JEREMIAH 15:1 - Lai (Hakha) Common Language Bible 2006

¹ Cun Bawipa nih a ka thawh i, “Moses le Samuel hmanh kha ka hmaiah dir hna seh law, hi mi hna hi ka zaangfah hlei hna lai lo. Ka hmaika in dawi hna law kal ko hna seh.

JEREMIAH 15:1 ပူးပေါင်းရင်းမြစ်များ

GENESIS 19:27

A thaizing zingkate ah Abraham cu Bawipa hmai i a dirnak hmun ah khan khulrang in a va kal.

2 SIANGPAHRANG 17:20

Cun Israel tefa vialte cu Bawipa nih a hlawt hna i a hrem hna, a mithmuh phak lo ah a hlonh hna hlantiang, hrawktu hna kut chungah khan a chanh hna.

SALM 106:23

Cucaah Pathian nih cun ka mi cu ka hrawh hna lai a ti; asinain a thimmi a sal Moses nih khan Pathian cu a thlauh i a thinhunnak nih khan a that hna lo.

SALM 99:6

Moses le Aaron cu a tlangbawi an si, Samuel cu a sinah thla a rak cammi pakhat a si; Bawipa cu an auh i a leh hna.

PHUNGTHLÛKBIA 14:35

Siangpahrang nih a felmi rianṭuantu kha an lawmh hna, sihmanhsehlaw an rian a tlolhmi cu dan a tat hna.

JEREMIAH 10:18

Zeicahtiah Bawipa nih hitin a ti: Atu tan hi cu, hi ram chung mi hi an dihlak in ka phawi hna lai, Fak piin ka hmeh hna lai i ro lak in ka sur hna lai.

JEREMIAH 11:14

Cucaah Jeremiah, hi mi hna caah hin thlacam hlah, anmah aiawh zongin aunak siseh, nawlnak siseh, tuah hlah, zeicahtiah an harnak caan i an ka auh tikah ka ngai hna lai lo,” tiah a ti.

JEREMIAH 14:11

Cun Bawipa nih a ka thawh i, “Hi mi hna ṭhatnak caah hin thlacam hlah.

JEREMIAH 14:12

Annih nih rawl an ulh tikah an aunak kha ka ngaihpiak hna lai lo; khangh thawinak le changvut thawinak kha an pekchanh tikah ka cohlanpiak hna lai lo. Vainam le mangṭam le rai tu in ka thah hna lai,” tiah a ti.

JEREMIAH 15:19

Cun Bawipa nih hi bangin a leh; Ka sinah na kir ṭhan ahcun kan lak ṭhan lai i ka hmaiah na dir lai. Bia ṭha chim kha na thiam i bia chia kha na hlawt ahcun, Ka bia chimtu na si lai.

JEREMIAH 16:13

Cucaah hi ram chung hin kan hlonh vurmar hna lai i nanmah zong nih nan pupa hna zong nih an hngalh bal lomi ram ah nan kal lai, khika ah chun zan in pathian dang hna kha an rian nan ṭuanpiak hna lai i nan cungah zaangfahnak zeihmanh ka ngei lai lo,’ a ti tiah na chimh hna lai.

JEREMIAH 16:5

“Zeicahtiah Bawipa nih hitihin a ti: Ṭahnak inn chungah khan va lut hlah, ṭah awkah siseh, hnemh awkah siseh, va kal hlah; hi mi hna sin hin ka daihnak ka lak cang, a fekmi ka dawtnak le ka zaangfahnak zong, tiah Bawipa nih a ti.

JEREMIAH 18:20

Ṭhatnak hi ṭhat lonak in maw lehrulh a si lai? Na thinhunnak kha an sinin aa ṭhial khawh nakhnga anmah aiawh in nangmah cu kan nawl i na hmai i ka dir kha philh sawh hlah.

JEREMIAH 22:28

Hi mipa Koniah hi mi nawl lawng in a ummi, zeihmanh i rel awk tlak lo le santlailo, ahohmanh i duh lomi thil a si maw? Amah le a fale hna cu an hngalh bal lomi ram ah hlonh vurmar le dawi an si hi zeidang ruangah a si hnga maw?

JEREMIAH 23:39

cun nan pupa hna le nanmah kan pekmi hna khua cu nanmah he ka mit hmuh phak lo ah kan hlonh hna lai.

JEREMIAH 35:19

hi bangin Ralkapbu Bawipa, Israel Pathian nih, ‘Rekhab fapa Jonadab nih zeitikhmanh ah ka hmai i a dir dingmi tefa a bau bal lai lo,’ a ti,” tiah a ti hna.

JEREMIAH 52:3

Jerusalem le Judah nih Bawipa thin cu an phawh tuk caah a donghnak ah cun a hmuh lonak hmun ah a dawi hna. Cun Zedekiah nih Babilon siangpahrang kha a doh.

JEREMIAH 9:19

Zion i ṭah thawng cu ngai hmanh: Zeitluk in dah kan rawhnak cu ṭihnung a si, Zeitluk in dah kan ningzahnak cu a fah! Kan vawlei cu kan chuahtak cang hna i kan inn cu an cim dih cang.

EZEKIEL 14:14

Noah, Daniel le Job, kha mi pathum hna hmanh kha nung rih hna seh law, anmah nunnak dah ti lo cu an dinnak nih khan ahohmanh a khamh kho hlei hna lai lo. Mah hihi Bawipa Pathian bia hrimhrim a si.

EZEKIEL 22:30

Ram cu rawk lo dingin chanhtu dingah, a pemnak ah cun ka hmaiah a dir kho i a phit khotu ding annih lakah ka kawl hna i ahohmanh ka hmu hna lo.

HOSEA 9:15

Ṭhat lonak an tuahmi vialte kha Gilgal in aa thawk, Huat hram ka thawh hnanak cu khika khan a si. Ṭhat lonak an tuahmi ruangah khan ka ram chungin ka dawi hna lai. Annih cu ka daw ti hna lai lo, an hruaitu hna nih an dihlak in an ka ral.

ZEKHARIAH 3:3

Joshua cu vancungmi hmai i a dir ah khan a thurhnawmmi thilpuan aa hruk;

DEUTERONOMI 9:26

Cun Bawipa sinah hi bangin thla ka cam, ‘Maw Bawipa Pathian, nangmah nih na lianhngannak thawngin na tlanh i Izipt ram in a ṭhawngmi kut he na chuahpimi na mi le na ro cu hrawk hlah,

HEBRU 9:24

Khrih a luhnak hmun thiang kha minung nih an sermi hmun thiang hi a si lo, a taktak le a ngaingai hna mui le thlam men ah khan si loin vancung hrimhrim ah khan a hung lut i kanmah aiawh in Pathian hmaiah khan, atu tiang hi a chuak lengmang ko.

BIACEIHTU 5:9

Israel mi a haotu hna, mi lak i lungtho tein aa pemi hna leiah hin ka lung cu a um. Bawipa cu thangṭhat tuah u.

1 SAMUEL 12:19

Cun mi vialte nih Samuel sinah cun, “Bawipa na Pathian sinah cun, kan thih nakhnga lo, na sal hna caah hin thla kan campiak tuah; zeicahtiah kan sualnak vialte cungah hi thil ṭhalo hi kan i chap cang, kan ca i siangpahrang kan hal hi,” tiah an ti.

1 SAMUEL 12:23

Cuhleiah nan ca i thlacam ka ngol thawngin Bawipa cung i sualnak ka tuah hnga cu ka duh ding naisai a si lo; lam ṭha le lam ding chung kal awk kha kan cawnpiak ko hna lai.

1 SAMUEL 7:9

Cucaah Samuel nih hnuk ding lio tuufa pakhat a lak i Bawipa sinah pum khangh thawinak caah a pekchanh; cun Samuel nih Bawipa cu Israel mi caah a kawh i Bawipa nih amah cu a leh.