JEREMIAH 16:5 - Lai (Hakha) Common Language Bible 2006

⁵ “Zeicahtiah Bawipa nih hitihin a ti: Ṭahnak inn chungah khan va lut hlah, ṭah awkah siseh, hnemh awkah siseh, va kal hlah; hi mi hna sin hin ka daihnak ka lak cang, a fekmi ka dawtnak le ka zaangfahnak zong, tiah Bawipa nih a ti.

JEREMIAH 16:5 ပူးပေါင်းရင်းမြစ်များ

SALM 25:6

Maw Bawipa, hlan piin ka cungah na rak langhter tawnmi na dawtnak fek le na zaangfahnak cu philh hna hlah.

ISAIAH 27:11

Thing nge cu an kiak i an car i nu nih mei tih awkah an khawmh hna. Mi nih khan zeihmanh an hngalh khawh lo caah, anmah a sertu Pathian nih khan a zaangfah hna lai lo i vel zong a ngeih hna lai lo.

JEREMIAH 12:12

Ramlak tlangsang hmun kawng ah khan ramhtu an ra phan lulhmalh cang, cu hna cu ram kha khattelei kam in khattelei kam tiang a eitu Bawipa vainam kha an si; dai tein a um khomi zeihmanh an um lo.

JEREMIAH 13:14

Cun ralca pakhat le pakhat an i khawn bantukin annih cu ka den cikcek hna lai, pale zong hual lo, fapa hna zong hual loin. An cungah zaangfahnak siseh, velngeihnak siseh, nemnak siseh, ka ngei lai lo; annih hrawh kha kaa sum hrimhrim lai lo,” tiah Bawipa nih a ti.

JEREMIAH 16:13

Cucaah hi ram chung hin kan hlonh vurmar hna lai i nanmah zong nih nan pupa hna zong nih an hngalh bal lomi ram ah nan kal lai, khika ah chun zan in pathian dang hna kha an rian nan ṭuanpiak hna lai i nan cungah zaangfahnak zeihmanh ka ngei lai lo,’ a ti tiah na chimh hna lai.

ṬAHNAK HLA 3:17

Daihnak kha ka nunnak chungin a chuak cang i Nunnuamh kha zei a si ka philh cang.

ZEKHARIAH 8:10

Zeicahtiah cu caan tiangah cun mi kha an ṭuan man an pe hna lo i saram man zong kha pek an si fawn lo, ral an um caah ahohmanh an rian ṭuan awkah khan him tein an um kho lo, keimah nih pakhat le pakhat kha ka dohter hna.

DEUTERONOMI 31:17

Cun ka thinhunnak cu khi ni ah an cungah a alh lai i ka hlawt hna lai i ka hmai ka thuhkanh hna lai i, an lotlau dih lai i; ṭhat lonak le harnak tampi nih a tlunh hna lai i cucaah annih nih khi ni ah, ‘Hi ṭhat lonak kan cungah an tlun hi, kan Pathian kan sinah a um lo caah a si lo maw?’ tiah an ti lai.

BIAPHUAN 6:4

Rang dang pakhat a hung chuak i rang sen a si. A cung i aa citmi cu, vawlei cung i ral thawhternak ṭhawnnak kha an pek, cucu zeicahdah a si tiah, mi kha pakhat le pakhat i that hna seh, ti caah a si; amah cu vainam nganpi an pek.