhlangnu aa celh hi?

JEREMIAH 7:18

Ngakchia nih thing kha an khawmh, an pale nih mei an kau i nu nih changvut cet an nen i vancung bawinu caah changreu thlum an ser, cun thlet thawinak kha pathian dang hna sinah an pekchanh — hi vialte hi keimah thin hunter awk caah an tuahmi a si.

EZEKIEL 20:28

Annih cu kan pek hna lai tiah kut hler in chiat ka sermi ram i ka luhpi tik hna ah tlangbo kip le thingkung a hnah a ṭhami paoh kha an i chingchiah i khika ah khan an raithawinak kha an tuah hna, ka thin a ka phoktu an laksawng kha an pekchanh hna i an rim thaw thawinak le an thlet thawinak kha an hun hna.

DEUTERONOMI 12:2

Nan va pawnchuah laimi miphun hna nih a sangmi tlang hna cung le mual hna cung le thingkung hring kip toi i an pathian hna an biaknak hmun vialte cu nan hrawh dih hrimhrim hna lai;

BIACEIHTU 3:7

“Cun Israel mi nih Bawipa mithmuh i thil ṭha lo kha an tuah, Bawipa an Pathian kha an philh i Baal hna le Asherah hna rian kha an ṭuan hna.