JEREMIAH 15:17 - Lai (Hakha) Common Language Bible 2006

¹⁷ Aa nuam huahmahmi hna sinah khan ka ṭhu ka um bal lo i An sin zongah kaa nuam bal lo; Nangmah nih rian na ka pekmi ruangah keimah lawng tein ka um i Nangmah nih thinhunnak in na ka khahter.

JEREMIAH 15:17 ပူးပေါင်းရင်းမြစ်များ

SALM 1:1

Miṭhalo hna khuakhannak ah aa tel lo i Misual hna lam zong a zul lo i Pathian a nihsawhmi hna sinah a ṭhu lomi cu Thluachuakmi an si.

SALM 102:7

Hngilh kho loin ka um, inncung va, amah lawngin a um i a ci a haimi bantuk ka si.

JEREMIAH 1:10

Zohhmanh nihin ah hin nangmah cu miphun hna cung le pennak hna cungah, phawi awk le ṭheh awkah, hrawh awk le hral awkah, sak awk le phun awkah kan chiah cang,” tiah a ti.

JEREMIAH 13:17

Cu bantukin a thukmi muihnak chung i nan um hmanh i nan ngaih duh lo ahcun, Lungthin fah tuk ah a ṭah lawng ka ṭap lai i ka mitthli lawng a tla ko lai; Zeicahtiah Bawipa tuurun cu sal ah kalpi an si cang.

JEREMIAH 16:8

Cun rawl danghnak inn chung zongah, annih he ṭhut ṭi awkah siseh, ei ṭi awkah siseh, din ṭi awkah siseh, na lut lai lo.

JEREMIAH 6:11

Bawipa, na thinhunnak cu ka chungah a khat, A in in ka ing kho ti lo,” ka ti. Cu tikah Bawipa nih a ka thawh i, “Ka thinhunnak cu khua lak i aa chawkmi ngakchia hna cungah le Aa pummi tlangval hna cungah khan bung ko kun. Pasal si hna seh, nupi si hna seh, cu chungah cun an i tel ve lai i A tar ngaingaimi ṭuakparmi hna zong kha an i tel ve ko lai.

ṬAHNAK HLA 3:28

Harnak kan in tikah kanmah lawng tein daite le lungsau in kan ṭhut awk le

DANIEL 7:28

Hika ah hin hi kong cu a dong. Kei Daniel tu cu ka khuaruahnak nih van a ka sanh i a dangh zongin ka daang dih; hi thil hna tu cu ka lungchung in kaa cinken hna.

ZEKHARIAH 1:12

Khi tikah Bawipa vancungmi nih cun aa thawh i, “Maw ralkapbu Bawipa, hi kum sawm sarih chung na thinhunnak na chuahhnawhmi Jerusalem khua le Judah ram khua hna hi, zei can dah zaangfah loin na um rih hna lai?” tiah a ti.

2 KORIN 6:17

Cucaah Bawipa nih, “Annih cu nan kaltak hrimhrim hna lai i an sin cun nan i ṭhen hrimhrim lai. A thiang lomi kha zeihmanh tawng hlah u law kan cohlan hna lai.