JEREMIAH 16:12 - Lai (Hakha) Common Language Bible 2006

¹² Cun nannih hi nan pupa hna nak chia deuh in nan um i milungkhong, miṭhalo nan si i ka bia kha ngaih nan duh lo.

JEREMIAH 16:12 ပူးပေါင်းရင်းမြစ်များ

GENESIS 6:5

Bawipa nih minung cu khuazakip ah an ṭhat lo tuk hringhran le an lungchung cu ruahnak ṭhalo lawnglawng a khah kha a hmuh tikah,

GENESIS 8:21

Bawipa nih cu rim thaw cu a theih tikah, “Minung tuahmi ruangah vawlei cu zeitikhmanh ah chiat ka serh ṭhan ti lai lo; minung cu a no lio tein a ruahnak cu a ṭhalo ti kha ka hngalh. Atu i ka tuah bantuk hin zeitikhmanh ah thilnung vialte kha ka hrawk ṭhan ti hna lai lo.

PHUNGCHIMTU 8:12

Misual mi nih sualnak kha voi za khat a tuah zongah a nung ṭhiamṭhiam ko. Asi, an chimmi cu ka hngalh, “Pathian na ṭih ahcun zeizong vialte a ṭha dih ko lai.

PHUNGCHIMTU 9:3

Kan dihlak cungah thil pakhat a tlung ko i vawlei cung i a ummi thil vialte hna an hmaan lo tlukin ahmaan lomi thil a si ve. Mi cu an nun chung paoh ahcun an ruahnak cu ṭhat lonak le pakpalawng in a khat i hmakhatte ah an thi ko.

JEREMIAH 13:10

Hi miṭhalo hna nih hin ka bia ngaih kha an duh lo; pathian dang kha an zulh hna i an rian an ṭuan hna i an kunhnawh hna. Cucaah annih cu, zeihmanh ah a ṭha ti lomi biar bantuk hi an si lai.

JEREMIAH 17:9

Lungthin hi zeizong vialte nakin a zer bik, Aho nih dah minung lungthin hi a hngalh khawh lai? Damh khawh ti lo tiangin a zaw cang.

JEREMIAH 18:12

Sihmanhsehlaw annih nih an in thawh lai i, ‘Zeicahdah kan i remh len ko lai? Kan duhning cio paoh in kan tuah cio ko lai i kan lung chungin a chuakmi ning cio paoh in kan um ko lai,’ tiah an in leh lai.

JEREMIAH 22:28

Hi mipa Koniah hi mi nawl lawng in a ummi, zeihmanh i rel awk tlak lo le santlailo, ahohmanh i duh lomi thil a si maw? Amah le a fale hna cu an hngalh bal lomi ram ah hlonh vurmar le dawi an si hi zeidang ruangah a si hnga maw?

JEREMIAH 7:24

Sihmanhsehlaw ngaih an duh lo i zeizong ah an rel duh lo, anmah ruahnak le anmah lungkhonnak tu kha an zul deuh i hmailei ah kal loin hnulei tu ah an kir.

JEREMIAH 7:26

asinain ka bia cu an ngai hlei lo i an hna zong an chi hlei lo, an hngawng tu kha an ṭhawnter. An pupa hna nakin an ṭha lo deuh.

JEREMIAH 9:14

Annih nih an pupa hna nih an cawnpiak hna bang khan an lung a khong i Baal siasal lehlam kha an biak hna.

ṬAHNAK HLA 5:7

Kan pupa hna nih an rak sual i atu ah an um ti lo, Annih sualnak thilrit kha kannih nih kan phorh.

EZEKIEL 20:30

“Cucaah Israel mi cu chim hna law hihi Bawipa Pathian bia a si tiah ti hna; ‘Nan pupa hna nih an i thurhhnawmh bangin nan i thurhhnawmh lengmang ko maw? Fih a nungmi an pathian hna sinah khan maw zeihmanh ruat loin nan i pek lengmang ko?

AMOS 2:4

Hihi Bawipa bia an si: Judah nih ṭhat lonak kha pakhat hnu pakhat in a tuah lengmang caah A cung i ka tlunter ding dantatnak kha ka let lai lo. Annih nih Bawipa phunglam kha zei ah an rel lo i A nawlbia kha an zul lo; An pupa hna nih an rak zulhmi pathian deu hna nih khan a pingah an hruai hna.

MALAKHI 3:7

Nan pupa chan in nannih cu lampial hmangmi nan si i ka phunglam kha nan zul hna lo. Ka sinah nan ra kir ahcun, nan sinah ka ra kir ve lai, tiah ralkapbu Bawipa nih a ti. Nannih nih nan i thawh i, “Zeitindah kan kir khawh lai?” nan ti.

MARKA 7:21

Zeicahtiah ṭhat lonak ziaza a tuahtertu ruahnak ṭhalo kha chunglei in a lung chungin a chuakmi an si: nu le pa sualnak tehna, fir tehna, mi thah tehna,

DEUTERONOMI 29:19

Cu bantuk a simi pa nih hi chiatser biakamnak bia kha a theih tikah a lung chungin, ‘Ka lung khonnak hi zul ko hmanh ning law ka him ko lai,’ tiin amah le amah cu thluachuah aa pechom ko hnga. Mah cu nih cun a cin a hnawng le a ro a car an dihlak in rawknak a phakter hna lai.

DEUTERONOMI 9:27

Na sal Abraham, Isak le Jakob kha cingkeng hna law; hi mi hna an lung khonnak siseh, an ṭhat lonak siseh, an sualnak siseh zei ah rel sawh hlah;

2TIMOTE 3:13

sihmanhsehlaw miṭhalo le chungthu lengnal pawl cu a ṭhalo chin lengmang khan an um lai i midang kha an hlen lengmang hna lai i anmah le anmah zong kha an i hleng lengmang lai.

HEBRU 3:12

Ka u le ka nau hna, a nungmi Pathian zamtak a duhmi lungthin ṭhalo le Pathian bochan duh lonak lungthin a ngeimi nan um sual nakhnga lo i ralring u.

BIACEIHTU 2:19

Sihmanhsehlaw biaceihtu cu a thih fate, annih cu an i mer ṭhan i an pale nakkhan chia deuh in an nung, pathian dang kha an zulh hna i an biak hna i an hmaiah an kun; an tuah tawnmi le lungkhong lam an zulh tawnmi kha pakhat hmanh an hlaw hna lo.

1 SAMUEL 15:23

Zeitintiah ralchanh hman hi litin bantukin sual a si ve i, Lungkhon hi ṭhat lo le siasal biak he an i tluk. Nangmah nih Bawipa bia na al cang caah amah zong nih nangmah cu siangpahrang sinak khan an hlawt cang,” tiah a ti.