JEREMIAH 16:18 - Lai (Hakha) Common Language Bible 2006

¹⁸ Annih nih ka ram cu fih a nungmi an siasal hna ruak in an khahter i ka ro cu an thil fihnung in an khahter caah an sualnak le an ṭhat lonak cu a let hnih in ka chamter hna lai,” tiah Bawipa nih a ti.

JEREMIAH 16:18 ပူးပေါင်းရင်းမြစ်များ

SALM 106:38

a sual lomi an fanule le an fapale hna cu an thah hna i Kanaan mi siasal hna sinah khan raithawinak ah an pek hna; hi ti an thah hnanak nih hin vawlei kha a thurter.

ISAIAH 24:5

Mi nih Pathian nawlbia kha an buar caah vawlei cu an thurter i zungzal hmun dingin a sermi biakamnak kha an hrawh caah an hnawmhter.

ISAIAH 40:2

“Jerusalem khuami cu lunglawmhnak pe hna u law, ‘Cu caan an in cu a za cang i atu cu an sualnak kha ka ngaihthiam cang hna,’ a ti tiah chim hna u. An sualnak ruangah a za in dan ka tat cang hna,” a ti.

ISAIAH 61:7

Na ningzahnak le na thangchiatnak cu a dong cang. Nangmah ramte ah khan na um cang lai i na rumnak cu a let hnih in a ṭhang lai; na lawmhnak cu zungzal in a hmun lai.

ISAIAH 65:6

“Dan ka tat hna lai tiah bia ka khiah cang i an dantatnak ding cu ka ṭial cang. An tuahmi kha hmu loin ka um sual lai lo, an sualnak ruangah khan ka lehrulh hna lai i

ISAIAH 65:7

an pupa sualnak ruangah khan teirul ka cham hna lai. Lawkih hmunthiang ah khan zihmui an khangh i ka min kha an ka thangchiat. Cucaah hmuh awkah an i tlak bantukin dan ka tat hna lai.”

JEREMIAH 17:18

A ka hremtu kha ningzahnak phakter ko hna, sihmanhsehlaw kei cu ka luatter ko, Annih cu therphang in umter ko hna, sihmanhsehlaw kei cu ka thin ka phanter hlah. An cungah rawhralnak ni kha tlunter law hrawk cikcek ko hna, a ti.

JEREMIAH 2:7

Keimah nih thil tampi a chuahnak ram ah, A theitlai hna le a thil ṭha hna kha ei awkah kan luhpi hna. Sihmanhsehlaw nan rung luh tikah ka ram kha nan thurhhnawmh i Ka ro kha fihnung ah nan ser.

JEREMIAH 3:9

Zeihmanh ruahnak ngei loin hlawh a hlan le vacung pa duh bantuk a simi lung le thing a biaknak thawng khan ram cu a thurter.

JEREMIAH 44:4

Ka sal profet vialte hna kha hi ralrinnak bia he hin nannih sinah ka rak thlah lengmang hna i, ‘Ka huatmi thil fihnung hi tuah sawh hlah u,’ tiah ka ti lengmang.

JEREMIAH 7:30

Zeicahtiah Judah mi nih ka mit hmuh ah ṭhat lonak an tuah, tiah Bawipa nih a ti. Ka min in kawhmi inn kha fih a nungmi an siasal in an thurhhnawmh cang,

EZEKIEL 11:18

Annih cu a chung i an luh tikah ṭhat lonak an tuahmi vialte le thil fihnung an tuahmi vialte kha an hlawt lai.

EZEKIEL 11:21

Sihmanhsehlaw ṭhat lonak an tuahmi le thil fihnung an tuahmi cung i a lung a chia ṭheo rihmi tu cu an tuahmi kha zeicahdah an tuah tiah ka chimter hna lai, tiah Bawipa hrimhrim nih a ti,” tiah a ti.

EZEKIEL 36:18

Ram chung i thisen an chuahmi le ram cu an thurhhnawmhnak siasal hna ruangah khan annih cu ka thinhunnak ka bunghhnawh hna.

EZEKIEL 5:11

Ka hmunthiang kha na phung ṭhalo le na thil fihnung in na thurhhnawmh caah zaangfahnak um loin kan hloh lai, tiah Bawipa Pathian nih ka min chalh in ka ti; nangmah cu kan zuah hrimhrim lai lo.

HOSEA 9:7

Dantatnak ni cu a phan cang, phuhlamnak ni cu a phan cang; Israel cu ṭhumh a si cang. Khi tikah nan sualnak a nganmi nih khan profet cu mihrut ah a ser hna lai i hmutu cu mimolh ah a ser hna lai.

LEVITIKAS 26:30

Nan khuahrum bo cu ka hrawh hna lai i nan zihmui biakṭheng cu ka hau dih hna lai i nan ruak cu nan siasal hna ruak cungah ka hlonh hna lai i ka nunnak nih an huat hna lai.

MIKAH 2:10

Tho u law kal u, hihi dinhnak hmun a si lo. Sualnak ruangah ṭih a nungmi rawhralnak he nan i tong lai.

BIAPHUAN 18:6

Amah nih a rak in tuah hna bantukte khan amah cu tuah ṭhan ve u; a let hnih in cham u, Nanmah din awkah a rak tuahmi a let hnih ṭhawng khan, Amah din awk cu a hrai chungah khan serpiak u.