JEREMIAH 15:9 - Lai (Hakha) Common Language Bible 2006

⁹ Fapa pasarih a ngeimi nu kha thlalau in mah hngal loin a ril ko, Chun a si ko rih lioah a ceunak cu a mit cang; Ningzak le hmaichia in a ril ko. Cun annih lak i a tang rihmi vialte hna cu vainam in thih awkah an ral hna kut chungah ka pek cang hna,” tiah Bawipa nih a ti.

JEREMIAH 15:9 ပူးပေါင်းရင်းမြစ်များ

ISAIAH 47:9

Asinain chikkhatte ah, ni khatte ah, hi thil hi an pahnih in na cungah an tlung lai. Camh cu zeizat hmanh na hmang ko lai nain na fale cu an thi ṭhiamṭhiam ko lai i nuhmei cu na si ṭhiamṭhiam ko lai.

JEREMIAH 19:7

Hi hmun ah hin Judah le Jerusalem khuakhannak kha thawl khuai bantukin ka khuai lai. Annih cu an ral hna nih khan an tei hna lai i vainam in an thah hna lai. An ruak cu van i a zuangmi va hna le vawlei i a tlongmi saram hna sinah rawl caah ka pek hna lai.

JEREMIAH 21:7

Cun cu hnuah cun, Judah siangpahrang Zedekiah le a sinum hna le a mi hna, hi khua chung i rai le vainam le mangṭam a luatmi hna kha Babilon siangpahrang Nebukhadnezzar le anmah thah a duhmi an ral hna kut chungah ka sanh hna lai. Vainam in an sam cikcek hna lai; anmah cu an zaangfah hna lai lo, a nganh zong an ngan hna lai lo, vel zong an ngeih hna lai lo,’ tiah a ti.

JEREMIAH 44:27

Nan cung i ṭhatnak tlunter awkah si loin ṭhat lonak tlunter dingah nannih cu ṭha tein kan zoh hna, cun Judah ram mi Izipt ram i a ummi vialte nih pakhat hmanh an taan lo tiangin vainam le mangṭam in an thi lai.

JEREMIAH 50:12

Nan nu cu hmaichiatnak fakpi a ing lai i Nanmah an hringtu hna cu a ning a zak lai. Babilon cu miphun hna lakah a hme bik a si lai, ti um lonak thetse ram car a si lai.

JEREMIAH 6:4

Amah doh awkah khan i tim u, Tho u law, chun ah tu u sih. A tlai tuk cang, ni aa mer cang i zanlei thladem hna cu an sau cang.

JEREMIAH 7:19

Sihmanhsehlaw a thin an huntermi cu keimah ka si maw, tiah Bawipa nih a ti. Si hlah, anmah tu kha an si deuh, ningzahnak in anmah le anmah aa khuhmi hna kha an si.

ṬAHNAK HLA 1:1

Hmasa i minung a rak khat tawnmi khua kha, Zeitindah umhar in a ṭhut ko ee! Hmasa i miphun hna lak i khua lianngan a rak simi kha, Zeitindah nuhmei ah a can; Ram uktu bawinu a rak simi kha hnekmi rianṭuantu ah a cang ko ee!

ṬAHNAK HLA 4:10

Nu nunnem tete hna nih khan anmah kut in an fale kha an chumh hna; Ka mi hna cu hliam an si ni ah cun an fale lila cu an rawl ah an cang ko.

EZEKIEL 5:12

Na mi cheu thum cheu khat cu na chungah rai le mangṭam in an thi lai; cheu thum cheu khat cu na pawngkam ram ah vainam in an thi lai; cun cheu thum cheu khat cu khuazakip ah ka ṭhek hna lai i phawi cia vainam he ka zulh hna lai.

EZEKIEL 5:13

Khi tikah ka thinhunnak cu a dong lai i an cung i ka thinlinhnak cu ka ṭhumh lai i ka dai lai; ka thinlinhnak kha a dih tikah an sin i bia a chimtu cu Bawipa kha ka si i ka ham tuk hna ruangah cu bantukin ka chim ti kha an hngalh lai.

1 SAMUEL 2:5

A khim tawnmi cu rawl kawl ah kuli an ṭuan, Sihmanhsehlaw a ṭam tawnmi cu an ṭam ti lo. A cingmi nih pasarih a hrin cang hna. Sihmanhsehlaw fa tampi a ngeimi kha cihai in a um.