JEREMIAH 15:6 - Lai (Hakha) Common Language Bible 2006

⁶ Nang nih cun na ka hlawt cang i hnulei na ka chit cang, tiah Bawipa nih a ti; Cucaah nangmah cu ka kut kan samhhnawh i kan hrawh ko, I dinhdorh lengmang hi ka ing kho ti lo.

JEREMIAH 15:6 ပူးပေါင်းရင်းမြစ်များ

ISAIAH 1:4

A! misual phun, ṭhat lonak in a khat i dinlonak a tuah pengmi hna, nannih cu nan lo cang. Bawipa Israel Pathian Thiang cu nan hlawt i hnulei nan chit caah nan sualnak nih chuk ah an hnuh cang hna.

ISAIAH 28:13

Cu ruangah cun pei Bawipa nih a cafang tete in, a tlang a tlang in, cawn awk timi a bu a bu in an cawnpiak hna lai cu a si cu. Cun nannih cu nan kal tikah nan ril lengmang ko lai. Hma nan ing lai, rap in foih nan si lai i sal ah tlaih nan si lai.

ISAIAH 31:3

Izipt mi cu pathian an si lo — minung lawng an ve ko! An rangtum hna cu thlarau an si lo. Bawipa nih rian a vun ṭuan tikah cun a ṭhawngmi miphun kha a cim cutmat ko i cu miphun ṭhawng nih a bawmhmi miphun der zong kha a tlu ve ṭhiamṭhiam lai. An pahnih in an rawk lai.

JEREMIAH 1:16

Keimah kha an ka hlawt i pathian dang hna sinah zihmui an khangh i anmah kut lila in sermi an biaknak ṭhat lonak vialte ruangah an cungah ka biakhiahnak cu ka chim lai.

JEREMIAH 13:14

Cun ralca pakhat le pakhat an i khawn bantukin annih cu ka den cikcek hna lai, pale zong hual lo, fapa hna zong hual loin. An cungah zaangfahnak siseh, velngeihnak siseh, nemnak siseh, ka ngei lai lo; annih hrawh kha kaa sum hrimhrim lai lo,” tiah Bawipa nih a ti.

JEREMIAH 2:13

Zeicahtiah ka mi hna nih hin ṭhat lonak pahnih an tuah: Ti nung a chuahnak cerh keimah cu an ka hlawt i Tikuang, a chungah ti a zawi kho lomi, a zutmi tikuang kha an i ser.

JEREMIAH 2:17

Bawipa nan Pathian nih lam an hruai hna tikah, Nanmah nih amah kha nan zamtak caah, Mah hi vialte hi nanmah nih nanmah lila cungah nan i tlunter, a si lo mei?

JEREMIAH 2:19

Nangmah dan an tattu cu na ṭhat lonak kha a si ko lai i Sual an phawtu cu na tlaunak kha a si ko lai. Bawipa na Pathian hlawt le keimah upat ti lo cu Na caah zeitluk in dah a ṭhat lo i zeitluk in dah a khaat fawn, ti kha hngal tuah; Mah hihi Ralkapbu Bawipa Pathian bia hrimhrim a si.

JEREMIAH 20:9

Bawipa kong cu ka lung chungah ka riahter ti lai lo i A min zongin bia ka chim ti lai lo, ka ti ah, A bia cu ka lung chungah hin mei bantukin a alh i ka ruh chungah hin mei linh bantukin aa khumh. Ka chung i tlaih peng kha ka celh ti lo i chuak loin ka tlai kho hrim ti lo.

JEREMIAH 44:22

a in khawh ti lo tiangin a lung chungah cun an kai luaimai. Nan tuahnak cu an ṭhalo tuk hringhran i nan tuahmi thil cu fih an nung tuk hringhran. Nan ram cu ṭiaotakmi hmun pakpalawng ah a cang i nihin i a si ko rih bantuk hin tuksapur le nihsawh awk, ahohmanh um lonak hmun a si ko rih.

JEREMIAH 6:11

Bawipa, na thinhunnak cu ka chungah a khat, A in in ka ing kho ti lo,” ka ti. Cu tikah Bawipa nih a ka thawh i, “Ka thinhunnak cu khua lak i aa chawkmi ngakchia hna cungah le Aa pummi tlangval hna cungah khan bung ko kun. Pasal si hna seh, nupi si hna seh, cu chungah cun an i tel ve lai i A tar ngaingaimi ṭuakparmi hna zong kha an i tel ve ko lai.

JEREMIAH 6:12

An inn hna cu midang pek an si lai, An lo hna le an nupile hna zong; Zeicahtiah hi ram chung i a ummi hna hi dan ka tat hna lai,” tiah a ti.

JEREMIAH 6:19

Maw vawlei, ngai tuah, Hi mi hna cungah hin, anmah khuakhanmi theitlai, rawhralnak cu ka tlunter lai; Zeicahtiah ka bia kha zei ah an rel lo i ka cawnpiaknak kha an hlawt.

JEREMIAH 7:16

Jeremiah, hi mi hna caah hin thlacam hlah, an caah nawlnak le thlacamnak tuah hlah, keimah zong kha ka nawl len hlah; zeicahtiah na bia cu ka ngai lai lo.

JEREMIAH 7:24

Sihmanhsehlaw ngaih an duh lo i zeizong ah an rel duh lo, anmah ruahnak le anmah lungkhonnak tu kha an zul deuh i hmailei ah kal loin hnulei tu ah an kir.

JEREMIAH 8:5

A si kun ahcun, ziahdah ka mi hna hi anmah duh bantuk lawngin an um ko kun hnga? Ziahdah hlennak kha fek ṭhup in an i tlaih peng ko i Ka nawlngaihnak lei ah khan kir an duh hnga lo?

JEREMIAH 8:9

Nan mifim hna cu ningzahnak an phan, An lung aa tuai i chikkhatte ah khulrang tein thil hngalh khawhnak fimnak an ngeihmi kha an thlau cang. Bawipa bia cu zei ah an rel ti lo, An fimnak cu zei bantuk fimnak dah a si?

EZEKIEL 14:9

Profet pakhatkhat cu biachim khan leem khawh a si ahcun, a lemtu cu Bawipa ka si, ka kut ka chuah lai i amah cu Israel mi chungin ka chuah lai.

EZEKIEL 25:7

nan cungah ka kut ka samh lai i nannih cu miphun hna hazawh ah kan ser hna lai i miphun dang hna sin khan kan ṭhen hna lai; khuazeika ram hmanh ah nannih cu kan hloh hna lai i nan cungah rawhnak ka tlunter lai. Cuticun keimah cu Bawipa ka si kha nan hngalh lai, tiah a ti.

EZEKIEL 35:3

I thawh law, hihi Bawipa Pathian bia an si, tiah chim: Maw Seir tlangram, nangmah cu kan doh: Na cungah ka kut ka samh lai i pakpalawng ram ah kan ser lai.

HOSEA 11:7

Keimah cu an ka mertak cang i cu ruangah a chuakmi thil kha an hrial kho ti lai lo, An cung i an i khinhmi seihnam rit ruangah khan an ai len lai, sihmanhsehlaw ahohmanh nih an ṭhialpiak kho hna lai lo.

HOSEA 13:14

Hi mi hna hi Sheol chungin ka khamh hna lai lo, Thihnak ṭhawnnak chung zongin ka chuah hna lai lo. Maw thihnak, na rai hna he cun ra tuah! Sheol, hrawh khawhnak ṭhawnnak na ngeihmi he cun ra tuah! Hi mi hna hi an cungah zaangfahnak zeihmanh ka ngei lo.

HOSEA 4:16

Israel mi cu cawla bantukin a lung a ṭhawngmi an si. Cucaah zeitindah tuufa bantukin ramhnonak ah cun rawl ka pek khawh hna lai?

ZEFANIAH 1:4

Judah ram cungah le Jerusalem khua chung i a ummi vialte hna cungah khan ka kut ka samh lai; Baal biaknak thil a tang rihmi kha a hmanung bik tiangin ka hrawh lai, An siasal tlangbawi hna min zong kha, hi hmun hin ka hloh hna lai;

ZEKHARIAH 7:11

Sihmanhsehlaw ngaih an duh lo, zeirello in keimah kha an ka hnuhoih, an hna kha an i phih i theih an duh lo.