JEREMIAH 16:17 - Lai (Hakha) Common Language Bible 2006

¹⁷ Zeicahtiah ka mit nih an lam cu a hmuh dih ko hna i ka sin in an i thup lo, an ṭhat lonak zong hmu loin ka um lo.

JEREMIAH 16:17 ပူးပေါင်းရင်းမြစ်များ

2 CHANRELNAK 16:9

Zeitintiah vawlei cung dihlak ah hin Bawipa mit cu aa chawk dih i amah lei i an lung soisel awk a um lomi hna cungah a ṭhawnnak kha a langhter. Hi thil ah hin hrut piin na tuah cang; zeitintiah atu cun ral na ngei cang lai,” tiah a ti.

JOB 10:14

Sual seh law, a sualnak kha ngaihthiam duh loin umning, tiah na ka ngiat.

JOB 31:4

Sihmanhsehlaw Pathian hrimhrim nih ka lam kha a zoh hna in ka ke hlan vialte kha a rel dih hna lo maw?

SALM 109:15

Bawipa nih an sualnak cu hngal zungzal ko seh, anmah belte philh dipdep si ko hna seh.

SALM 139:3

Rian ka ṭuan ah siseh, kaa dinh ah siseh, na ka hmuh, ka tuahmi vialte kha na hngalh dih.

SALM 33:15

Kan ruahnak vialte hi amah sermi an si dih i kan tuahmi vialte cu a hngalh dih.

SALM 51:9

Ka sualnak cu na mit chinhkanh ko hna law ka ṭhat lonak vialte cu ka hnawhpiak dih ko hna.

SALM 90:8

Kan sualnak cu na hmaiah na chiah hna, a thli tein kan sualnak cu na hmuh dih ko hna.

PHUNGTHLÛKBIA 15:3

Bawipa nih khuazei ka i thil a ummi hmanh kha a hmuh dih, ṭhatnak kan tuah ah siseh, chiatnak kan tuah ah siseh, a kan hmuh dih ko.

PHUNGTHLÛKBIA 5:21

Zeicahtiah mi nih a zulhmi a lam vialte cu Bawipa nih a hmuh dih ko i Bawipa nih cun a lam vialte cu a zoh dih ko.

ISAIAH 29:15

Bawipa nih hmu hlah seh, tiah an khuakhannak a thupmi hna cu an lo cang. An i timhmi cu a thli tein an ṭuan i, kan tuahmi cu ahohmanh nih an hmu lai lo i an hngal lai lo, tiah an ruah.

ISAIAH 66:18

An ruahnak le an tuahmi kha ka hngalh. “Miphun kip chung minung kha ka pumh hna lai. Hmunkhat i an i pumh tikah ka ṭhawnnak nih zeidah a tuah khawh ti kha an hmuh lai i

JEREMIAH 2:22

Cangal in naa kholh nain le chatpiat tampi na hmang nain, Na sualnak cu ka hmaiah a lang ṭhiamṭhiam ko, tiah Bawipa Pathian nih a ti.

JEREMIAH 23:24

Ka hmuh khawh lonak hmun pakhatkhat ah minung hi aa thup kho hnga maw? Van le vawlei hi ka khat dih lo maw? tiah Bawipa nih a ti.

JEREMIAH 29:23

Annih nih mihrut bantukin thil an tuah caah hi ṭhat lonak hi an cungah a tlung lai — mi nupi cung sualnak an tuah i ka min in lih an chim. Mah hihi Bawipa duhnak he aa ralchanhmi a si; an tuahmi cu ka hngalh i an cungah tehte ka si, tiah Bawipa nih a ti.”

JEREMIAH 32:19

Maw a lianngan i a ṭhawngmi Pathian, na min cu Ralkapbu Bawipa a si, naa tinhmi thil cu thil lianngan an si i na tuahnak cu khuaruahhar a si. Na mit nih mi an kalnak lam vialte cu a hmuh dih i annih cu an umtuning cio le an tuahmi thil nih hmuh awk aa tlakning cio khan na lehrulh hna.

JEREMIAH 7:11

Hi inn keimah min in kawhmi inn hi, mifir hna kua ah maw nan ruah? Hi thil vialte hi, keimah hrimhrim nih ka hmuh, tiah Bawipa nih a ti.

EZEKIEL 8:12

A ka thawh i, “Israel mi upa hna nih mui lak i an tuahmi khi na hmu maw? Anmah cio nih an i suaimi milem an chiahnak ah hmunthiang cio i an tuahmi khi? Annih nih cun Bawipa nih a kan hmu lo tiah an ruah i ram hi a hlawt cang, tiah an ruah.

EZEKIEL 9:9

Cun a ka leh i, “Israel mi le Judah mi ṭhat lonak cu a ngan hringhran ko; ram cu lainawnnak in a khat i khuapi cu dinlonak in a khat. Hi ram hi Bawipa nih a hlawt cang tiah an ruah. Bawipa nih zeihmanh a hmu lo, tiah an ruah.

ZEFANIAH 1:12

Khi caan ah Jerusalem cu meiinn he ka kawl lai i An zu ne a rak ri i a rak i ṭhutpi ko i, “Bawipa nih cun a ṭha zong a chia zong zeihmanh a tuah lai lo,” tiah a timi hna kha dan ka tat hna lai.

ZEKHARIAH 4:10

Rian kha a kal khawh lo caah an hnabei a rak dong; sihmanhsehlaw Zerubbabel nih Biakinn cu a sak peng ko ti kha an hmuh lai i an lung aa lawm lai.

1 KORIN 4:5

Cu a si caah a caan a phak hlanah ahohmanh na sual, na thiam va ti hna hlah u. Donghnak biaceihnak cu Bawipa a rat tik lawnglawng ah a si te lai, zeicahtiah mi nih an lungthli tein an rak i tinhmi le a muihnak ah an thuhmi an biathliruk vialte kha amah nih cun a phuan dih hna lai i cu tikah cun mi vialte nih hmuh awk an i tlakmi thangṭhatnak kha Pathian sinin an hmuh cio te lai.

HEBRU 4:13

Pathian sinin thuh khawhmi thil zeihmanh a um lo. Sermi thil vialte hi an dihlak in a hmaika ah an lang dih hirhiar i amah sinah cun kan kong cu kan i chim cio lai.